ينفورماتسيا اشكەرەلەۋ: mzjubao@cnr.cn

ماڭىزدى حابارلار

لي كىچياڭ شاڭحايدا قىزمەت تەكسەردى

来源:جۇڭگو قازاق راديو تورابى     |责编:阿依娜古丽|     发布日期: 2021-11-24 09:59

 

ٴوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 11-ايدىڭ 22-، 23-كۇندەرى شاڭحايدا قىزمەت تەكسەرگەندە مىنالاردى باسا دارىپتەدى: شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن دايەكتى تياناقتاندىرىپ، رەفورما جاساۋ، ەسىك اشۋ ارقىلى دامۋدىڭ قوزعاۋشى كۇشىن نىعايتىپ، ٴتۇرلى بازار تۇلعالارىنىڭ قارىشتاپ دامۋىنا ٴتيىمدى تاماشا ورتا قالىپتاستىرىپ، ەكونوميكانىڭ ورنىقتى اينالىمىن جەبەپ، جوعارى ساپالى دامۋدى ىلگەرىلەتۋ كەرەك.


    شاڭحاي ەركىن ساۋدا سىناق رايونىندا لي كىچياڭ وسى جەردىڭ رەفورما جاساپ، ەسىك اشۋ ارقىلى ٴبىرقىدىرۋ تۇزىمدە جاڭالىق جاراتۋ جەتىستىكتەرىنە جەتكەندىگىن تۇراقتاندىردى.


    ول بىلاي دەدى: سىزدەر مەملەكەت بويىنشا تۇڭعىش ەركىن ساۋدا سىناق رايونى رەتىندە، الدىمەن اتقارىپ، الدىمەن سىناق ەتىپ، جاڭا تاجىريبەلەرگە قول جەتكىزىپ، بۇكىل ەل ٴۇشىن ٴتىپتى دە جاقسى ۇلگى كورسەتۋلەرىڭىز كەرەك.


    لي كىچياڭ حالىقارالىق زەردەلى جاساۋ قىزمەت وتەۋ كاسىپ باقشاسىن كوزدەن كەشىرىپ، شەتەل كاپيتالىمەن قۇرىلعان كاسىپورىنداردىڭ جاۋاپتىلارىمەن پىكىر الماستىردى. ول بىلاي دەدى: سوڭعى جىلداردان بەرى، ٴبىز «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالاندىرۋ» رەفورماسىن ۇزدىكسىز ىلگەرىلەتىپ، ساۋدا ورتاسىن ساپالاندىرىپ، قارجى قوسۋدىڭ ۇنامسىز ٴتىزىمىن بارىنشا قىسقارتتىق، سىزدەر تالاي جىلدان بەرى جۇڭگودا كاسىپ دامىتۋداسىزدار، مۇنى ابدەن سەزىنگەن بولۋلارىڭىز كەرەك. جۇڭگونىڭ سىرتقا ەسىگى بارعان سايىن ايقارا اشىلادى ٴارى ٴبىلىم مەنشىگى ۇقىعىن قاتاڭ قورعاپ، ٴتىپتى دە كوپ شەتەل كاپيتالىمەن قۇرىلعان كاسىپورىنداردىڭ جۇڭگودا قارجى قوسىپ، شارۋاشىلىقتى گۇلدەندىرۋىنە مۇمكىندىك جاسايدى.


    لي كىچياڭ بىلاي دەپ باسا دارىپتەدى: جۇڭگو كاسىپورىندارى ەسىك اشۋ بارىسىندا كوز اياسىن كەڭەيتىپ، باسەكەلىك قۋاتىن كۇشەيتۋى كەرەك. الدا دۇنيە جۇزىندەگى ەڭ ۇلكەن ەركىن ساۋدا رايونى قالىپتاساتىن بولادى، ورايدى مىقتى يگەرىپ، سەلبەسىپ تەڭ يگىلىككە كەنەلۋ ارناسىن كەڭەيتۋ كەرەك.


    لي كىچياڭ ۋايگاۋچياۋ 3 – ەلەكتر سەرىكتىگىن كوزدەن كەشىرگەندە بىلاي دەدى: ەلەكتر قۋاتى _ ەكونوميكالىق اينالىمنىڭ قوزعاۋشى كۇشى، سايكەستى شارالار قولدانىپ، حالىق تۇرمىسى مەن كاسىپورىنداردىڭ قالىپتى ٴوندىرىس ەلەكترىن مۇمكىندىكتىڭ بارىنشا قامتاماسىزداندىرۋ كەرەك. ەلەكتر كاسىپورىندارى قوعامدىق جاۋاپكەرشىلىگىن اتقارىپ، حاۋىپسىز ٴوندىرىس العى شارتىندا كوبىرەك كۇش سالۋ كەرەك. ٴار دارەجەلى ۇكىمەتتەر بارىنشا قولداۋ كورسەتۋى، جۇيەدەن مەملەكەتتىڭ كومىر ەلەكتر كاسىپورىندارىنىڭ باجىنى كەشەۋىلدەتىپ تاپسىرۋ سياقتى ساياساتتارىن ويداعىداي تياناقتاندىرىپ، سايكەستى ورنالاستىرۋدى ويداعىداي ىستەپ، ەلەكترمەن، كومىرمەن ورنىقتى قامداۋعا كەپىلدىك ەتىپ، كەيبىر جەرلەردىڭ ەلەكتر قۋاتىنىڭ كەمدىگى ماسەلەسىن شەشىپ، «توك شەكتەۋ، ٴوندىرىستى توقتاتۋ» قۇبىلىسىنىڭ قايتالاي تۋىلۋىنان ساقتانۋ كەرەك. ەلىمىزدىڭ ەنەرگيادا كومىردى نەگىز ەتۋ سىندى نەگىزگى مەملەكەت جاعدايىن تياناق ەتىپ، مەملەكەت جاڭادان شىعارعان ارناۋلى ۇستەمە قارىز بەرۋ ساياساتىنان ويداعىداي پايدالانىپ، ەنەرگيا ونىمدىلىگىن جوعارىلاتاتىن پىسىپ-جەتىلگەن وزىق تەحنيكالاردى جالپىلاستىرىپ، كومىردەن تازا، جوعارى ٴونىمدى پايدالانۋدى ىلگەرىلەتىپ، جاسىل، تومەن كومىرتەكتى دامۋدى جەبەۋ كەرەك.


    لي كىچياڭ شاڭحايدىڭ كاسىپتەندىرۋدى جەبەۋ جاعدايى جونىندەگى مالىمەتىن تىڭدادى. ول شاڭحايدىڭ ەكونوميكالىق، قوعامدىق دامۋدا قول جەتكىزگەن تابىستارىن تولىق تۇراقتاندىردى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، رەفورما جاساۋ، ەسىك اشۋ، ٴورىس اشا جاڭالىق اشۋ جاعىندا ۇزدىكسىز الدىڭعى لەكتە ٴجۇرىپ، مەملەكەتتىڭ دامۋىنا اناعۇرلىم زور ۇلەس قوسۋدى ٴۇمىت ەتتى.


اۋدارعان: شالقار قازەز ۇلى

中央广播电视总台 央广网 版权所有

لي كىچياڭ شاڭحايدا قىزمەت تەكسەردى

شاڭحاي ەركىن ساۋدا سىناق رايونىندا لي كىچياڭ وسى جەردىڭ رەفورما جاساپ، ەسىك اشۋ ارقىلى ٴبىرقىدىرۋ تۇزىمدە جاڭالىق جاراتۋ جەتىستىكتەرىنە جەتكەندىگىن تۇراقتاندىردى.