ٴوز حابارىمىز. مەملەكەتتىڭ ورىنباسار ٴتوراعاسى ۋاڭ چيشان 10-ايدىڭ 20-كۇنى بەيجيڭدە بەينە ەكران تاسىلىمەن چيڭحۋا ۋنيۆەرسيتەتى ەكونوميكا باسقارۋ ينستيتۋتى اقىلشىلار كوميتەتىنىڭ شەتەلدەگى مۇشەلەرىمەن جانە جۇڭگو جاق كاسىپورىنشىلارىنىڭ مۇشەلەرىمەن جۇزدەستى. ۋاڭ چيشان بىلاي دەپ اتاپ كورسەتتى: جۇڭگو جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا اتتاندى. جۇڭگو ٴارقايسى ەلدەرمەن سەلبەستىكتى كۇشەيتىپ، اشىق، ٴادىل، تۋرا، كەمسىتۋ جوق عىلمي ىزدەنىس جانە تەحنيكالىق دامۋ ورتاسىن جاراتۋدى قالايدى؛ ساۋدانىڭ ەركىندەنۋى مەن قارجى قوسۋدىڭ قولايلىلانۋىن جەبەپ، ٴارقايسى جاقتارمەن قول ۇستاسا وتىرىپ جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە توتەپ بەرۋ، سيفرلى ەكونوميكا، كليمات وزگەرىسى سياقتى سىن-سايىستاردى ٴبىرجايلى ەتىپ، اشىق دۇنيە ٴجۇزى ەكونوميكاسىنىڭ قۇرىلۋىن جەبەيدى؛ ناعىز كوپ جاقتىلىقتى امالياتتا ايگىلەپ، دۇنيە جۇزىلىك جونگە سالۋدى كەمەلدەندىرىپ، ادامزاتتىڭ تاعدىرلاس ورتاق تۇلعاسىن بىرگە قۇرادى؛ وقۋ-اعارتۋدىڭ سىرتقا اشىق ۇستالۋىن كەڭەيتىپ، جۇڭگو مەن دۇنيە ٴجۇزىنىڭ ٴوزارا تۇسىنىستىگىن، توعىسۋىن جەبەيدى. مۇشەلەردىڭ جۇڭگو مەن شەتەلدىڭ اۋىس-كۇيىسىن ىلگەرىلەتۋگە، ورتاق مۇددەنى ارتتىرۋعا اناعۇرلىم زور ۇلەس قوسۋلارىن ٴۇمىت ەتەمىن.


اۋدارعان: امانتاي مۇسايىپ ۇلى