ينفورماتسيا اشكەرەلەۋ: mzjubao@cnr.cn

ماڭىزدى حابارلار

لي كىچياڭ حالىق بانكەسىندە، سىرتقى پەرۆود باسقارۋ مەكەمەسىندە قىزمەت تەكسەردى ٴارى اڭگىمە ٴماجىلىسىن باسقارىپ اشتى

来源:جۇڭگو قازاق راديو تورابى     |责编:阿依娜|     发布日期: 2023-02-01 09:43

 
    ٴوز حابارىمىز. مەملەكەتتىك كەڭەستىڭ زۇڭليى لي كىچياڭ 1-ايدىڭ 30-كۇنى حالىق بانكەسى جانە سىرتقى پەرۆود باسقارۋ مەكەمەسىنە بارىپ قىزمەت تەكسەرىپ، اڭگىمە ٴماجىلىسىن باسقارىپ اشتى. ول مىنالاردى باسا دارىپتەدى: شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، فينانستىڭ ماكرولىق ەكونوميكانىڭ ورنىقتىلىعىن قولداۋ رولىن ونان ارى ساۋلەلەندىرىپ، فينانستىق قىزمەت وتەۋ دەڭگەيىن ۇزدىكسىز جوعارىلاتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، جوعارى ساپالى دامۋدى ىلگەرىلەتۋ كەرەك.


    لي كىچياڭ ورتالىقتىڭ سىرتقى پەرۆود كاسىبى ورتالىعىنا بارىپ، قىزمەتكەرلەرمەن اڭگىمەلەسىپ، سىرتقى پەرۆود زاپاسىنىڭ ويداعىداي ورىندالعان تيجارات تابىسىن تۇراقتاندىردى. ول بىلاي دەدى: سىرتقا ەسىك اشۋ مەملەكەتتىڭ نەگىزگى ساياساتى، كەزەكتە جۇڭگو ەكونوميكاسى دۇنيە جۇزىمەن ىشكەرىلەي توعىسۋدا، سىرتقى پەرۆود زاپاسى حالىقارانىڭ ەلىمىزبەن ەكونوميكا ـ ساۋدا سەلبەستىگىن ورىستەتۋ سەنىمىن ايگىلەدى، سىندىرىلىمنىڭ ورنىقتىلىعى ەكونوميكا ـ فينانس جالپى جاعدايىنىڭ ورنىقتىلىعىنا سايادى. سوڭعى جىلداردان بەرى كوپ رەتكى سىرتقى سوققىعا ۇشىراعان جاعدايدا، ەلىمىزدىڭ سىرتقى پەرۆود زاپاسى 3 تريلليون امەريكا دوللارىنان استى، حالىق اقشاسىنىڭ سىندىرىلىمى نەگىزىنەن ورنىقتى بولىپ، حالىقاراداعى نەگىزگى اقشا تۇرلەرىنىڭ ىشىندە سالىستىرمالى تۇردە ورنىقتى بولىپ، سىرتقى ساۋدا، فينانس، ەكونوميكا قاتارلى جاقتاردى ورنىقتىرۋعا پارمەندى تىرەك بولدى.


    لي كىچياڭ فينانستىڭ ناقتى ەكونوميكاعا قىزمەت وتەۋ جاعدايىن ەگجەي – تەگجەيلى ۇعىستى. ول بىلاي دەدى: فينانس وسى زامانعى ەكونوميكانىڭ وزەگى، فينانس رەفورماسىنىڭ دامۋى ەكونوميكانىڭ دامۋىن پارمەندى قولدادى. وتكەن 10 جىلدىق پەريودتان قاراعاندا، ەكونوميكانىڭ جىلدىق ورتاشا ارتۋى %6.2 بولىپ، جالپى مولشەرى 53 تريلليون يۋاننان زور مولشەردە ارتىپ، 121 تريلليون يۋانعا جەتتى، فينانس قۇرىلىمدارىنىڭ جالپى مال - مۇلكى دە زور مولشەردە جوعارىلادى. ەكونوميكا جاقسى بولسا عانا، فينانس جاعدايى جاقسى بولادى، فينانس ورنىقتى بولسا عانا ەكونوميكا ورنىقتى ارتادى.


    ماجىلىستە حالىق بانكەسىنىڭ جاۋاپتىسى مالىمەت بەردى. لي كىچياڭ بىلاي دەدى: وسى بىرنەشە جىلدان بەرى ۇشىراعان ىندەت جاعدايى قاتارلى اۋىر سوققىلارعا قاراتا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل بويىنشا جوعارىدان تومەنگە دەيىن بىرگە قۇلشىنىپ، ەكونوميكانىڭ ٴۇرتىس ارتۋىن ساقتادى. ٴبىز ورنىقتى اقشا ساياساتىن اتقارۋعا تاباندى بولىپ، جالپى مولشەرى مەن قۇرىلىمدىق قۇرالداردان ۋاقىتقا، جاعدايعا قاراي پايدالانىپ، ماكرولىق ەكونوميكانىڭ ورنىقتىلىعىن قورعاۋدا، ناقتى ەكونوميكانىڭ دامۋىنا قىزمەت وتەۋدە ماڭىزدى رول اتقاردىق. ورتا، شاعىن، ۇساق كاسىپورىنداردىڭ، جەكە ونەركاسىپ ساۋداگەرلەردىڭ قارجى قۇراۋى قيىن بولۋ ماسەلەسىن كۇش سالا شەشىپ، بازار تۇلعالارىن قامتاماسىزداندىرۋ ارقىلى جۇمىستانۋدى ورنىقتىرىپ، حالىق تۇرمىسىن قامتاماسىزداندىردىق. وتكەن 5 جىلدا جالپىعا ٴتيىمدى شاعىن، ۇساق قارىز اقشانىڭ قالدىق سوماسى جىلىنا ورتا ەسەپپەن %24 ارتتى، بىلتىر كاسىپورىندار قارىز اقشاسىنىڭ ورتاشا ٴوسىمى رەفورما جاساپ، ەسىك اشقاننان بەرگى ەڭ تومەنگى دەڭگەيدە بولدى. « جالپىنى قامتيتىن » ساياساتتاردى اتقارماۋ، اقشانى ارتىق تاراتپاۋعا تاباندى بولىپ، بۇكىل جەر شارىندا اقشانىڭ قۇنسىزدانعان جاعدايىندا ەل ىشىندە زات باعاسىن ورنىقتىرۋعا نەگىزدىك شارت - جاعداي ازىرلەدىك، بىلتىر تۇرعىنداردىڭ تۇتىنۋ باعاسى تەك %2 قانا جوعارىلادى. سونىمەن بىرگە، بازارلاندىرۋ، زاڭمەن باسقارۋ تاسىلىنەن پايدالانىپ، فينانس بازارىنىڭ قالىپسىز تولقۋىنان ٴونىمدى ساقتانىپ، ورتا، شاعىن فينانس قۇرىلىمدار سياقتى ورىنداردىڭ ۇشىراعان حاۋىپ ـ قاتەرلەرىن دەر كەزىندە ۇيلەسىمدى ٴبىر جاقتى ەتىپ، جۇيەلىك حاۋىپ ـ قاتەر تۋىلماۋدىڭ تومەنگى شەگىن ساقتادىق. ارينە، ورىن تەۋىپ وتىرعان ماسەلەلەردى دە سەرگەكتىكپەن كورە ٴبىلۋىمىز كەرەك، فينانستىڭ ورنىقتىلىعىن قورعاۋ، حاۋىپ - قاتەردەن ساقتانۋ ٴالى دە ۇزاق ۋاقىتتىق ٴارى جاپالى مىندەت.


    لي كىچياڭ بىلاي دەدى: فينانس جۇيەلەرى ناقتى ەكونوميكاعا قىزمەت وتەۋ دەڭگەيىن ۇزدىكسىز جوعارىلاتۋى كەرەك، بۇل بازار مەجەسىنە سايادى، ورنىقتى مەجە بازار شارۋاشىلىعىنىڭ «قۋاتتى قوزعاۋشى كۇشى». ەكونوميكانى ورنىقتىرۋدىڭ ٴبىر قىدىرۋ ساياساتتارى مەن شارالارىن ىشكەرىلەي تياناقتاندىرىپ، فينانستىڭ ىشكى سۇرانىستى كەڭەيتۋگە، قۇرىلىمدى ساپالىلاندىرۋعا بولعان قولداۋىن ارتتىرىپ، حالىقتىق شارۋاشىلىق پەن ورتا، شاعىن، ۇساق كاسىپورىنداردىڭ قارجى قۇراۋ ورتاسىن جاقسارتىپ، فينانس حاۋىپ ـ قاتەرىنەن ساقتانىپ جانە ونى شەشىپ، حالىق اقشاسى سىندىرىلىمىنىڭ ۇيلەسىمدى، تەپە ـ تەڭ دەڭگەيدەگى نەگىزگى ورنىقتىلىعىن ساقتاۋ كەرەك.


    ليۋ حى، حى ليفىڭ قاتىستى قيمىلدارعا قاتىناستى.


اۋدارعان: نازار ٴارىپ ۇلى

中央广播电视总台 央广网 版权所有

لي كىچياڭ حالىق بانكەسىندە، سىرتقى پەرۆود باسقارۋ مەكەمەسىندە قىزمەت تەكسەردى ٴارى اڭگىمە ٴماجىلىسىن باسقارىپ اشتى

مەملەكەتتىك كەڭەستىڭ زۇڭليى لي كىچياڭ 1-ايدىڭ 30-كۇنى حالىق بانكەسى جانە سىرتقى پەرۆود باسقارۋ مەكەمەسىنە بارىپ قىزمەت تەكسەرىپ، اڭگىمە ٴماجىلىسىن باسقارىپ اشتى