قاشقارعا بارعاندا، ۋاڭ حۋنيڭ قاشقار بايىرعى قالاسى، ايتكار مەشىتى، كونەءشار اۋدانى اياققى مانگان قىستاعى سياقتى جەرلەرگە بارىپ تەكسەرۋ-زەرتتەۋ جۇرگىزدى. ول بىلاي دەدى: شينجياڭنىڭ قوعام ورنىقتىلىعى جاعدايى وڭاي-وسپاق قولعا كەلمەگەن، ونى، ءسوز جوق، بارىنشا قاستەرلەپ، بار كۇشپەن بەكەمدەپ، ءار ۇلت بۇقاراسىن اناردىڭ دانىندەي تىعىز ۇيىستىرۋ كەرەك. ۇرىمجىگە بارعاندا، ۋاڭ حۋنيڭ اۆتونوميالى رايوندىق مۇراجاي، ءىسلام ءدىنى شۋەيۋانى، شينجياڭ داشۋەسى سياقتى ورىنداردا تەكسەرۋ-زەرتتەۋ جۇرگىزدى. ول بىلاي دەدى: شينجياڭداعى ءار ۇلت حالقى ۇزاق ۋاقىتتان بەرى ارالاسىپ، ىشتەسىپ، توعىسىپ، شينجياڭنىڭ شۇعىلالى تاريحي مادەنيەتىن بىرگە جاراتتى، جۇڭحۋا ۇلتى دۇرىس تاريحي كوزقاراسىن بەرىك ورناتىپ، جۇڭحۋانى ءسۇيۋ تانىمىن ءاربىر ادامنىڭ، اسىرەسە، جاستار مەن ورەندەردىڭ كوكەيىنە تەرەڭ ۇيالاتۋ كەرەك.

    تەكسەرۋ-زەرتتەۋ كەزىندە ۋاڭ حۋنيڭ بىلاي دەدى: شينجياڭ ۇيعۇر اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىم-ورنالاستىرۋلارىن مۇقيات دايەكتىلەندىرىپ، بۇكىل شينجياڭداعى ءار ۇلت كادر-بۇقاراسىن جالپى جاعدايدى ورنىقتىرۋعا، وزگەرىسكە توتەپ بەرۋگە، كەدەيلىكپەن شايقاسۋعا، دوڭگەلەك داۋلەتتى قوعام قۇرۋعا باستاعاندىقتان، شينجياڭنىڭ ءتۇرلى ىستەرىندە كەلەلى جەتىستىكتەرگە قول جەتتى. جاڭا ساپاردا شينجياڭ لاڭكەستىككە قارسى تۇرىپ، ورنىقتىلىقتى قورعاۋدى زاڭمەن جونگە سالۋدى، ۇدايىلاندىرۋدى تاباندىلىقپەن ىلگەرىلەتىپ، باياندى ورنىقتىلىقتىڭ، ۇزاق ۋاقىت ورنىقتى بولۋ نەگىزىن اناعۇرلىم بەكەمدەۋگە كەپىلدىك ەتۋى كەرەك. ۇلت، ءدىن قىزمەتىن تاباندىلىقپەن ويداعىداي ىستەپ، ءار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن ۇزدىكسىز كۇشەيتۋ كەرەك. شينجياڭنىڭ جوعارى ساپالى دامۋىن تاباندىلىقپەن ىلگەرىلەتىپ، دامۋ جەتىستىكتەرىن حالىق تۇرمىسىن جاقسارتۋ، جەرگىلىكتى ورىنعا تيىمدىلىك جاساۋ، ىنتىماقتى كۇشەيتۋ جاعىندا اناعۇرلىم ويداعىداي تياناقتاندىرۋ كەرەك. بيڭتۋان شينجياڭ قىزمەتىنىڭ باس نىساناسىن جۇزەگە اسىرۋداعى ماڭىزدى ستراتەگيالىق كۇش، كاسىپ سالالارىنىڭ توعىسۋىن، بيڭتۋان مەن جەرگىلىكتى ورىننىڭ توعىسۋىن جەبەپ، وڭىرلىك جۇمىستاندىرۋدىڭ قامتۋ قۋاتىن كۇشەيتىپ، بيڭتۋاننىڭ فۋنكتسيالىق رولىن تولىق ساۋلەلەندىرۋ كەرەك.

    ۋاڭ حۋنيڭ مەملەكەتتىك ساياسي كەڭەستىڭ ۇرىمجىدەگى مۇشەلەرى مەن اۆتونوميالى رايوندىق ساياسي كەڭەس كادرلارىنا امانداسا باردى.

    ما شيڭرۇي، شى تايفىڭ تەكسەرۋ-زەرتتەۋدە بىرگە بولدى.

اۋدارعان: گۇلنۇر قابىلقاق قىزى