ينفورماتسيا اشكەرەلەۋ: mzjubao@cnr.cn

ماڭىزدى حابارلار

جاڭ سىچيڭ جولداستىڭ سۇيەگى بەيجيڭدە ورتەلدى، شي جينپيڭ، لي جانشۋ، ۋاڭ ياڭ قاتارلىلار باباۋشان توڭكەرىستىك قۇرباندار قابىرىنا بارىپ، سۇيەكپەن قوشتاستى

来源:جۇڭگو قازاق راديو تورابى     |责编:古丽美热|     发布日期: 2022-06-22 10:40

 

ٴوز حابارىمىز. جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىننان وتكەن ادال كوممۋنيزم جاۋىنگەرى، ەلىمىزدىڭ ساياسي-زاڭ شەبىندەگى كورنەكتى باسشى، جۇڭگو حالىق ساياسي كەڭەس 9-، 10-كەزەكتى مەملەكەتتىك كوميتەتى ٴتوراعاسىنىڭ ورىنباسارى، ەڭ جوعارى حالىق پروكۋراتۋراسىنىڭ بۇرىنعى باس پروكۋرورى جاڭ سىچيڭ جولداستىڭ سۇيەگى 6-ايدىڭ 21-كۇنى بەيجيڭدەگى باباۋشان توڭكەرىستىك قۇرباندار قابىرىندا ورتەلدى.

جاڭ سىچيڭ جولداس ناۋقاس سەبەبىنەن 2022-جىلى 6-ايدىڭ 17ـ كۇنى ساعات بىردەن 52 مينۋت وتكەندە 90 جاسىندا بەيجيڭدە قايتىس بولدى.

6-ايدىڭ 21-كۇنى تۇستەن بۇرىن باباۋشان توڭكەرىستىك قۇرباندار قابىرستان زالىندا ازا ٴبىلدىرۋ قيمىلى ايبىندى وتكىزىلدى. زالدىڭ باس جاعىنا «جاڭ سىچيڭ جولداسقا قايعىلى ازا بىلدىرەمىز» دەگەن اق ٴتۇستى جازۋ جازىلعان قارا ٴتۇستى كەرمە تۋ ىلىنگەن، كەرمە تۋدىڭ استىنا جاڭ سىچيڭ جولداستىڭ سۋرەتى قويىلعان. جاڭ سىچيڭ جولداستىڭ سۇيەگى گۇلگە ورانىپ، ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلعان.

تۇستەن بۇرىن ساعات 9 دان 40 مينۋت وتكەندە، شي جينپيڭ، لي جانشۋ، ۋاڭ ياڭ قاتارلىلار ازالى مۋزيكا ٴۇنى ىشىندە جاڭ سىچيڭ جولداستىڭ سۇيەگىنىڭ الدىنا باياۋ كەلىپ، ٴۇنسىز ازا ٴبىلدىرىپ، جاڭ سىچيڭ جولداستىڭ سۇيەگىنە 3 رەت تاعزىم ەتتى ٴارى جاڭ سىچيڭ جولداستىڭ تۋىس-تۋعاندارىنان شىنايى حال سۇرادى.

جاڭ سىچيڭ جولداستىڭ ناۋقاسى سالماقتى كەزىندە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار دوحترحاناعا بارىپ كوڭىلىن سۇرادى نەمەسە ٴتۇرلى فورمالارمەن جاڭ سىچيڭ جولداستىڭ قايتىس بولعاندىعىنا قايعىلى ازا ٴبىلدىردى ٴارى ونىڭ تۋىس-تۋعاندارىنان شىنايى حال سۇرادى.

پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاستى نەمەسە ٴتۇرلى تاسىلدەرمەن ازا ٴبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، جاڭ سىچيڭ جولداستىڭ بەيجيڭدە ٴتىرى كەزىندەگى دوستارى مەن اۋىلداستارىنىڭ ۋاكىلدەرى دە سۇيەكپەن قوشتاستى.

اۋدارعان: قاناتبەك جۇماباي ۇلى

中央广播电视总台 央广网 版权所有

جاڭ سىچيڭ جولداستىڭ سۇيەگى بەيجيڭدە ورتەلدى، شي جينپيڭ، لي جانشۋ، ۋاڭ ياڭ قاتارلىلار باباۋشان توڭكەرىستىك قۇرباندار قابىرىنا بارىپ، سۇيەكپەن قوشتاستى

ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، جاڭ سىچيڭ جولداستىڭ بەيجيڭدە ٴتىرى كەزىندەگى دوستارى مەن اۋىلداستارىنىڭ ۋاكىلدەرى دە سۇيەكپەن قوشتاستى