جاز ماۋسىمى نيڭشيانىڭ الاقات تەرۋ مەزگىلى، ۋجۇڭ قالاسى حۇڭشىباۋ رايونى شينجۋاڭجي اۋىلى بايدۇن قىستاعىنداعى الاقات ەگەتىن وتباسى ۋاڭ حاڭدي تىكە تاراتۋ تەكشەسى ارقىلى ٴوزى وندىرگەن الاقات جاڭا جەمىسىن ساتۋمەن قاربالاس. ول 2003-جىلى ۇكىمەتتىڭ ەكولوگيالىق قونىس اۋدارۋ ورايىنان پايدالانىپ، نيڭشيانىڭ وڭتۇستىگىندەگى ەڭ كەدەي شيجي اۋدانىنان وسى اراعا كوشىپ باردى، سوڭعى جىلداردان بەرى الاقات ەگۋ، ەلەكتروندى ساۋدانى جالپىلاستىرۋ، وتباسىندىق ەگىس الاڭىن قۇرۋ ارقىلى، ونىڭ وتباسىنىڭ جىلدىق كىرىسى 400 مىڭ يۋاننان استى.

    بۇكىل اۋماعى حۋاڭحى وزەنى الابىنا جاتاتىن بىردەن-ٴبىر ولكە رەتىندە، نيڭشيانىڭ %90 سۋ بايلىعى حۋاڭحى وزەنىنەن كەلەدى، حۋاڭحى ەكونوميكالىق بەلدەۋى نيڭشيانىڭ ەكونوميكالىق جالپى مولشەرىنىڭ %85 ىن ۇستايدى. حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامۋدى الدىمەن اتقارىلاتىن رايون قۇرۋ-پارتيا ورتالىق كوميتەتىنىڭ، مەملەكەتتىك كەڭەستىڭ نيڭشياداعى 7 ميلليون 200 مىڭ ٴار ۇلت كادر-جۇرتشىلىعىنا جۇكتەگەن ماڭىزدى تاپسىرماسى.

    نيڭدۇڭ ەنەرگيا حيميا ونەركاسىپ بازاسىندا، ٴىرى تۇرپاتتى كومىر حيميا ونەركاسىپ كاسىپورىنى باۋفىڭ ەنەرگيا سەرىكتىگى كۇن ەنەرگياسىن ەلەكتروليزدەپ پايدا بولعان سۋتەگى گازىن كومىر حيميا ونەركاسىبى وندىرىسىنە پايدالاندى.

    تازا ەنەرگيا، ەلەكتروندىق ينفورماتسيا، جاڭا ماتەريال سياقتى 9 ٴىرى ٴتۇيىندى كاسىپتى دامىتۋ-نيڭشيانىڭ ونەركاسىپ پەن ەنەرگياعا يەك سۇيەۋ داستۇرلى كونە سۇردەگىن اۋدارىپ تاستاپ، جاسىل، تومەن كومىرتەكتى ونەركاسىپتى دامىتۋدىڭ جاڭا جاعدايىن اشتى. «14-بەسجىلدىق» كەزىندە نيڭشيا جاڭا ەنەرگيالى گەنەراتور اگراگاتتارىنىڭ سانىن %50 تەن اسىرۋدى، تازا ەنەرگيانىڭ ەنەرگيا سارىپ بولۋداعى سالىستىرماسىن %20 تەن اسىرۋدى جوسپارلاۋدا.

اۋدارعان: گۇلنۇر قابىلقاق قىزى