ينفورماتسيا اشكەرەلەۋ: mzjubao@cnr.cn

ماڭىزدى حابارلار

«مول ٴونىم مەزگىلى» تاقىرىبىنداعى جەلىلەس حاباردىڭ «كۇرىش ورۋ- زور ٴىس» دەگەن ٴبولىمى

来源:جۇڭگو قازاق راديو تورابى     |责编:古丽美热|     发布日期: 2022-09-24 17:16
 
ٴوز حابارىمىز. ەلىمىزدىڭ استىق وندىرەتىن نەگىزگى رايونى حۋبەيدە كۇزگى جيىن-تەرىن باستالعانىنا ەكى اپتا بولدى. شياڭياڭ قالاسى شياڭجوۋ رايونىنداعى استىق ەگەتىن ٴىرى وتباسى باي جيانفىڭنىڭ 2 مىڭ مۋلىق قالىپتى پىساتىن كۇرىشى دە ورىلۋ كەزەڭىنە ٴوتتى. « مول ٴونىم مەزگىلى » تاقىرىبىنداعى جەلىلەس حاباردىڭ بۇگىن « كۇرىش ورۋ- زور ٴىس » دەگەن ٴبولىمىن تىڭدايسىزدار. 
 
 تۇستەن بۇرىن ساعات 8 جارىمدا حۋبەي ولكەسى شياڭياڭ قالاسى شياڭجوۋ رايونى جاڭجياجي قالاشىعى لۇيشىننۇڭ اۋىل شارۋاشىلىق ماشينا جابدىقتارى كاسىپتىك سەلبەستىك كووپەراتيۆىنىڭ اسحاناسىندا باي جيانفىڭ اسىن ٴىشىپ بولعانسوڭ ەگىستىككە قاراي بەتتەدى. ول شياڭجوۋ رايونىنداعى تانىمالى ديقان، دوستارى ونى « لاۋباي » دەپ اتايدى. ساعات 9 دا، ۋاعدالاسقان ۋاقىتتا كومبايندار گۇرىلدەپ ىسكە قوسىلدى. كوپ وتپەي استىق تاسيتىن ماشينالار كۇرىشكە لىق تولدى. 
 
 ساعات 10 دا اۋىل شارۋاشىلىق تەحنيكتەرى كەلدى. بيىل 7-ايدان بەرى شياڭياڭ قالاسىندا قاپىرىق ىستىق باسىلماي، قۋاڭشىلىق جالعاسىپ، كۇرىش ٴوسۋىنىڭ شەشۋشى كەزەڭىندە باي جيانفىڭ مامانداردىڭ جەتەكشىلىگىندە عىلمي جولمەن قۋاڭشىلىققا توتەپ بەردى. ماماندار كۇرىش ماساعىنداعى داندەردى مۇقيات سانادى. اگرونوم حاۋ فۋشين بىلاي دەدى: ٴبىزدىڭ سوڭعى تۇسپالداۋىمىزعا قاراعاندا مۋ باسىنان 786 كيلوگرام ٴونىم تۇسەتىندەي. اتىزدا ولشەگەنىمىز كۇرىشتىڭ ورىلماي تۇرعان كەزدەگى باستاپقى سالماعى، ورىلىپ، جينالىپ كەپتىرىلگەننەن كەيىن عانا بيىلعى ناقتى ٴونىم مولشەرى بولادى. لاۋ باي ويلانىپ-تولعانىپ كورىپ ٴونىم مولشەرىنىڭ ارتاتىندىعىن مەجەلەدى. كەلەسى باسقىش كۇرىش داندەرىن كەپتىرۋ. جۇك كولىكتەرىنە لىق تيەلگەن كۇرىش سەلبەستىك كووپەراتيۆىنە قاراي بەتتەدى. تاسىپ جەتكىزىلگەن كۇرىش كەشقۇرىم سەلبەستىك كووپەراتيۆىنىڭ كەپتىرۋ ۇيىنە ٴۇيىلدى. 
 
 شياڭياڭ قالاسىنىڭ شياڭجوۋ رايونى استىق وندىرىسىندەگى مەملەكەت بويىنشا وزات اۋدان. 630 مىڭ مۋدان استام جەردەن الىنعان كۇرىش قامبالانۋ الدىندا تۇر. 
 
 
اۋدارعان: امانتاي مۇسايىپ ۇلى
 

中央广播电视总台 央广网 版权所有

«مول ٴونىم مەزگىلى» تاقىرىبىنداعى جەلىلەس حاباردىڭ «كۇرىش ورۋ- زور ٴىس» دەگەن ٴبولىمى

شياڭياڭ قالاسىنىڭ شياڭجوۋ رايونى استىق وندىرىسىندەگى مەملەكەت بويىنشا وزات اۋدان. 630 مىڭ مۋدان استام جەردەن الىنعان كۇرىش قامبالانۋ الدىندا تۇر.