ينفورماتسيا اشكەرەلەۋ: mzjubao@cnr.cn

ماڭىزدى حابارلار

شينجياڭعا باعىتتامالى كومەكتەسىپ، شەكارانى گۇلدەندىرۋدە تيانشاننىڭ تۇستىگى مەن تەرىستىگىندە تىڭ داستان جازىلدى

来源:جۇڭگو قازاق راديو تورابى     |责编:阿依娜古丽|     发布日期: 2021-07-21 10:14

 

ٴوز حابارىمىز. پارتيانىڭ 18 ـ قۇرىلتايىنان بەرى، شينجياڭعا باعىتتامالى كومەكتەسەتىن 19 ولكە، قالا جانە ورتالىقتاعى قاتىستى ورىندار جان-جاقتى باعىتتامالى كومەكتەسۋدى ىشكەرىلەي اتقارىپ، شينجياڭنىڭ ەكونوميكاسى مەن قوعامىنىڭ باياندى، اقاۋسىز دامۋىنا ٴونىمدى دەم بەردى.


    كەلەلى نىساندار ينجەنەرياسى قاۋىرت جۇرگىزىلىپ، جوعارى قارقىندى تاس جول شىعىس پەن باتىستى تۇتاستىردى. سوڭعى جىلدارى ورتالىق كاسىپورىندارى شينجياڭعا باعىتتامالى كومەكتەسۋ بارىسىندا ٴوز باسىمدىقتارىن تولىق ساۋلەلەندىرىپ، شينجياڭنىڭ جوعارى ساپالى دامۋىنا كۇش ۇستەدى. 7 G بەيجيڭ - شينجياڭ جوعارى قارقىندى تاس جولى بەيجيڭنەن شينجياڭعا دەيىنگى ەكى جەردىڭ تۇتاس لەنيا بويىنشا جوعارى قارقىندى تاس جولدا قاتىناۋىن ىسكە اسىرىپ، شينجياڭنىڭ قورعاس وتكەلىنەن تيانجين پورتىنا دەيىنگى ەڭ تەز تەڭىزگە شىعۋ جولىن اشتى.


    جۇڭگو مۇناي حيميا باتىس سولتۇستىك مۇناي الابى سەرىكتىگى اقسۋ ايماعىنىڭ كەلپىن اۋدانىنا باعىتتامالى كومەكتەسكەلى قازىرگە دەيىن 25 جىل بولدى، قىستاققا تۇسكەن كادرلار اۋىل ـ قىستاق ەكونوميكاسىنىڭ جوعارى ساپالى دامۋىنا ۇزدىكسىز بەلسەنە دەم بەرىپ، حالىق تۇرمىسىن بار كۇشپەن قامتاماسىزداندىردى جانە جاقسارتتى.


    حالىقتى اۋقاتتاندىرىپ، شينجياڭدى گۇلدەندىرۋدە كاسىپ سالاسىنىڭ دامۋى شەشۋشى ٴتۇيىن. انحۇي ولكەسى تۇتىنۋعا كومەكتەسۋ، سۇيەمەلدەۋ جاڭا ۇلگىسىن جاراتىپ، حوتاننىڭ گۇما اۋدانىنداعى اۋىل شارۋاشىلىق ونىمدەرىن توراپ جەلىسىندە ساتىپ چاڭجياڭ اتىراۋىنداعى بازاعا ەنگىزدى؛ تيانجين قالاسى شەريا اۋدانىندا سيفرلى ەلەكترون كاسىپ باقشا رايونىن قۇرىپ،كاسىپتەندىرۋدى جەبەپ قالا ـ قالاشىقتا شامامەن 6000 نان استام ادامدى كاسىپتەندىردى؛ حيلۇڭجياڭ ولكەسىنىڭ شينجياڭعا باعىتتامالى كومەكتەسۋ، ساۋداگەر شاقىرۋ نىسانىنىڭ التاي ەلەكتروندى ساۋدا تىكە تاراتۋ توراپ بازاسى تاياۋدا رەسمي ىسكە قوسىلدى.


    جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى، بەيجيڭ ـ تيانجين ـ حىبەي، جيلين، شانشي، جياڭشي قاتارلى شينجياڭعا باعىتتامالى كومەكتەسەتىن 19 ولكە، قالا ەمدەۋ، وقۋ ـ اعارتۋ، جۇمىسقا ورنالاستىرۋ سياقتى حالىق تۇرمىسى سالاسىنا ۇزدىكسىز ات سالىسىپ، ٴار ۇلت بۇقاراسىنىڭ حالىق تۇرمىسىنداعى قيىن ماسەلەلەرىن ٴونىمدى شەشتى.


اۋدارعان: كۇلان ىرىسباي قىزى

中央广播电视总台 央广网 版权所有

شينجياڭعا باعىتتامالى كومەكتەسىپ، شەكارانى گۇلدەندىرۋدە تيانشاننىڭ تۇستىگى مەن تەرىستىگىندە تىڭ داستان جازىلدى

شينجياڭعا باعىتتامالى كومەكتەسەتىن 19 ولكە، قالا جانە ورتالىقتاعى قاتىستى ورىندار جان-جاقتى باعىتتامالى كومەكتەسۋدى ىشكەرىلەي اتقارىپ، شينجياڭنىڭ ەكونوميكاسى مەن قوعامىنىڭ باياندى، اقاۋسىز دامۋىنا ٴونىمدى دەم بەردى.