ورتالىق راديو ـ تەلەۆيزيا باس ستانسياسى توكيو وليمپيك سپورت جارىسىن جالپى جۇزدىك جالعاپ تاراتتى
ٴوز حابارىمىز. توكيو وليمپيك سپورت جارىسى 7-ايدىڭ 23-كۇنى باستالادى. قازىر ورتالىق راديو ـ تەلەۆيزيا باس ستانسياسى وليمپيك سپورت جارىسىن جالعاپ تاراتۋ، حابارلاۋ قىزمەتىنە ساقاداي سايلانىپ بولدى.
توكيو وليمپيك سپورت جارىسى مەن مۇگەدەكتەر وليمپيك سپورت جارىسى كەزىندە ، ورتالىق راديو-تەلەۆيزيا باس ستانسياسى 800 دەي ادامدى جالعاپ تاراتۋ ، حابارلاۋعا جىبەرىپ ، توكيو حالىقارالىق راديو ورتالىعىندا 1500 شارشى مەترلىك قىزمەت رايونىن مايعا الىپ ، الدىڭعى جانە ارتقى شەپتىڭ بارلىق جارىس بايلىعىن سايكەستى ورنالاستىرۋعا جاۋاپتى بولدى. سونىمەن بىرگە، باس ستانسيا توكيودا ٴۇش ستۋديانى جانە ٴبىر سىرتقى كورىنىس ستۋدياسىن قۇرىپ ، وليمپيك سپورت جارىسىن 4 K اسقىن تۇنىق سيگنالمەن تىكە تاراتادى.
توكيو وليمپيك سپورت جارىسىنىڭ اشىلۋ سالتى بەيجيڭ ۋاقىتى بۇگىن كەشكى ساعات 19 دا وتكىزىلەدى، باس ستانسيانىڭ دەنە تاربيە ارناسى، دەنە تاربيە جارىس ارناسى تۇتاس بارىستى تىكە تاراتادى؛ ۋنيۆەرسال كانالى سول كۇنى «اقپارات حابارلارى» اياقتاعاننان كەيىن اشىلۋ سالتىن تىكە تاراتادى؛ اقپارات ارناسى ارناۋلى حابار شىعارىپ، اشىلۋ سالتىنداعى ناق مايدانعا ۇشتاستىرىپ، توكيو وليمپيك سپورت جارىسىن اقپاراتتىق تۇرعىدان تۇسىندىرەدى. بۇدان سىرت ، ورتالىق تەلەۆيزياسىنىڭ اقپارات، ورتالىق كەسكىن، ورتالىق تەلەۆيزيا تورابى قاتارلى باس ستانسياعا قاراستى جاڭا مەديا تەكشەلەرى اشىلۋ سالتىن تۇتاس بارىستا ٴبىر ۋاقىتتا تىكە تاراتادى.
اۋدارعان: كۇلان ىرىسباي قىزى