5 - ايدان بەرى بايتاق ىلە گۇلدەر بايشەشەك اتقان تاماشا مەزگىلگە ٴوتتى. قۇلجا اۋدانىنىڭ تيانشان گۇل تەڭىزى كورىنىس رايونىندا شۇعىنىق، كوك جۇپار قىشى، زىعىر گۇلى قاتارلىلار كوزدىڭ جاۋىن الىپ، جەر ـ جەردەگى ساياحاتشىلاردى گۇل تاماشالاۋعا باۋرادى. قازىر بۇل ارادا 10 نەشە ٴتۇرلى گۇل، 20 مىڭ مۋ ەرەكشە جەمىس ورمانى بار. 6 جىلدىڭ الدىندا تيانشان گۇل تەڭىزى 10 مىڭ مۋلىق قاعىر تاۋ بولاتىن، توپىراقتى قۇنارلاندىرۋ، جوعارى ونىمدىلىكپەن سۋ ۇنەمدەۋ سياقتى شارالاردان كەيىن، قاعىر دالا جاسىل جەلەك جامىلىپ، استىق، جەمىس ـ جيدەك، گۇل، اتىز سياقتى كوپ ولشەمدى بايلىقتار ىشكەرىلەي تەڭشەلىپ، 1 ـ، 2 ـ، 3 ـ كاسىپ توعىسقان اۋىل شارۋاشىلىعى، ساياحات ۇلگى رايونى قۇرىلىپ، توڭىرەكتەگى قىستاق تۇرعىندارى 2000 نان استام تۇراقتى جۇمىس ورنىمەن قامدالدى. قۇلجا اۋدانى قاراباق قىستاعىنىڭ تۇرعىنى ەلمينۇر نياز بىلاي دەدى: ايىنا 3000 يۋان ەڭبەكاقى الامىن، قازىر وسىندا كەلگەن ساياحاتشىلار بارعان سايىن كوبەيىپ كەلەدى،الدا وسى جەردە شارۋالار شاتتىعى ساياجايىن اشسام دەيمىن، ساياحاتشىلار كوركەم كورىنىستى تاماشالاۋمەن بىرگە، ٴدامدى تاعامدار تاتا الادى.

    قازىر حوتان ايماعىنىڭ كەريا اۋدانىنداعى 48 مىڭ مۋلىق روزا گۇلى قۇلپىرا اشىلىپ، گۇلدىڭ حوش ٴيىسى مۇرىن جارادى. حوتان ايماعىنىڭ روزا گۇلىن ەگۋ تاريحى ۇزاق، تاياۋ جىلداردان بەرى، ەگۋدەن، جيناۋدان، مانەرلەۋدەن ساتۋعا دەيىنگى تۇتاس كاسىپ تىزبەگىن قالىپتاستىردى. 2022 - جىلى شينجياڭدا گۇل ەگىلگەن جەر اۋدانى 401 مىڭ 100 مۋعا، ساتىلىم سوماسى 684 ميلليون يۋانعا جەتتى. بۇدان بىلاي شينجياڭ جەرگىلىكتى جاعدايعا قاراي ىستەپ، ٴبىر تۇتاس جوسپارلاپ، قاشقار، حوتان، ىلە سياقتى ايماقتاردا كولەمدى اتىزداردا گۇل مانەرلەۋدى عىلمي زەرتتەۋ، جالپىلاستىرۋ سياقتى قىزمەتتەردى ٴتۇيىندى ورىستەتىپ، گۇل ەگىمشىلىگى قۇرىلىمىن تەڭشەپ، كاسىپ سالاسىنىڭ گۇلدەنىپ ـ كوركەيۋىن، شارۋالاردىڭ كىرىسىن ارتتىرىپ، اۋىل ـ قىستاقتىڭ گۇلدەنۋىن ىلگەرىلەتەدى.

اۋدارعان: كۇلان ىرىسباي قىزى