ينفورماتسيا اشكەرەلەۋ: mzjubao@cnr.cn

ماڭىزدى حابارلار

مەملەكەتتىك كەڭەس نەگىزگى زاڭعا سەرت بەرۋ سالتىن وتكىزدى، لي كىچياڭ سەرت بەرۋ بارىسىن باقىلادى

来源:جۇڭگو قازاق راديو تورابى     |责编:达吾力别克 |     发布日期: 2022-07-06 10:19
ءوز  حابارىمىز. مەملەكەتتىك كەڭەس 7-ايدىڭ 5-كۇنى جۇڭنانحايدا نەگىزگى زاڭعا سەرت بەرۋ سالتىن وتكىزدى. مەملەكەتتىك كەڭەستىڭ زۇڭليى لي كىچياڭ سەرت بەرۋ بارىسىن باقىلادى. 
 
   «جۇڭحۋا حالىق رەسپۋبليكاسىنىڭ نەگىزگى زاڭى» مەن «مەملەكەتتىك كەڭەس جانە ونىڭ تاراۋلارى تاعايىنداعان مەملەكەت قىزمەتكەرلەرىنىڭ نەگىزگى زاڭعا سەرت بەرۋىن ۇيىمداستىرۋ ادىسىنە» ساي، مەملەكەتتىك كەڭەس تاعايىنداعان 35 تاراۋ مەن ورىننىڭ 45 جاۋاپتىسى زاڭ بويىنشا نەگىزگى زاڭعا سەرت بەردى. 
 
سول كۇنى تۇستەن بۇرىن ساعات 11 دە، مەملەكەتتىك كەڭەستىڭ مۇشەسى، مەملەكەتتىك كەڭەستىڭ باس حاتشىسى شياۋ جيە نەگىزگى زاڭعا سەرت بەرۋ سالتىنىڭ باستالعاندىعىن جاريالادى. بارلىق ادام ورىندارىنان تۇرىپ جۇڭحۋا حالىق رەسپۋبليكاسىنىڭ مەملەكەت ءانىن شىرقادى. سوڭىنان سەرت بەرۋشىلەر نەگىزگى زاڭ جازىلعان كىتاپقا قولدارىن باسىپ تۇرىپ سەرتتەرىن وقىدى، باسقا سەرت بەرۋشىلەر ساپ تۇزەپ ىلەسە سەرت بەردى. 
 
وسىدان سوڭ لي كىچياڭ كوپشىلىكتىڭ سەرتتى ەستە بەرىك ساقتاپ، ۋادەسىندە تۇرۋلارىن ءۇمىت ەتتى ءارى ولاردان مىنالاردى تالاپ ەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، نەگىزگى زاڭ بويىنشا بيلىك جۇرگىزىپ، زاڭعا ساي اكىمشىلىك جۇرگىزىپ، مىندەتتەرىن ادا ەتىپ، حالىق ءۇشىن شوگەلدىكپەن قىزمەت ىستەۋ كەرەك؛ زاڭ بويىنشا مىندەت اتقارىپ، جاۋاپكەرلىكتى ادا ەتىپ، زاڭمەن باسقارۋ وي جەلىسى مەن تاسىلىنەن سانالى تۇردە پايدالانا وتىرىپ شەشىم جاساپ، ساياسات شىعارىپ، تياناقتاندىرىپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا تيىمدىلىك جاساۋ رولىن اناعۇرلىم ويداعىداي ساۋلەلەندىرۋ كەرەك. جاۋاپكەرلىكتى ارقالاپ، ىسكەرلىك كورسەتىپ، ناقتى ىستەر تىندىرۋ كەرەك. مۇراتقا تالپىنۋ جولى تەگىس بولا قويۋى ناعايبىل، قيىنشىلىقتان تايساقتاماي، وبيەكتيۆ زاڭدىلىققا قۇرمەت ەتىپ، قىزمەت ورنىن تياناق ەتە وتىرىپ جاسامپازدىقپەن قىزمەت ىستەپ، سىننان وتە الاتىن ناقتى ناتيجە جاراتۋ كەرەك. دامۋعا تاباندى بولۋ − ەلىمىزدەگى بارلىق ماسەلەنى شەشۋدىڭ نەگىزى جانە تەتىگى. جاڭا دامۋ تانىمىن جاپپاي دايەكتىلەندىرىپ، ەكونوميكانى ورنىقتى ارتتىرۋدى اناعۇرلىم كورنەكتى ورىنعا قويىپ، ەكونوميكانى ورنىقتى ارتتىرۋدى، قۇرىلىمدى تەڭشەۋدى، رەفورمانى ىلگەرىلەتۋدى ءبىر تۇتاس جوسپارلاپ، ەكونوميكانىڭ-قوعامنىڭ باياندى-اقاۋسىز دامۋىن جەبەۋ كەرەك. بار ىنتا-پەيىلىمىزبەن حالىق ءۇشىن قىزمەت ىستەپ، حالىقتىڭ جاعدايىن ەگجەي-تەگجەيلى ۇعىسىپ، بۇقارانىڭ مۇڭ-مۇقتاجىن دەر كەزىندە شەشىپ، دامۋ بارىسىندا حالىقتىڭ ىرىسىن ۇزدىكسىز ارتتىرۋ كەرەك. پاك-كوپشىل بولىپ، جوعارىداعىلار تومەنگە ۇلگى بولىپ، ءوزىن دۇرىستاپ، ۇقىقتى زاڭ-ەرەجە بويىنشا باستان-اياق ابايلاپ ىستەتىپ، تۋراشىل بولىپ، جۇمىستى كىرشىكسىز ىستەۋ كەرەك. ۇدەرە العا تارتىپ، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرۋ جولىندا قاجىماي-تالماي كۇرەس جۇرگىزۋ كەرەك.
 
مەملەكەتتىك كەڭەستىڭ ورىنباسار زۇڭليلارى حان جىڭ، سۇن چۇنلان، حۋ چۇنحۋا، ليۋ حى، مەملەكەتتىك كەڭەستىڭ مۇشەلەرى ۋاڭ يۇڭ، جاۋ كىجى جانە مەملەكەتتىك كەڭەستىڭ قاتىستى تاراۋلارىنداعى نەگىزگى جاۋاپتى جولداستار ماجىلىسكە قاتىناستى.
 
اۋدارعان: امانتاي مۇسايىپ ۇلى
 
 
 

中央广播电视总台 央广网 版权所有

مەملەكەتتىك كەڭەس نەگىزگى زاڭعا سەرت بەرۋ سالتىن وتكىزدى، لي كىچياڭ سەرت بەرۋ بارىسىن باقىلادى

مەملەكەتتىك كەڭەس 7-ايدىڭ 5-كۇنى جۇڭنانحايدا نەگىزگى زاڭعا سەرت بەرۋ سالتىن وتكىزدى. مەملەكەتتىك كەڭەستىڭ زۇڭليى لي كىچياڭ سەرت بەرۋ بارىسىن باقىلادى.