رەسەي لۋگانسكيدەگى اسكەري ارەكەت مىندەتى ورىندالىپ بولدى دەپ جاريالادى، ۋكراينا جاق دونەتسكيدەگى قورعانىستى كۇشەيتۋدەمىز،- دەگەندى ايتتى
来源:جۇڭگو قازاق راديو تورابى |责编：达吾力别克 | 发布日期: 2022-07-06 10:15
ءوز حابارىمىز. رەسەيدىڭ مەملەكەت قورعانىس مينيسترى شويگۋ 7-ايدىڭ 4-كۇنى رەسەيدىڭ زۇڭتۇڭى پۋتينگە لۋگانسكي رايونىنداعى اسكەري ارەكەت مىندەتى ورىندالىپ بولعانىن مالىمدەدى. ال، ۋكراينا جاق بىلاي دەپ حابارلادى: ۋكراينا ارمياسى دونەتسكيدەگى ءىشىنارا رايونداردا قورعانۋدى كۇشەيتتى.
شويگۋ پۋتينگە مالىمەت بەرگەندە بىلاي دەدى: 6-ايدىڭ 19-كۇنىنەن بەرى رەسەي ارمياسى مەن لۋگانسكي قارۋلى كۇشتەرى بىرلەسە ارەكەتتەنىپ، لۋگانسكي رايونىنداعى اسكەري ارەكەت مىندەتىن ورىندادى ءارى 7-ايدىڭ 3-كۇنى ليسچانسكي قالاسىن مەڭگەرۋگە الدى. قازىر رەسەي ارمياسى ليسچانسكي قالاسىندا جانە ونىڭ توڭىرەگىندەگى رايونداردا مينا تازالاۋ، ادامگەرشىلىك زاتتاردى جەتكىزۋ سياقتى جۇمىستاردى جۇرگىزۋدە.
ۋكراينا جاق 7-ايدىڭ 4-كۇنى بىلاي دەپ حابارلادى: لۋگانسكي رايونىنىڭ ءبىر ءبولىم جەرلەرى ءالى دە ۋكراينا ارمياسىنىڭ مەڭگەرۋىندە. مۇنان سىرت، ءبىر ءبولىم ۋكراينا ارمياسى ليسچانسكيدەن دونەتسكيدىڭ شەۆەرسكي رايونىنا شەگىنىپ بارىپ، وسى جەردە جانە ونىڭ ماڭىندا قورعانۋدى كۇشەيتتى. رەسەي ارمياسى دونەتسكي رايونىنداعى ۋكراينا ارمياسىن زەڭبىرەكپەن اتقىلاۋىن ۇدەتە تۇسۋدە.
دونەتسكي سوعىسىن توقتاتۋدى باقىلاۋ، سايكەستىرۋ بىرلەسكەن ورتالىعىنىڭ ساناعىنا نەگىزدەلگەندە، دونەتسكي قالاسى 7-ايدىڭ 4-كۇنى ۋكراينا مەڭگەرگەن رايوننان اتىلعان زەڭبىرەك شابۋىلعا ۇزدىكسىز ۇشىراپ، جاي بۇقارالار جازىم بولعان جانە جارالانعان.
ۋكراينا مەديالارى 7-ايدىڭ 4-كۇنى بىلاي دەپ حابارلادى: ا ق ش–نىڭ ۋكراينادا تۇراتىن باس ەلشىسى ا ق ش ۇكىمەتىنىڭ ۋكرايناعا ءتىپتى دە كوپتەپ اسكەري قارۋ–جاراق بەرۋدى ويلاستىرىپ جاتقانىن اڭعارتتى.
كوپ ەل قايراتكەرلەرى بىلاي دەپ اشىق ايتتى: ا ق ش مەن باتىستىڭ ۋكرايناعا ۇزدىكسىز قارۋ-جاراق بەرۋى شۇعىل جاعدايدى ۋشىقتىرىپ، قاقتىعىستى ۇزارتادى.
انگليا ەكونوميكا جانە ساۋدا زەرتتەۋ ورتالىعى 7-ايدىڭ 4-كۇنى مىناداي دەپ مالىمەت جاريالادى: رەسەيدىڭ تابيعي گازبەن قامداۋى ازايعاندىقتان، ەۆروپا ەكونوميكاسىنىڭ قۇلدىراۋ قاتەرى زور دارەجەدە جوعارىلادى، بيىل قىستا ەۆروپا ەكونوميكاسىندا قۇلدىراۋ جاعدايى %40 كە جەتەدى.
اۋدارعان: قاناتبەك جۇماباي ۇلى
