ٴوز حابارىمىز. جەر-جەردە قيىنشىلىعى بار كاسىپورىندارعا كومەكتەسۋ پارمەندى شارالارى اتقارىلىپ، كاسىپورىندارعا تۇسكەن قىسىم ناقتىلى قارجى بەرىپ جەڭىلدەتىلىپ، كاسىپورىنداردىڭ دامۋىنا تىڭ كۇش قوسىلىپ، دەم بەرىلۋدە.

جياڭشي ولكەسىندە قازىر شاعىن، ۇساق كاسىپورىندارعا 8 ميلليارد يۋاننان استام باجى قايتارىلدى. ليچۋان اۋداندىق باجى مەكەمەسى باجى ىستەرى بولىمشەسى باستىعىنىڭ ورىنباسارى ياڭ جياليڭ بىلاي دەدى: وسى رەتكى باجىنى دولايلاستىرۋ ساياساتىن اتقارۋ ارقىلى كاسىپورىنداردىڭ قارجى قىسىمىنٴونىمدى تۇردە جەڭىلدەتىلىپ، كاسىپورىنداردىڭ قارجى قوسۋدى ارتتىرۋىنا دەم بەرىلىپ، كاسىپورىنداردىڭ دامۋ سەنىمى كۇشەيتىلدى.

جيلين ولكەسىندە «ۇكىمەتتىڭ كاسىپورىندارعا ناقتى ىستەر ىستەپ بەرۋ ٴتىزىمدىگى» شىعارىلىپ، تۇتاس كاسىپ تىزبەگىنىڭ جۇمىستى، ٴوندىرىستى قالپىنا كەلتىرۋى ىلگەرىلەپ، كاسىپورىندارعا تيىمدىلىك جاساۋ ساياساتتارىنىڭ ناقتى ونىمدىلىككە قول جەتكىزۋ اياق الىسى جەدەلدەدى. باجى تاراۋلارى باجى تاپسىرۋشىلاردىڭ توراپتا باجى تاپسىرۋ قاجەتىن كوزدەپ، كوپ ٴتۇرلى قامتاماسىزداندىرۋ شارالارىن قولداندى.

5-ايدان باستاپ جىجياڭ ولكەسى جوۋشان قالاسىندا مەملەكەت مەنشىگىندەگى ۇيلەردىڭ ماي اقىسىن ازايتۋ، كەشىرىم ەتۋ ساياساتى اتقارىلىپ، جەكە ونەركاسىپشىلەر مەن ساۋداگەرلەردىڭ قيىنشىلىعى شەشىلدى. ۇعىسۋعا قاراعاندا، وسى رەتكى ٴۇي ماي اقى ازايتۋ-كەشىرىم ەتۋ كولەمىنە مەملەكەت مەنشىگىندەگى ۇيلەردى مايعا الۋىنا بولاتىن 220 دان استام شاعىن، ۇساق كاسىپورىندار، جەكەشە ونەركاسىپشىلەر مەن ساۋداگەرلەر قامتىلىپ، مەجەمەن 8 ميلليون يۋان ماي اقى ازايتىلعان جانە كەشىرىم ەتىلگەن.

بيىل جىل باسىنان بەرى گۇيجوۋ ولكەسىندە قىزمەت وتەۋ كاسىبىندەگى قيىنشىلىعى بار كاسىپورىنداردىڭ ٴۇي ماي اقىسى 50 ميلليون يۋاننان استام ازايتىلۋ اس-سۋ، بولشەك ساتۋ كاسىپورىندارىنا 25 ميلليارد يۋاننان استام امانات-قارىز اقشا تاراتىپ بەرۋ ارقىلى 40 مىڭ كاسىپورىنعا يگىلىك جاسالدى. تاياۋدا تاعى دا كوپ ٴتۇرلى ساياساتتار شىعارىلىپ، ونەركاسىپ كاسىپورىندارىنىڭ تيجارات بارىسىندا جولىققان قيىن ماسەلەلەرى شەشىلدى. گۇيجوۋ ولكەلىك ونەركاسىپ جانە ينفورماتسيالاندىرۋ مەڭگەرمەسى باستىعىنىڭ ورىنباسارى جين بيحۋاڭ بىلاي دەدى: ولكە، قالا، اۋدان 3 دارەجەلى ونەركاسىپ جانە ينفورماتسيالاندىرۋ تاراۋلارى بىرلەسىپ قيمىلداپ، كاسىپورىنداردىڭ ساياساتتان تولىق پايدالانۋىنا كومەكتەستى. ولكە دارەجەلى ٴتۇيىندى كاسىپ تىزبەگىمەن قامداۋ تىزبەگىنىڭ «اق تىزىمدىك» قىزمەت وتەۋ-قامتاماسىزداندىرۋ مەحانيزمى كەمەلدەنىپ، كاسىپورىندار تاپ بولعان قيىنشىلىقتار مەن ماسەلەلەرگە تىزىمدىك جاسالىپ، كاسىپورىنداردىڭ قيىنشىلىقتى شەشۋ شارالارىن العا قويۋىنا تارماقتار، تۇرلەر بويىنشا كومەك جاسالۋدا.

اۋدارعان: قاناتبەك جۇماباي ۇلى