ينفورماتسيا اشكەرەلەۋ: mzjubao@cnr.cn

ماڭىزدى حابارلار

حان جىڭ ەۆروپا وداعى كوميتەتىنىڭ اتقارۋشى ورىنباسار توراعاسىمەن جۇڭگو مەن ەۆروپانىڭ 2-رەتكى ورتا جانە كليمات جونىندەگى جوعارى جىكتەگىلەر كەڭەسىن وتكىزدى

来源:جۇڭگو قازاق راديو تورابى     |责编:古丽美热|     发布日期: 2021-09-28 09:54

 

ٴوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ 9-ايدىڭ 27-كۇنى بەيجيڭدە ەۆروپا وداعى كوميتەتىنىڭ ورىنباسار ٴتوراعاسى تيمەرمانسپەن جۇڭگو مەن ەۆروپانىڭ 2-رەتكى ورتا جانە كليمات جونىندەگى جوعارى جىكتەگىلەر كەڭەسىن بەينە ەكران فورماسىندا وتكىزدى. 

    حان جىڭ بىلاي دەدى: ٴتوراعا شي جينپيڭ ب م ۇ-نىڭ 76-كەزەكتى جينالىسىنىڭ ادەتتەگى ايتىسىنا قاتىناسقاندا: جۇڭگونىڭ دامۋ ۇستىندەگى ەلدەردىڭ جاسىل، تومەن كومىرتەكتى ەنەرگيالاردى دامىتۋىن بار كۇشپەن قولدايتىندىعىن، شەتەلدە كومىر ەلەكتر نىساندارىن جاڭادان سالمايتىندىعىن جاريالادى. وسى كەلەلى مالىمدەمە جۇڭگونىڭ بۇكىل جەر شارى كليماتىن جونگە سالۋ ماسەلەسىندەگى جاۋاپتى پوزيتسياسىن تاعى ٴبىر رەت ايگىلەدى. جۇڭگو ٴبىر قىدىرۋ كەلەلى شارالاردى قولدانىپ، كومىر تەگى قوس توتىعىنىڭ ىعىستىرىلۋىن ەڭ جوعارى شەكتە ازايتۋ جانە كومىرتەگىن بەيتاراپتاندىرۋ نىساناسىن ورىنداۋعا كەپىلدىك ەتتى. كليمات وزگەرىسىنە توتەپ بەرۋ ماسەلەسىندە، جۇڭگو جاق باستان-اياق ۋادەدە تۇرۋ، شارالاردى اتقارۋدا ونىمدىلىككە جەتۋ، سەنىمدى بەكەمدەۋ، يرادانى بەرىكتەۋ سىندى پرينسىپتە تاباندى بولىپ، كومىر تەگى قوس توتىعىنىڭ ىعىستىرىلۋىن ەڭ جوعارى شەكتە ازايتۋ جانە كومىرتەگىن بەيتاراپتاندىرۋ نىساناسىن ورىنداۋ يراداسىن ايگىلەدى. 

    حان جىڭ مىنالاردى اتاپ كورسەتتى: جۇڭگو مەن ەۆروپا جوعارى جىكتەگىلەردىڭ تىلدەسۋ تۇعىرىنان تولىق پايدالانىپ، ەكى جاق باسشىلارىنىڭ ورتاق تانىمىن اناعۇرلىم تياناقتاندىرىپ، جۇڭگو مەن ەۆروپانىڭ جاسىل ەنەرگيا سەلبەستىگىنىڭ ۇزدىكسىز تەرەڭدەۋىن ىلگەرىلەتىپ، دۇنيە ٴجۇزىنىڭ باياندى دامۋىنا ۇلەس قوسۋى؛ مەحانيزم ارقىلى جەتەكشىلىك ەتۋدى كۇشەيتىپ، تۇسىنىستىكتى، ٴوزارا سەنىمدىلىكتى ارتتىرىپ، ساياساتتاردى بايلانىستىرۋدى، سايكەستىرۋدى كۇشەيتىپ، نازاردى ٴتۇيىندى سالالارعا شوعىرلاندىرىپ، ناقتى سەلبەستىكتى تەرەڭدەتىپ، اناعۇرلىم مول تابىستارعا قول جەتكىزۋگە قۇلشىنۋ ؛ كوپ جاقتىلىقتى ٴامالياتتا ايگىلەپ، «پاريج كەلىسىمىن» تياناقتاندىرۋعا دەم بەرىپ، الەمدىك كليمات سەلبەستىگىنە سەنىم ۇستەۋ كەرەك. جۇڭگو ٴارقايسى جاقتارمەن سايكەسۋدى كۇشەيتىپ، الاۋىزدىقتاردى توعىستىرىپ، ورتاق تانىمدى جەبەپ، ب م ۇ-نىڭ كليمات وزگەرىسى جۇلگەلىك شارتىنىڭ 26-رەتكى شارتتاسۋشى تاراپتار جينالىسىنىڭ بەلسەندى جەتىستىكتەرگە قول جەتكىزۋىن ىلگەرىلەتۋدى قالايدى. ورگانيزمدەردىڭ الۋان تۇرلىلىگى شارتىنىڭ 15-رەتكى شارتتاسۋشى تاراپتار جينالىسىنىڭ ٴتوراعا ەلى رەتىندە، جۇڭگو شارتتاسۋشى تاراپتارمەن بىرگە قۇلشىنىپ، جينالىستىڭ تابىستى بولۋىن ىلگەرىلەتۋدى ٴۇمىت ەتەدى. 

    تيمەرمانس بىلاي دەدى: ەۆروپا جۇڭگونىڭ كليمات وزگەرىسىنە توتەپ بەرۋ جولىندا جاساعان وراسان زور قۇلشىنىسىن ايرىقشا القايدى، جۇڭگومەن قورشاعان ورتا مەن كليمات سالاسىنداعى تىلدەسۋدى، سايكەسۋدى ۇزدىكسىز كۇشەيتىپ، گراسكو ب م ۇ كليمات وزگەرىسى جينالىسىنا بىرلىكتە ۇلەس قوسۋدى قالايدى، جۇڭگونىڭ «ورگانيزمدەردىڭ الۋان تۇرلىلىگى شارتىنىڭ» 15-رەتكى شارتتاسۋشى تاراپتار جينالىسىن ويداعىداي وتكىزۋىن قولدايدى.


اۋدارعان : شالقار قازەز ۇلى 


中央广播电视总台 央广网 版权所有

حان جىڭ ەۆروپا وداعى كوميتەتىنىڭ اتقارۋشى ورىنباسار توراعاسىمەن جۇڭگو مەن ەۆروپانىڭ 2-رەتكى ورتا جانە كليمات جونىندەگى جوعارى جىكتەگىلەر كەڭەسىن وتكىزدى

جۇڭگونىڭ «ورگانيزمدەردىڭ الۋان تۇرلىلىگى شارتىنىڭ» 15-رەتكى شارتتاسۋشى تاراپتار جينالىسىن ويداعىداي وتكىزۋىن قولدايدى