ٴوز حابارىمىز. مەملەكەتتىك كەڭەستىڭ زۇڭليى لي چياڭ تاياۋدا مەملەكەتتىك كەڭەس بۇيرىعىنا قول قويىپ، وزگەرىس ەنگىزىلگەننەن كەيىنگى «ساۋدالىق قۇپيا سيفردى باسقارۋ ەرەجەسىن» جاريالادى. ەرەجەدە مىنالار بەلگىلەندى: اۋدان دارەجەلىدەن جوعارى قۇپيا سيفر باسقارۋ تاراۋلارى سايكەستى اكىمشىلىك رايونداردىڭ ساۋدالىق قۇپيا سيفر قىزمەتىن باسقارۋعا جاۋاپتى. توراپ ينفورماتسياسى، ساۋدا ىستەرى، كەدەن، بازار باقىلاۋ-باسقارۋ سياقتى قاتىستى تاراۋلار ٴوز مىندەتى كولەمىندە ساۋدالىق قۇپيا سيفرعا قاتىستى باسقارۋ قىزمەتىنە جاۋاپتى. ساۋدالىق قۇپيا سيفر عىلىم - تەحنيكاسىندا جاڭالىق جاراتۋدى جەبەۋ مەحانيزمىن ورناتىپ-كەمەلدەندىرىپ، ساۋدالىق قۇپيا سيفر سالاسىنداعى ٴبىلىم مەنشىك ۇقىعىن قورعاپ، ساۋدالىق قۇپيا سيفر جايلى عىلىم - تەحنيكا جەتىستىكتەرىن وندىرگىش كۇشكە اينالدىرۋعا جانە كاسىپ سالالاندىرىپ ىسكە قوسۋعا دەم بەرۋ كەرەك.