5-ايدىڭ 23-كۇنى تۇنگى ساعات 3 تەن 3 مينۋت وتكەندە، شىڭعا شىعىپ عىلمي تەكسەرۋ اترەتى تەڭىز دەڭگەيىنەن 8300 مەتر بيىكتىكتەگى عىلمي زەرتتەۋ لاگەرىنەن اتتانىپ، ساعات 11 دەن 54 مينۋت وتكەندە تەڭىز دەڭگەيىنەن 8830 مەتر بيىكتىكتەگى دۇنيە جۇزىندەگى تەڭىز دەڭگەيىنەن ەڭ بيىك اۋا رايىنا اۆتوماتتى قىزمەت وتەۋ پۋنكتىنىڭ تەحنيكالىق دارەجەسىن جوعارىلاتۋ مىندەتىن تابىسپەن ورىندادى.

    2023 «قۇزار شىڭ بورىشى» چومالاڭما شىڭىن عىلمي زەرتتەۋ قىزمەتىن قاتىستى سالالارداعى ستراتەگيالىق عالىمدار باستاپ جۇرگىزگەن، عىلمي زەرتتەۋگە جالپى 170 تەن استام قىزمەتكەر قاتىناستى، ولار نازاردى ازياداعى سۋ مۇناراسىنىڭ وزگەرىسى، ەكولوگيالىق جۇيە جانە كومىرتەگى اينالىمى سياقتى باعىتتارعا شوعىرلاندىرىپ، جالپىلىق عىلمي تەكسەرۋ - زەرتتەۋ جۇرگىزدى.

    عىلمي تەكسەرۋ اترەتى تەڭىز دەڭگەيىنەن توتەنشە بيىك اۋا رايى پۋنكتىنىڭ تەحنيكالىق دارەجەسىن جوعارىلاتۋ، مۇز بىلتەسىن بۇرعىلاۋ، مۇز مۇناراسىن ۇشقىشسىز ۇشاق ارقىلى ولشەپ-تەكسەرۋ، پارنيك گازىن تەكسەرۋ، تاۋ جىنىستارىنان ۇلگى الۋ سياقتى 10 نەشە ٴتۇرلى عىلمي تەكسەرۋ مىندەتىن تابىسپەن ورىندادى. چيڭحاي ـ شيزاڭ ۇستىرتىنە 2 ـ رەت جان ـ جاقتى عىلمي تەكسەرۋ ـ زەرتتەۋ جۇرگىزۋ ارەكەتىنىڭ سيمۆولدىق عىلمي تەكسەرۋ قيمىلى بولعان وسى رەتكى ارەكەت چومالاڭما شىڭىنىڭ تەڭىز دەڭگەيىنەن توتەنشە بيىك بولۋداي ەرەكشەلىگىندەگى بەلگىسىز ەكولوگيالىق ورتا بارىسى مەن ونىڭ كەڭ اۋماقتىق ىقپالىن اشۋدا ماڭىزدى عىلمي مانگە يە.

اۋدارعان: نازار ٴارىپ ۇلى