قويان جىلعى كوكتەم مەرەكەسى كەزىندە، جياڭسۋ ولكەسى شۇيجوۋ قالاسى پەيشيان اۋدانىنىڭ باباۋ قىستاعىندا فۋتبول جارىسى دۋماندى باستالىپ كەتتى. كوكتەم مەرەكەسىنىڭ 1-كۇنىنەن 6-كۇنىنە دەيىن، ٴار كۇنى تۇستەن كەيىن جاقىن ماڭداعى 8 اۋىل-قىستاقتان نەشە مىڭداعان تۇرعىن فۋتبول الاڭىنىڭ ماڭىنا جينالدى. قىستاقتاعى كاريا جاي جۇي-ي بىلاي دەدى: پەيشياندىقتار وتكەن عاسىردىڭ 60-، 70-جىلدارىنان باستاپ فۋتبول جارىسىن كورۋدى، فۋتبول تەبۋدى ۇناتادى.

    پەيشيان اۋدانىندا فۋتبول جارىسىنىڭ بۇقارالىق نەگىزى بار بولسادا، قىستاقتاعى فۋتبول جارىسىنىڭ «كوكتەم مەرەكەسىندەگى سالتقا» اينالۋى وسى بىرنەشە جىلدا ولشەمدى فۋتبول الاڭى سالىنعاننان كەيىن ىسكە استى.

    پەيشيان اۋدانى عانا ەمەس، بيىلعى كوكتەم مەرەكەسىندە كوپتەگەن جەرلەر قىستاق نەمەسە اۋىل-قالاشىقتى بىرلىك ەتكەن فۋتبول جارىسىن، باسكەتبول جارىسىن وتكىزدى. استانا دەنە تاربيە شۋەيۋانىنىڭ پروفەسسورى لي شياڭرۋ بىلاي دەپ قارادى: قىستاقتاعى دەنە تاربيە جارىستارىنىڭ اتاعى شىعۋى ەلىمىزدىڭ دەنە تاربيە سايكەستى قۇرىلعىلار قۇرىلىسىنىڭ ۇزدىكسىز نەگىزگى ساتىعا بەيىمدەلىپ، كولەمى كەڭەيىتۋىنىڭ تابيعي ناتيجەسى.

    ٴۇش ۇلكەن دوپ، ۇستەل دوپ، قاۋىرسىن دوپ سياقتى ٴداستۇرلى تۇرلەردەن سىرت، جاڭادان گۇلدەنگەن دالالىق سپورتتارعا قاتىناسۋشىلار دا بارعان سايىن كوبەيىپ كەلەدى.

    2023-جىلى دالالىق سپورت دەمالىس ساياحاتىمەن بىرگە دەنە تاربيە تۇتىنۋ ورلەۋىن كوتەردى. كوكتەم مەرەكەسى كەزىندە حايناننىڭ ۋان-نيڭ قالاسىنداعى رىيۋە-ۋان شىعاناعىندا تولقىن قۋۋدى ۇيرەنگەن جاستار تەڭىز جاعالاۋىنا لىق تولدى.

    دالالىق سپورت كاسىبىن دامىتۋ جوباسىندا كورسەتىلۋىنشە، 2025-جىلعا بارعاندا، ەلىمىزدىڭ دالالىق سپورت كاسىبىنىڭ جالپى كولەمى 3 تريلليون يۋاننان اسادى ەكەن. لي شياڭرۋ بىلاي دەپ اتاپ كورسەتتى: بۇل ٴارى دەنە تاربيە كاسىبىندەگى قامداۋدىڭ ارتۋىنىڭ سوزسىزدىگىن، ٴارى حالىق بۇقاراسىنىڭ اقاۋسىز تۇرمىس تاسىلىنە بولعان قاجەتىن ايگىلەدى.

اۋدارعان: گۇلنۇر قابىلقاق قىزى