ينفورماتسيا اشكەرەلەۋ: mzjubao@cnr.cn

ماڭىزدى حابارلار

ەڭبەكشىلەر شىلىڭگىر ىستىقتا جۇمىس ورنىنان تاپجىلماي، حالىق تۇرمىسىنا كەپىلدىك ەتتى

来源:جۇڭگو قازاق راديو تورابى     |责编:阿依娜|     发布日期: 2022-08-16 09:27

 

ٴوز حابارىمىز. ورتالىق اۋا رايى ستانسياسى 8- ايدىڭ 15- كۇنى جوعارى تەمپەراتۋرالى قىزىل ٴتۇستى ساقتىق سيگنالىن جالعاستى جاريالادى، حۋبەي، انحۇي، جياڭشي سياقتى جەرلەردىڭ ٴىشىنارا رايوندارىندا ەڭ جوعارى تەمپەراتۋرا 40 سەلسي گرادۋستان استى. جەر ـ جەر بەلسەنە اتتانىسقا كەلىپ، شىلىڭگىر ىستىققا توتەپ بەرىپ، قۋاڭشىلىققا قارسى تۇرۋ شارالارىن كۇشەيتىپ، قالا، اۋىل ـ قىستاقتاردىڭ قالىپتى جۇمىس جۇرگىزۋىن قامتاماسىز ەتتى.


    قۋاڭشىلىققا قارسى تۇرۋدىڭ قاتاڭ جاعدايىندا، حۋبەي ولكەسى سۋ يگىلىگى قۇرىلىسىن بەلسەنە ورنالاستىرىپ، 295 ٴىرى، ورتاشا سۋارمالى وڭىرگە سۋ قويا بەرىپ، 5 ميلليارد 367 ميلليون تەكشەمەتر سۋمەن قامداپ، 37 ميلليون 500 مىڭ مۋ ەگىستىك جەردى سۋاردى . 8- ايدىڭ 15- كۇنىنەن باستاپ حۋبەي ولكەسى 3 ايلىق جاساندى جولمەن جاڭبىر جاۋدىرۋ جۇمىسىن باستادى. حۋبەي ولكەلىك اۋا رايى مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى كى يميڭ بىلاي دەدى: زەڭبىرەكپەن اتقىلاۋ سياقتى تاسىلدەردى قولدانىپ، جاۋىن ـ شاشىن مولشەرىن ارتتىرۋ كەرەك. جاساندى جولمەن جاڭبىر جاۋدىرۋ ارقىلى قۋاڭشىلىق جاعدايىن ٴونىمدى تۇردە باسەڭدەتەمىز.


    سوڭعى ٴبىر اپتادا انحۇي ولكەسىندە كۇن ىستىق بولىپ، جوعارى تەمپەراتۋرالى اۋا رايى جالعاسىپ، ٴىشىنارا قالا، اۋدانداردا تەمپراتورا 40 سەلسي گرادۋستان استى. انحۇي ولكەسى سماشان وزەن سۋىن باستاۋ ينجەنەرياسىنان پايدالانىپ، 4 ٴىرى تۇرپاتتى سۋ شىعارۋ اگرەگاتىن اشىىپ، كۇنىنە 7 ميلليون تەكشە مەتر سۋدى شىعارىپ، جەلى بويىنداعى قۋاڭشىلىق جاعدايىن باسەڭدەتتى.


    بىرنەشە كۇننەن بەرى فۋجيان ولكەسى جيانوۋ قالاسىندا كون قاتتى ىستىق بولدى. جۇڭگو تەمىر جولى نانچاڭ مەكەمەسى فۋجوۋ ەلەكترمەن قامداۋ بولەگى نانپيڭ ەلەكتر تەكسەرۋ ـ جوندەۋ جۇمىس رايونىنداعى تەمىر جول قىزمەتكەرلەرى جول جاعدايىن جاپپاي تەكسەرىپ، پويەزدىڭ قالىپتى جۇرىلۋىنە كەپىلدىك ەتتى.


    جياڭشي ولكەسى جي ـ ان قالاسى انفۋ اۋدانى جوعارى، جاڭا تەحنيكا رايونىنىڭ B رايونىنداعى قامتاماسىزدىق تۇرعىن ٴۇي شاعىن رايونى قۇرىلىس ورنىندا 350 دەن استام جۇمىسشى قاربالاس، ٴتارتىپتى جۇمىس ىستەپ، نىساننىڭ ٴونىمدى، ٴتارتىپتى ىلگەرىلەۋىنە كەپىلدىك ەتىپ، تومەن كىرىستى جانە ورتاشا كىرىستى483 وتباسىنىڭ تۇرعىن ٴۇي ارمانىن ەرتەرەك جۇزەگە اسىرۋعا قۇلشىنۋدا.


اۋدارعان: سەرىك راقىم ۇلى

中央广播电视总台 央广网 版权所有

ەڭبەكشىلەر شىلىڭگىر ىستىقتا جۇمىس ورنىنان تاپجىلماي، حالىق تۇرمىسىنا كەپىلدىك ەتتى

ورتالىق اۋا رايى ستانسياسى 8- ايدىڭ 15- كۇنى جوعارى تەمپەراتۋرالى قىزىل ٴتۇستى ساقتىق سيگنالىن جالعاستى جاريالادى،