وڭتۇستىكتەر ارا ادامدىق ۇقىق تالقىسى -وركەندەپ كەلە جاتقان ەلدەردىڭ سىندارلى سۇقپات جانە سەلبەستىك ورىستەتۋىنىڭ ماڭىزدى تەكشەسى، بيىلعى تالقىنىڭ تاقىرىبى -«حالىقتى بارىنەن جوعارى قويۋ جانە جەرشارىندىق ادامدىق ۇقىقتى جونگە سالۋ» بولدى. ماجىلىسكە قاتىناسقان سيلى قوناقتار «ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋ جانە ادامدىق ۇقىقتى قامتاماسىزداندىرۋ»،«كەدەيلىككە قارسى تۇرۋ جانە دامۋ ۇقىعىن جۇزەگە اسىرۋ»،«كوپ جاقتىلىق پەن جەرشارىندىق ادامدىق ۇقىقتى جونگە سالۋ»،«جەرشارىندىق ادامدىق ۇقىقتى جونگە سالۋداعى وركەندەپ كەلە جاتقان ەلدەردىڭ رولى» قاتارلى كەڭەستىك تاقىرىپتار توڭىرەگىندە تالقى ورىستەتتى.

    ماجىلىسكە قاتىناسقان سيلى قوناقتار بىلاي دەپ اتاپ كورسەتتى : ٴار ەلدىڭ ٴوز مەملەكەت جاعدايى مەن حالىقتىڭ قاجەتىنە ۇيلەسەتىن ادامدىق ۇقىقتى دامىتۋ جولىمەن جۇرۋىنە بولادى جانە جۇرۋگە ٴتيىس. جەرشارىندىق ادامدىق ۇقىقتى جونگە سالۋدى ٴار ەل بىرگە اقىلداسۋى كەرەك. كەيبىر باتىس ەلدەرى ٴوزىن «ادامدىق ۇقىق قورعاۋشىسى» دەپ كوتەرمەلەپ، ادامدىق ۇقىقتى جەلەۋ ەتىپ، باسقا ەلدىڭ ىشكى ىسىنە كيلىگىپ، ٴوزىنىڭ ساياسي ماقساتىنا قىزمەت ەتەدى، بۇل جالعان ادامدىق ۇقىق، بارىپ تۇرعان زورەكەرلىك.

    ماجىلىسكە قاتىناسقان سيلى قوناقتار بىلاي دەستى: جۇڭگو «حالىقتىڭ باقىتتى ٴومىرى-ەڭ ۇلكەن ادامدىق ۇقىق» دەگەندى ايقىن العا قويىپ، ٴبىر قىدىرۋ ساياساتتىق شارالار قولدانىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتىپ، ٴداۋىر اعىمىنا ۇيلەسەتىن، جۇڭگوشا ادامدىق ۇقىقتى دامىتۋ جولىمەن ٴساتتى ٴجۇرىپ، حالىقارالىق ادامدىق ۇقىق ىستەرىنە ماڭىزدى ۇلەس قوستى.

اۋدارعان: كۇلان ىرىسباي قىزى