ينفورماتسيا اشكەرەلەۋ: mzjubao@cnr.cn

ماڭىزدى حابارلار

ج ك پ ورتالىق كوميتەت كەڭسەسى، مەملەكەتتىك كەڭەس كەڭسەسى «وسىزامانعى كاسىپتىك وقۋ-اعارتۋدى جوعارى ساپالى دامىتۋ جونىندەگى پىكىردى» باسىپ تاراتتى

来源:جۇڭگو قازاق راديو تورابى     |责编:阿依娜古丽|     发布日期: 2021-10-13 09:35

 

ٴوز حابارىمىز. ورتالىق كوميتەت كەڭسەسى، مەملەكەتتىك كەڭەس كەڭسەسى تاياۋدا «وسىزامانعى كاسىپتىك وقۋ-اعارتۋدى جوعارى ساپالى دامىتۋ جونىندەگى پىكىردى» باسىپ تاراتتى.


    «پىكىردە» مىنالار ورتاعا قويىلدى: كاسىپتىك وقۋ – اعارتۋ ــ حالىقتىق وقۋ – اعارتۋ جۇيەسى مەن ادام كۇشى بايلىعىن اشۋدىڭ ماڭىزدى قۇرامداس بولەگى، ول الۋان ءتۇرلى دارىندىلاردى تاربيەلەۋ، تەحنيكالىق ونەرگە مۇراگەرلىك ەتۋ، كاسىپتەنۋدى، يگىلىك جاراتۋدى جەبەۋ سىندى ماڭىزدى مىندەت ارقالاپ وتىر. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا كاسىپتىك وقۋ ـ اعارتۋدىڭ بولاشاعى كەڭ، رولى زور.


    پارتيانىڭ باسشىلىعىنا، مەكتەپ باسقارۋدىڭ دۇرىس بەتالىسىنا، ٴمورال ارقىلى ادام تاربيەلەۋگە تاباندى بولىپ، تيپتەردىڭ ورنىن ساپالاندىرىپ، ادام تاربيەلەۋ ٴتاسىلى، مەكتەپ باسقارۋ ۇلگىسى، باسقارۋ ٴتۇزىلىسى، قامتاماسىزداندىرۋ مەحانيزمى رەفورماسىن ىشكەرىلەتىپ، كاسىپتىك وقۋ ـ اعارتۋدىڭ ۇيلەسكىشتىگىن شىنايى كۇشەيتىپ، وسى زامانعى كاسىپتىك وقۋ ـ اعارتۋ جۇيەسىن جەدەل ورناتىپ، تەحنيكالىق قابىلەتتى قوعام قۇرىپ، شەبەرلەر رۋحىن ساۋلەلەندىرىپ، اناعۇرلىم كوپ جوعارى ساپالى تەحنيكالىق ونەرلى دارىندىلاردى، شەبەرلەردى، ٴىرى ەل شەبەرلەرىن جەتىلدىرىپ،وسىزاماندانعان ەل قۇرۋعا پارمەندى دارىندىلار جانە تەحنيكالىق تىرەك ازىرلەۋ كەرەك.


    مۇنداعى باستى نىسانا مىناداي: 2025-جىلعا بارعاندا كاسىپتىك وقۋ – اعارتۋدىڭ ٴتۇرى مەن ەرەكشەلىگى اناعۇرلىم ايقىندالىپ، وسى زامانعى كاسىپتىك وقۋ-اعارتۋ جۇيەسى نەگىزىنەن قۇرىلىپ، تەحنيكالىق قابىلەتتى قوعامدىق قۇرىلىس جاپپاي ىلگەرىلەتىلەدى. مەكتەپ باسقارۋ جۇيەسى اناعۇرلىم ساپالانىپ، وقىتۋ شارت-جاعدايى بارىنشا جاقسارادى، كاسىپتىك تولىق كۋرس وقۋ-اعارتۋىنا وقۋشى قابىلداۋ كولەمى جوعارى دارەجەلى كاسىپتىك وقۋ-اعارتۋعا وقۋشى قابىلداۋ كولەمىنىڭ %10 ىنەن تومەن بولمايدى، كاسىپتىك وقۋ-اعارتۋدىڭ باۋراۋ قۋاتى مەن تاربيەلەۋ ساپاسى كورنەكتى جوعارىلايدى.


    2035-جىلعا بارعاندا، كاسىپتىك وقۋ-اعارتۋدىڭ جالپى تۇلعالىق ورەسى دۇنيە ٴجۇزىنىڭ الدىڭعى لەگىنە ٴوتىپ، تەحنيكالىق قابىلەتتى قوعام نەگىزىنەن قۇرىلادى. تەحنيكالىق ونەر دارىندىلارىنىڭ قوعامدىق ورنى بارىنشا جوعارىلاپ، كاسىپتىك وقۋ ـ اعارتۋدىڭ قامداۋى مەن ەكونوميكالىق، قوعامدىق دامۋدىڭ قاجەتى بارىنشا سايكەسىپ، جاپپاي سوتسياليستىك وسىزاماندانعان مەملەكەت قۇرۋداعى رولى كورنەكتى كۇشەيەدى.

اۋدارعان: كۇلان ىرىسباي قىزى

中央广播电视总台 央广网 版权所有

ج ك پ ورتالىق كوميتەت كەڭسەسى، مەملەكەتتىك كەڭەس كەڭسەسى «وسىزامانعى كاسىپتىك وقۋ-اعارتۋدى جوعارى ساپالى دامىتۋ جونىندەگى پىكىردى» باسىپ تاراتتى

ورتالىق كوميتەت كەڭسەسى، مەملەكەتتىك كەڭەس كەڭسەسى تاياۋدا «وسىزامانعى كاسىپتىك وقۋ-اعارتۋدى جوعارى ساپالى دامىتۋ جونىندەگى پىكىردى» باسىپ تاراتتى.