حالىقارالىق وليمپيك كوميتەتىنىڭ ٴتوراعاسى باح باس ستانسيانىڭ وليمپيك تەلە ارناسىندا وراسان زور تابىسقا جەتكەندىگىن القادى
ٴوز حابارىمىز. حالىقارالىق وليمپيك كوميتەتىنىڭ ٴتوراعاسى باح تاياۋدا ورتالىق راديو ـ تەلەۆيزيا باس ستانسياسىنىڭ باستىعى، باس رەداكتورى شىن حايشيۇڭعا حات جولداپ، باس ستانسيانىڭ ورتالىق تەلەۆيزياسىنىڭ وليمپيك تەلە ارناسىندا وراسان زور تابىسقا قول جەتگەندىگىن القادى، باس ستانسيانىڭ وليمپيك رۋحىن تاراتۋ، ساۋلەلەندىرۋ جولىندا كورسەتكەن قۇلشىنىسىنا العىس ايتتى.
باح حاتىندا بىلاي دەدى: باس ستانسيا ورتالىق تەلەۆيزياسىنىڭ وليمپيك تەلە ارناسىنا جۇڭگولىق كورەرمەندەردىڭ تەگىس نازار اۋدارعانىن ەستىپ قاباعات قۋاندىم. باس ستانسيا 2022 ـ جىلى بەيجيڭ قىسقى وليمپيك سپورت جارىسى وتكىزىلۋدەن بۇرىن وليمپيك تەلە ارناسىن اشىپ، وليمپيك رۋحىن ۇگىتتەپ تاراتۋ، ساۋلەلەندىرۋ ٴۇشىن كوپتەگەن قۇلشىنىستار جاسادى، بۇعان العىس ايتامىن. باس ستانسيانىڭ جەلىلەس قيمىلداردى بەيجيڭ قىسقى وليمپيك سپورت جارىسىن ۇيىمداستىرۋ كوميتەتىمەن جانە جۇڭگو وليمپيك كوميتەتىمەن بىرلىكتە جوسپارلاپ، الدا وتكىزىلەتىن بەيجيڭ قىسقى وليمپيك سپورت جارىسىنا تاماشا ۇگىت ورتاسىن ازىرلەگەندىگىن ەستىپ قۋاندىم، حالىقارالىق وليمپيك كوميتەتى مۇنى قۇپتايدى ٴارى بەلسەنە قولدايدى.
اۋدارعان: قاناتبەك جۇماباي ۇلى
