جۋجوۋ قالاسىندا لي چياڭ جۇڭچى سەرىكتىگى جۋجوۋ ەلەكتر پاراۆوز سەرىكتىگى، جۋجوۋ قاتتى كۇيدەگى قورىتپا مەتال سەرىكتىگى، حۋنان شانحى عىلىم ـ تەحنيكا سەرىكتىگى قاتارلى كاسىپورىندارعا بارىپ، كاسىپورىن سەحتارى مەن تاجىريبەحانالارىن ارالاپ، جاعدايلارىن ەگجەي ـ تەگجەيلى ۇعىستى. ىشنارا كاسىپورىنداردىڭ ٴونىم تەحنيكاسىنىڭ حالىقارالىق وزىق ورەگە جەتكەندىگىن ەستىگەندە لي چياڭ ەرەكشە قۋاندى. ول بىلاي دەدى: وزىق جاساۋ كاسىبىنىڭ دامۋى نەگىزىنەن جاڭالىق اشۋعا سۇيەنەدى. كاسىپورىندار ۇزدىك عىلىم-تەحنيكا دارىندىلارىن زور كۇشپەن باۋلىپ جانە ولاردان ويداعىداي پايدالانىپ، شەشۋشى، وزەكتى تەحنيكالاردان جانە ەلەۋلى تەحنيكالىق جابدىقتاردان قامال الۋدى جەدەلدەتىپ، اناعۇرلىم كوپ ساپالى ونىمدەر مەن تەحنيكالاردى جاراتۋ كەرەك. عىلىم ـ تەحنيكادا جاڭالىق اشۋدىڭ قۇنى مەن ومىرشەڭدىك كۇشى قولدانۋ اياسىنا بايلانىستى، ٴوندىرۋ، وقىتۋ، زەرتتەۋ، قولدانۋدىڭ ىشكەرىلەي توعىسۋىن جەبەپ، ٴونىم ولشەمى مەن ساپاسىن جوعارىلاتۋدى ىلگەرىلەتىپ، ونىمدەردى اشەكەيلەۋ جوبالاۋدى كۇشەيتىپ، ونىمدە جاڭالىق اشۋ ارقىلى جەتەكشىلىك ەتۋ جانە كەڭەيتۋ كەرەك.

 

 چاڭشا قالاسىندا لي چياڭ چاڭشا بيادي اۆتوموبيل سەرىكتىگى، جۇڭگو تەمىر جول قۇرىلىسى اۋىر ونەركاسىپ سەرىكتىگى، لانسى عىلىم-تەحنيكا سەرىكتىگى سياقتى كاسىپورىنداردى كوزدەن كەشىردى. ول بىلاي دەپ اتاپ كورسەتتى: كاسىپورىن − عىلىم-تەحنيكادا جاڭالىق اشۋدىڭ نەگىزگى تۇلعاسى، دۇنيە جۇزىندەگى بىرەگەي باستاماشى كاسىپورىنداردى جانە ماماندانعان، ەرەكشە، جاڭا كاسىپورىنداردى جەتىلدىرىپ، كاسىپورىنداردىڭ قيىنشىلىقتى شەشۋىنە شىنايى كومەكتەسىپ، تاڭداۋلى كاسىپورىنشىلار رۋحىن زور كۇشپەن اسقاقتاتىپ، كاسىپورىنداردى دامىتۋدىڭ جاڭا قوزعالتقىش كۇشىن ۇزدىكسىز كۇشەيتۋ كەرەك. ارتىقشىلىقتى ساۋلەلەندىرىپ، ولقىلىقتاردى تولىقتاپ، باسىمدىققا يە سالالاردا الدىڭعى لەكتە جۇرىپ، اناعۇرلىم كوپ جاڭا سالادا، جاڭا جارىس جولىندا باستاماشى بولىپ، ٴبىر توپ تىڭ ارتۋ قوزعالتقىش كۇشتەردى قالىپتاستىرۋ كەرەك.

 

 وزىق جاساۋ كاسىبىن دامىتۋ اڭگىمە ماجىلىسىندە بۇكىل ەلدىڭ جەر-جەرىنەن كەلگەن 8 كاسىپورىننىڭ جاۋاپتىسى جاعدايلارىن تانىستىردى ٴارى ۇسىنىستار قويدى. لي چياڭ بىلاي دەدى: ناقتى ەكونوميكا، اسىرەسە، جاساۋ كاسىبى ەلىمىز ەكونوميكاسىنىڭ نەگىزى. ىشكى-سىرتقى جاعدايدا كۇردەلى دە تەرەڭ وزگەرىستەر تۋىلۋىنا بايلانىستى، ەلىمىزدىڭ جاساۋ كاسىبىنىڭ دامۋى ماڭىزدى كەزەڭگە ٴدوپ كەلدى، ٴبىز جاساۋ كاسىبىندە تاباندى بولۋ بەكىمىنەن اۋىتقىماۋىمىز، جاساۋ كاسىبىن كۇشەيتۋ تەبىنىن ارتتىرۋىمىز كەرەك. جاساۋ كاسىبىنىڭ جوعارى دەڭگەيلى، زەيىندەسكەن، جاسىل دامۋىن مىقتاپ ارقاۋ ەتىپ، ستراتەگيالىق ٴبىر تۇتاس جوسپارلاۋدى كۇشەيتىپ، جوعارى دەڭگەيلى عىلىم ـ تەحنيكادا دەربەس بولۋدى، ٴوزىن الۋەتتەندىرۋدى ىلگەرىلەتىپ، ٴداستۇرلى جاساۋ كاسىبىن جاڭالاۋدى، دارەجەسىن جوعارىلاتۋدى جانە ستراتەگيالىق جاڭادان گۇلدەنگەن كاسىپتەردى جەتىلدىرۋدى، دامىتۋدى ىلگەرىلەتىپ، جۇڭگو جاساۋ كاسىبىنەن جۇڭگو جاسامپازدىعىنا، جۇڭگو ونىمدەرىن جۇڭگو ماركاسىنا اينالدىرۋعا بۇرىلىس جاساۋدى جەدەلدەتۋ كەرەك. بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن قالىپتاستىرىپ، وزىق جاساۋ كاسىبىن قولدايتىن ساياساتتىق بەتالىستى كۇشەيتىپ، وزىق جاساۋ كاسىبىن دامىتۋدىڭ تاماشا ەكولوگياسىن قالىپتاستىرۋ كەرەك.

 

 لي چياڭ حۋناننىڭ ەكونوميكالىق، قوعامدىق دامۋ جەتىستىكتەرىن تولىق تۇراقتاندىردى، ول حۋنان ولكەسىنەن باس شۋجي شي جينپيڭنىڭ حۋنان قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، مەملەكەتتىڭ ماڭىزدى وزىق جاساۋ كاسىبىن، وزەكتى باسەكەلىك قۋاتقا يە عىلىم ـ تەحنيكادا جاڭالىق اشۋدى، ىشكى قۇرلىق رايوندارىنىڭ رەفورما جاساپ، ەسىك اشۋىن جەدەل قالىپتاستىرۋدى ٴۇمىت ەتتى. 

 

اۋدارعان: نازار ٴارىپ ۇلى