فۋجيان ولكەسى نانپيڭ قالاسى جىڭحى اۋدانى تيەشان قالاشىعى دۇڭجيان قىستاعىندا «سىبوتيڭ» دەگەن سامالدىق بار، ونى نانپيڭ قالالىق پارتكومنىڭ بۇرىنعى تۇراقتى مۇشەسى، ۇنەمىلىك ىستەرگە جاۋاپتى ورىنباسار قالا باستىعى لياۋ جۇنبونىڭ قىزمەت بارسىندا قۇربان بولعان حابارى قىستاققا تارالعانىنان كەيىن، قىستاق تۇرعىندارى جىلۋ اتاپ سالعان بولاتىن.

    2011-جىلى 6-ايدا لياۋ جۇنبو جىڭحى اۋدانىنا بارىپ اۋداندىق پارتكومنىڭ شۋجيى بولادى. جىڭحى اۋدانى فۋجيان ولكەسىندەگى كەدەي اۋدان، ەكونوميكانىڭ دامۋ ورەسى ۇزاق ۋاقىتتان بەرى ولكە بويىنشا سوڭعى ورىندا بولىپ كەلگەن.

    مىندەتكە وتىرعاننان كەيىن، لياۋ جۇنبو جىڭحى اۋدانىنىڭ اۋىل-قالاشىقتارىندا 2 ايدان استام ۋاقىت تەكسەرۋ ـ زەرتتەۋ جۇرگىزىپ، تۇتاس اۋدانداعى ورىنباسار ٴبولىم دارەجەلىدەن جوعارى كادرلاردى جيناپ، 3 كۇن قىزۋ تالقى جۇرگىزىپ، دامۋ وي جەلىسىن بىرتىندەپ ايقىنداپ، 4 ٴىرى ەكونوميكانى جانداندىرۋ شاراسىن العا قويدى.

    لياۋ جۇنبونىڭ باستاۋىندا، جىڭحى اۋدانىنىڭ ەكونوميكالىق، قوعامدىق دامۋ تابىسى كورنەكتى بولىپ، 30 مىڭنان استام كەدەي كەدەيلىكتەن ارىلدى. لياۋ جۇنبو ۇنەمى ” ٴبىر كۇندە 48 ساعات بولسا قانداي جاقسى بولار ەدى “ دەگەندى اۋزىنان تاستامايتىن. ول 3 كۇندە 4 قالاعا بارىپ، 6 توپتاعى ساۋداگەرمەن كەزدەستى؛ ول وتىرعان ۇكىمەت كولىگى 4 جىلدا 360 مىڭ كيلومەتر جول باسىپ، ورتا ەسەپپەن كۇنىنە 250 كيلومەتر جول باسقان.

    2017-جىلى 3-ايدىڭ 18-كۇنى لياۋ جۇنبو باقىتقا قارسى ماشينا شىرعالاڭىنا ۇشىراپ، 48 جاسىندا كەلمەس ساپارعا اتتاندى. قايتىس بولىپ8 ايدان كەيىن، لياۋ جۇنبو 6 ـ كەزەكتى «مەملەكەتتىك كاسىپتى قادىرلەپ، ۇلەس قوسۋدىڭ ٴمورال ۇلگىسى» بولىپ باعالاندى.

    لي باۋگو، حىبي اۋىل شارۋاشىلىق داشۋەسىنىڭ بۇرىنعى پروفەسسورى. ول تايحاڭشان رايونىنىڭ ەكولوگياسىن جونگە سالۋدى جانە بۇقارانىڭ كەدەيلىكتەن قۇتىلىپ، دوڭگەلەك داۋلەتتى ورەگە جەتۋىن ومىرلىك تالپىنىسى ەتىپ، ٴار جىلى 200 نەشە كۇن نەگىزگى ساتىعا بارىپ، ٴبىر ميلليون 400 مىڭ مۋ قاعىر تاۋدى جاسىلداندىرىپ، 100 مىڭ ديقاندى كەدەيلىكتەن قۇتىلدىرىپ، اۋقاتتانۋعا باستادى.

    لي باۋگو: ” مەن اۋىل ـ قىستاقتا ەسەيىپ ـ ەرجەتتىم، بۇرىن وتباسىم وتە كەدەي بولاتىن، بۇقارانىڭ كەدەيلىكتىڭ تاقسىرەتىن تارتۋىن كورگىم كەلمەيدى. مەن مەملەكەتتىڭ جوعارى مەكتەپ ەمتيحانى قالپىنا كەلتىرگەننەن كەيىن تاربيەلەنگەن تۇڭعىش كەزەكتى ستۋدەنتپىن، كاسبىم ەگىن، ورمان شارۋاشىلىعى ماماندىعى، ۇيرەنگەن بىلىمدەرىم ارقىلى ديقاندارعا ناقتى ىس ىستەپ بەرۋگە قۇلشىنامىن دەپ ۇنەمى ايتىپ وتىراتىن.

    لي باۋگو ىلگەرىندى ـ كەيىندى 28 ٴتۇرلى زەرتتەۋ جەتىستىگىنە، 18 ٴتۇرلى ولكە، مينيسترلىك دارەجەلىدەن جوعارى سيلىققا يە بولعان، 18 ميلليون 260 مىڭ مۋ جەرگە جاڭا تەحنيكانى جالپىلاستىرىپ، تاۋلى وڭىردەگى شارۋالاردىڭ 5 ميلليارد 850 ميلليون يۋان كىرىسىن ارتتىرۋىنا جەتەكشىلىك ەتتى.

    2016 ـ جىلى 4- ايدىڭ 10- كۇنى لي باۋگو جۇرەك اۋرۋىنان تۇتقيىل اۋىرىپ، قۇتقارۋ ٴونىم بەرمەي، باقىتقا قارسى قايتىس بولدى. تالاي جىلدان بەرى، لي باۋگو ورمان شارۋاشىلىعى تەحنيكاسىن جالپىلاستىرۋعا باتىل ٴۇن قوسىپ، شارۋالاردان ساباق اقىسىن، كاسىپورىننان ەشقانداي جارنا اقىسىن المادى. ول بۇكىل ىنتا ـ پەيىلىمەن حالىق ٴۇشىن قىزمەت ىستەۋ ماقساتىنا تاباندى بولىپ، ومىرلىك زەيىن ـ زەردەنى تاۋلى وڭىرلەردىڭ ەكولوگيالىق قۇرىلىسى مەن عىلىم ـ تەحنيكا ارقىلى حالىقتى اۋقاتتاندىرۋ ىستەرىنە جۇمساپ، ٴوزىنىڭ ونەگەلى ارەكەتى ارقىلى كوممۋنيستەردىڭ تاڭداۋلى قاسيەتىن ايگىلەدى.

اۋدارعان: سەرىك راقىم ۇلى