ينفورماتسيا اشكەرەلەۋ: mzjubao@cnr.cn

ماڭىزدى حابارلار

ج ك پ ورتالىق كوميتەتىنىڭ، مەملەكەتتىك كەڭەستىڭ جاڭا داۋىردەگى قارتتار قىزمەتىن كۇشەيتۋ جونىندەگى پىكىرى جاريالاندى

来源:جۇڭگو قازاق راديو تورابى     |责编:阿依娜古丽|     发布日期: 2021-11-25 13:47

 

ٴوز حابارىمىز. «ج ك پ ورتالىق كوميتەتىنىڭ، مەملەكەتتىك كەڭەستىڭ جاڭا داۋىردەگى قارتتار قىزمەتىن كۇشەيتۋ جونىندەگى پىكىرى» تاياۋدا جاريالاندى.
«پىكىردە» مىنالار ورتاعا قويىلدى: ەلىمىز جان سانىنىڭ قارتتانۋىنا ٴءونىمدى توتەپ بەرۋ-مەملەكەتتىڭ دامۋ جالپى جاعدايىنا، قالىڭ حالىقتىڭ باقىتىنا، قوعامنىڭ جاراسىمدىلىعى مەن ورنىقتىلىعىنا سايادى، سوتسياليستىك وسىزاماندانعان مەملەكەتتى جاپپاي قۇرۋدا ماڭىزدى مانگە يە. حالىقتى وزەك ەتۋگە تاباندى بولىپ، قارتتار ءٴىسىن دامىتۋدى «بەستى ءٴبىر تۇلعالاندىرۋ» جالپىلىق ورنالاستىرۋى مەن «ٴتورتتى جاپپاي ورىنداۋ» ستراتەگيالىق ورنالاستىرۋىنا ەنگىزىپ، حالىق سانىنىڭ قارتتانۋىنا بەلسەنە توتەپ بەرۋ ستراتەگياسىن اتقارۋ كەرەك.


    «پىكىردە» مىنالار باسا دارىپتەلدى: قارتتاردى كۇتىمگە الۋعا قىزمەت وتەۋ جۇيەسىن كەمەلدەندىرىپ، قارتتاردى ۇيدە كۇتىمگە الۋعا قىزمەت وتەۋ ۇلگىسىندە جاڭالىق اشىپ، قارتتاردى ۇيدە كۇتىمدەۋدى نەگىز ەتىپ، جاڭادان قۇرۋ، وزگەرتۋ، مايعا بەرۋ سياقتى تاسىلدەر ارقىلى الەۋمەتتىك اۋماقتىڭ قارتتاردى كۇتىمگە الۋعا قىزمەت وتەۋ قابىلەتىن جوعارىلاتۋ كەرەك. قۇرىلىمداردا كۇتىمگە الۋ ىستەرىن ونان ارى ارناعا ٴتۇسىرۋ جانە دامىتۋ كەرەك، جەر-جەر تىكەلەي قۇرۋ، مىندەتتەمەلى جۇمىس جۇرگىزۋ، قىزمەت وتەۋدى ساتىپ الۋ، قوعامدىق قارجى قوسۋعا دەم بەرۋ سياقتى الۋان تاسىلدەر ارقىلى قۇرىلىمداردا قارتتاردى كۇتىمگە الۋ ىستەرىن دامىتۋ كەرەك. ۇلگىلى اۋلا قۇرىلىسىن كۇشەيتۋ. قارتتاردى كۇتىمگە الۋ قۇرىلىمدارىنا الدىن الا وتەيتىن قىزمەت وتەۋ اقىسىن باسقارۋ ساياساتىن زەرتتەپ بەلگىلەپ، قارتتاردى كۇتىمگە الۋ قۇرىلىمدارىنىڭ اتىن جامىلىپ اقشا توپتاۋ، الداپ-ارباۋ سياقتى ارەكەتتەردەن قاتاڭ ساقتانۋ كەرەك. نەگىزگى زەينەتكەرلىككە قىزمەت وتەۋ ٴتىزىمى ٴتۇزىمىن ورناتىپ، زەينەتكەرلىكتى قامتاماسىزداندىرۋدىڭ كوپ ساتىلى جۇيەسىن كەمەلدەندىرىپ، نەگىزگى زەينەتكەرلىك قامسىزداندىرۋدىڭ زاڭدا بەلگىلەنگەندەردى جاپپاي قامتۋىن بىرتىندەپ جۇزەگە اسىرۋ كەرەك.


    قارتتاردىڭ سالاماتتىعىن قامتاماسىزداندىرۋ جۇيەسىن كەمەلدەندىرىپ، قارتتاردىڭ دەنساۋلىعىنا قىزمەت وتەۋ جانە ونى باسقارۋ ورەسىن جوعارىلاتىپ، قارتتاردى ەمدەۋ وڭىرلىك ورتالىعىن كوپتەپ ورنالاستىرىپ، 2025-جىلعا بارعاندا 2-دارەجەلى جانە ودان جوعارى جالپىلىق شيپاحانالاردا قارتتار مەديتسينا ٴبولىمىن قۇرۋ سالىستىرماسىن %60تەن اسىرۋ كەرەك. دەنساۋلىعىنا ايىرىلعان قارتتاردى ۇزاق ۋاقىت كۇتىمدەۋگە قىزمەت وتەۋدى جانە قامتاماسىزداندىرۋدى كۇشەيتىپ، كاسىپتىك قۇرىلىمداردان الەۋمەتتىك اۋماقتارعا، وتباسىلارىنا دەيىنگى ۇزاق ۋاقىت كۇتىمدەۋگە قىزمەت وتەۋ ۇلگىسىن كەمەلدەندىرىپ، ەلىمىزدىڭ جاعدايىنا ۇيلەسەتىن ۇزاق ۋاقىت كۇتىمدەۋدى قامسىزداندىرۋ ٴتۇزىمىن ورناتۋ جونىندە بەلسەنە ىزدەنىس جاساۋ. ەمدەۋ مەن كۇتىمدەۋدى ۇشتاستىرۋدى ىشكەرىلەي ىلگەرىلەتۋ، 2025-جىلدىڭ سوڭىنا دەيىن، ٴاربىر اۋدان، قالا، رايوندا ەمدەۋ مەن كۇتىمدەۋدى ۇشتاستىرۋ رولىنا يە ەرەكشە قيىنشىلىعى بارلاردى باعۋعا قىزمەت وتەيتىن اۋدان دارەجەلى ٴبىر قۇرىلىمىنىڭ بولۋىنا كەپىلدىك ەتۋ كەرەك.


    قارتتاردىڭ قوعامعا ات سالىسۋىن جەبەپ، قارتتاردى وقۋ-اعارتۋ بايلىعىمەن قامداۋدى كەڭەيتىپ، قارتتار وقۋ-اعارتۋىن ومىرلىك وقۋ-اعارتۋ جۇيەسىنە ەنگىزىپ، تاراۋلار، كاسىپ پەن كاسىپورىندار، جوعارى مەكتەپتەر اشقان قارتتار ۋنيۆەرسيتەتىنىڭ قوعامعا اشىق ۇستالۋىن ىلگەرىلەتۋ كەرەك. قارتتارعا مادەنيەت، دەنە تاربيە جاقتارىندا قىزمەت وتەۋ ساپاسىن جوعارىلاتىپ، قارتتاردىڭ رولىن ۇزدىكسىز ساۋلەلەندىرۋىنە دەم بەرىپ، قارتتاردىڭ رولىن ۇزدىكسىز ساۋلەلەندىرۋگە كەدەرگى بولاتىن ۇيلەسىمسىز بەلگىلەمەلەردى جاپپاي اداقتاۋ كەرەك.


    قارتتاردىڭ جاراسىمدى قوعامىن كۇش سالا قۇرىپ، قارتتاردىڭ ۇقىق-مۇددەسىن قامتاماسىزداندىرۋدى كۇشەيتىپ، تەلەگراف، توراپ الدامشىلىعى سياقتى زاڭعا قايشى قىلمىستىق ارەكەتتەرگە زاڭ بويىنشا قاتاڭ سوققى بەرىپ، قارتتارعا ۇيلەسەتىن ارىز-شاعىم قىزمەت وتەۋ مەحانيزمىن ورناتۋ. قارتتاردىڭ قونىستانۋىنا قولايلى ورتا جاراتىپ، بوگەتسىز ورتا قۇرىلىسى مەن قارتتار تۇرۋعا ۇيلەسەتىن ەتىپ قايتا جاساۋدى قالانى جاڭالاۋ، قالا-قالاشىقتارداعى كونە رايونداردى جاڭالاۋ، اۋىل-قىستاقتارداعى حاۋىپتى ۇيلەردى جاڭالاۋ، اۋىل-قىستاقتاردىڭ تۇرعىن ٴۇي ورتاسىن جاقسارتۋ دەڭگەيىنە كوتەرىپ، ٴبىر تۇتاس ىلگەرىلەتۋ كەرەك. قوعامدا قارتتاردى قۇرمەتتەۋدى كۇشەيتىپ، «قارتتاردى قۇرمەتتەۋ ايى» جەلىلەس قيمىلى مەن «قارتتاردى قۇرمەتتەۋدەگى وركەنيەتتى ورىن قۇرۋ» قيمىلىن ۇزدىكسىز ىلگەرىلەتۋ كەرەك.


    قارتتار ٴىسى ەكونوميكاسىن بەلسەنە دامىتىپ، جوبالاۋ مەن جەتەكتەۋدى كۇشەيتىپ، قارتتارعا ۇيلەسەتىن كاسىپتەردى دامىتىپ، ٴبىلىم مەنشىگى ۇقىعىنا قول سۇعۋ جانە جالعان، جارامسىز تاۋارلاردى جاساۋ، ساتۋ سياقتى زاڭعا قايشى ارەكەتتەرگە قاتاڭ سوققى بەرىپ، قارتتاردىڭ تۇتىنۋ ۇقىق-مۇددەسىن قورعاۋ كەرەك.


    قارتتار قىزمەتىن قامتاماسىزداندىرۋدى كۇشەيتىپ، دارىندىلار قوسىنى قۇرىلىسىن نىعايتىپ، قارتتاردى كۇتىمدەۋ قۇرىلىمدارى اشقان ەمدەۋ قۇرىلىمدارىندا قىزمەت ىستەيتىن ەمدەۋ قىزمەتكەرلەرىنە نەگىزگى ساتى ەمدەۋ قىزمەتكەرلەرىنە قاتىستى شابىتتاندىرۋ ساياساتتارىن اتقارۋعا بولادى. قارتتار قۇرىلعىلارىمەن قامداۋدى كۇشەيتىپ، جاڭا قۇرىلعان قالا رايونىندا، جاڭا سالىنعان تۇرعىندار رايونىندا ولشەم، تالاپ بويىنشا زەينەتكەرلىككە قىزمەت وتەۋ سايكەستى قۇرىلعىلارىنىڭ جاپپاي قامتۋىن جۇزەگە اسىرۋ. قاتىستى قولداۋ ساياساتتارىن كەمەلدەندىرىپ، قارتتار ٴىسىن دامىتۋعا قازىنالىق قوسىلىم ساياساتى مەن كوپ ارنالى قارجى توپتاۋ مەحانيزمىن كەمەلدەندىرىپ، تۇرعىن ٴۇي سياقتى قولداۋ ساياساتتارىن اقىلداسىپ بەلگىلەپ، ساتىلى ەلەكتر باعاسى، سۋ باعاسى، گاز باعاسى ساياساتىن كەمەلدەندىرىپ، ەرجەتكەن بالالارىن اكە-شەشەسىمەن جاقىن ماڭدا قونىستانۋعا نەمەسە بىرگە تۇرمىس كەشىرۋگە، باعىپ-قاعۋ بورىشىن وتەپ، باعىپ-قاعۋ جاۋاپكەرشىلىگىن ارقالاۋعا شابىتتاندىرۋ كەرەك. عىلمي زەرتتەۋ مەن حالىقارالىق سەلبەستىكتى كۇشەيتىپ، الەمدىك جانە وڭىرلىك قارتتار ماسەلەسىن جونگە سالۋعا بەلسەنە ات سالىسىپ، حالىق سانىنىڭ قارتتانۋىنا بەلسەنە توتەپ بەرۋ مەملەكەت ستراتەگياسىن اتقارۋ مەن 2030-جىلعا دەيىنگى باياندى دامۋ كۇن ٴتارتىبىن تياناقتاندىرۋعا قاتىستى نىسانالاردىڭ ٴونىمدى ۇشتاسۋىن ىلگەرىلەتۋ كەرەك.


    «پىكىردە» ۇيىمدىق اتقارۋدى كۇشەيتۋ جونىندە تالاپتار قويىلدى.


اۋدارعان: گۇلنۇر قابىلقاق قىزى

中央广播电视总台 央广网 版权所有

ج ك پ ورتالىق كوميتەتىنىڭ، مەملەكەتتىك كەڭەستىڭ جاڭا داۋىردەگى قارتتار قىزمەتىن كۇشەيتۋ جونىندەگى پىكىرى جاريالاندى

«ج ك پ ورتالىق كوميتەتىنىڭ، مەملەكەتتىك كەڭەستىڭ جاڭا داۋىردەگى قارتتار قىزمەتىن كۇشەيتۋ جونىندەگى پىكىرى» تاياۋدا جاريالاندى