ٴوز حابارىمىز. بولاشاق دامۋدىڭ باياندى نەگىزگى-دارىندىلاردى وزەك ەتۋدە. پارتيا 18-قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى دارىندىلار قىزمەتىن باستان–اياق مەملەكەت باسقارۋ جالپى جاعدايىندا شەشۋشى ورىنعا قويىپ، مەملەكەتتى دارىندىلار ارقىلى قۇدىرەتتەندىرۋ ستراتەگياسىن جالپى بەتتىك ىشكەرىلەي اتقارىپ، جاڭا داۋىردەگى دارىندىلار قىزمەتىندە تاريحي تابىسقا قول جەتكىزۋدى، تاريحي وزگەرىس تۋدىرۋدى جەبەدى. 

    دارىندىلار شار تاراپتان توپتاستىرىلىپ، مان بەرە ىستەتىلۋدە. سوڭعى جىلدارى جەر-جەردە رەفورما سەرپىنى ارتتىرىلىپ، دارىندىلاردىڭ جاڭالىق جاراتۋ، جاسامپازدىق ومىرشەڭدىك كۇشى بارىنشا تاسقىنداتىلىپ، جۇڭحۋا ۇلتىنىڭ ۇلى كوركەيۋى جۇڭگو ارمانىن جۇزەگە اسىرۋعا اقىل-پاراسات ارنالدى. 

    جۇڭگونىڭ ىستەرىن ويداعىداي ىستەۋدە تەتىك پارتيادا، ادامدا جانە دارىندىلاردا. بيىل 5-ايدا اشىلعان ەكى اكادەميانىڭ اكادەميكتەر جينالىسىندا، جۇڭگو عىلىم-تەحنيكا قوعامىنىڭ مەملەكەتتىك 10-قۇرىلتايىندا باس شۋجي شي جينپيڭ ٴتۇرلى سالاداعى دارىندىلاردىڭ جاڭالىق جاراتۋ ومىرشەڭدىك كۇشىن تاسقىنداتىپ، الەمدىك دارىندىلار بيىگىن قۇرۋ كەرەك دەپ باسا دارىپتەدى. 

    شي جينپيڭ بىلاي دەدى: بۇگىنگى تاڭداعى دۇنيە جۇزىندەگى باسەكە، سايىپ كەلگەندە، دارىندىلار باسەكەسى، وقۋ-اعارتۋ باسەكەسى. دارىندىلاردى دەربەس تاربيەلەپ جەتىلدىرۋگە اناعۇرلىم ٴمان بەرۋ؛ الەمدىك ىقپالعا يە ٴبىر توپ ۇزدىك عىلىم-تەحنيكا دارىندىلارىن قۇلشىنا جەتىلدىرۋ؛ ٴبىر توپ جاڭالىق جاراتۋ قوسىنىن ورنىقتى قولداۋ؛ اناعۇرلىم كوپ جوعارى ساپالى تەحنيكالىق شەبەرلىك دارىندىلارىن، شەبەرلەردى، ٴىرى ەل شەبەرلەرىن جەتىلدىرۋ كەرەك. 

    تۇزىلىستىك، مەحانيزمدىك كەدەرگىلەر كۇش سالا ارىلتىلىپ، ادام ىستەتەتىن نەگىزگى تۇلعالارعا ۇقىق بەرىلىپ، دارىندىلار ٴتۇرلى بۇعاۋدان قۇتىلدىرىلدى. تاياۋ جىلداردان بەرى، بەيجيڭدە جاڭاشا زەرتتەۋ-تاپقىرلاۋ قۇرىلىمدارىنىڭ ٴتۇزىلىس مەحانيزمىندە جاڭالىق جاراتىلۋدا. بەيجيڭ قالالىق عىلىم-تەحنيكا كوميتەتىنىڭ مەڭگەرۋشىسى شۇي چياڭ بىلاي دەدى: جاڭاشا زەرتتەۋ-تاپقىرلاۋ قۇرىلىمدارى القالار كەڭەسىنىڭ باسشىلىعىنداعى اكادەميا باستىعى نەمەسە مەڭگەرۋشى جاۋاپتى بولۋ ٴتۇزىمىن اتقارىلىپ، ولاردىڭ ادام ىستەتۋ، قازىنا سياقتى جاقتاردا دەربەس باسقارۋ ۇقىعىنا يە بولۋىنا كەپىلدىك ەتىلىپ، عىلمي زەرتتەۋ قىزمەتكەرلەرىنىڭ دەربەس جاڭالىق جاراتۋ ومىرشەڭدىك كۇشى بارىنشا تاسقىنداتىلىپ، عىلىم-تەحنيكا شىڭىنا ۇمتىلۋعا دەم بەرىلۋدە.

دارىندىلار−ٴبىرىنشى بايلىق، جاڭالىق جاراتۋ−ٴبىرىنشى قوزعاۋشى كۇش. انحۇي ولكەسىندە جاڭالىق جاراتۋ ارقىلى دامۋعا دەم بەرۋ ستراتەگياسى زور كۇشپەن اتقارىلۋدا. قازىرگە دەيىن انحۇي ولكەسىندە ولكە دارەجەلى 220 جوعارى دارەجەلى عىلىم-تەحنيكا دارىندىلار قوسىنى نىسان بويىنشا سۇيەمەلدەنىپ، اكادەميكتەر سياقتى 2000 نان استام ٴتۇرلى دارىندىلاردى ەنگىزدى. انحۇي ولكەلىك عىلىم-تەحنيكا مەڭگەرمەسىنىڭ باستىعى لو پيڭ بىلاي دەدى: ٴبىر توپ جاڭالىقشىل دارىندىلاردى ەنگىزۋدى شىن مانىندە جۇزەگە اسىرىپ، ٴبىر توپ كاسىپورىن قۇرىپ، ەكونوميكانىڭ جاڭا ارتۋ تۇيىندەرىن جەتىلدىرۋدەمىز. جوعارى دەڭگەيلى دارىندىلاردى شوعىرلاندىرۋمەن بىرگە، عىلىم-تەحنيكا جەتىستىكتەرىن كادەگە جاراتۋدى جەبەپ، جوعارى ساپالى دامۋعا دەم بەرۋدەمىز. 

    ٴار جاقتاعى دارىندىلاردىڭ ٴوز ورنىن تاۋىپ، ٴوز ارتىقشىلىعىن تولىق ايگىلەۋىنە مۇمكىندىك جاسالدى. شينجياڭدا ەگىن شارۋاشىلىعى، ورمان شارۋاشىلىعى، مال شارۋاشىلىعى سياقتى كاسىپتەردىڭ ٴىس جۇزىندىك جاعدايىمەن ۇشتاستىرىلىپ، نەگىزگى ساتىداعى عىلىم-تەحنيكا دارىندىلارىن جەتىلدىرۋ قىزمەتى ورنىقتى ىلگەرىلەتىپ، عىلىم-تەحنيكا ارناۋلى قىزمەتكەرلەرىنىڭ رولى تولىق ساۋلەلەندىرىلىپ، اۋىل-قىستاقتى كوركەيتۋگە دەم بەرىلدى. شينجياڭ عىلىم-تەحنيكا دارىندىلار ىستەرىن كوركەيتۋ ورتالىعى كاسىپتىك 3-كەڭسەسىنىڭ مەڭگەرۋشىسى حۋ يان بىلاي دەدى: ٴبىز عىلىم-تەحنيكا ارناۋلى قىزمەتكەرلەرىن كوپتەگەن اۋىل شارۋاشىلىق جوعارى، جاڭا تەحنيكا كاسىپورىندارى، اۋىل شارۋاشىلىق عىلىم-تەحنيكا كاسىپ باقشاسى سياقتى جەرلەرگە ەكسكۋرسيالاۋعا، ۇيرەنۋگە ۇيىمداستىرىپ، عىلىم-تەحنيكا ارناۋلى قىزمەتكەرلەرىنىڭ قىزمەت وتەۋ ورەسىن جوعارىلاتىپ، اۋىل-قىستاقتى كوركەيتۋگە اناعۇرلىم ويداعىداي قىزمەت وتەۋگە كۇش سالۋدامىز. 

    2020-جىلدىڭ سوڭىنا دەيىن ەلىمىزدە تەحنيكا يگەرگەن ەڭبەكشىلەر 200 ميلليوننان استى، تەحنيكا ونەرى ۇستەم دارىندىلار 50 ميلليوننان استى. 14-بەسجىلدىق جوسپاردا مىنالار باسا دارىپتەلدى: دارىندىلاردىڭ جاڭالىق جاراتۋ ومىرشەڭدىك كۇشىن تاسقىنداتىپ، جاڭالىقشىل، قولدانىلمالى، تەحنيكالىق دارىندىلاردى تاربيەلەۋدى كۇشەيتۋ كەرەك. ادام كۇشى بايلىعى جانە قوعامدىق قامتاماسىزداندىرۋ مينيسترىنىڭ ورىنباسارى تاڭ تاۋ بىلاي دەدى: كاسىپورىنداردىڭ تۇلعالىق رولى مەن ۇكىمەتتىڭ جەتەكشىلىك رولىن تولىق ساۋلەلەندىرۋ؛ تەحنيكالىق قابىلەت يەلەرى مامىلەسىن جوعارىلاتا ٴتۇسۋ ارقىلى دارىندىلاردىڭ ومىرشەڭدىك كۇشىن تاسقىنداتۋ، ەكونوميكالىق ارتۋدىڭ ىشكى سۇرانىم قوزعاۋشى كۇشىن ۇزدىكسىز اشۋ كەرەك.

اۋدارعان: قاناتبەك جۇماباي ۇلى