حالىق سارايىنىڭ ۇلكەن زالىندا شامدار سامالاداي جارقىراپ، دۋماندى بەينەگە شومدى. ٴتوراعالار مىنبەسىنىڭ جوعارعى جاعىنا «جۇڭگو مۇگەدەكتەر بىرلەستىگىنىڭ مەملەكەتتىك 8-قۇرىلتايى» دەگەن جازۋ جازىلعان كەرمە تۋ ىلىنگەن، ارتقى پەردەنىڭ ٴدال ورتاسىنداعى جۇڭگو مۇگەدەكتەر بىرلەستىگىنىڭ بەلگىسى ەرەكشە كوز تارتادى، 10 قىزىل تۋ ەكى جاققا بەستەن ٴبولىنىپ قويىلعان. ەكىنشى قاباتتاعى مىنبەنىڭ ماڭدايشاسىنا «شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20-قۇرىلتايىنىڭ رۋحىن جالپى بەتتىك دايەكتەندىرىپ، قالىڭ مۇگەدەكتەردى جۇڭگو ۇلگىسىندەگى وسىزامانداندىرۋ بارىسىندا اناعۇرلىم باقىتتى، تاماشا تۇرمىس جاراتۋعا ىنتىماقتاستىرايىق جانە باستايىق» دەگەن ۇلكەن كەرمە تۋ اسىلعان. ەلىمىزدىڭ جەر-جەرىنەن كەلگەن 600 دەن استام ۋاكىل 85 ميلليون مۇگەدەكتىڭ ماڭىزدى تاپسىرماسىن ارقالاپ قۇرىلتايعا قاتىناستى.

    تۇستەن بۇرىن ساعات 10 دا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار ءماجىلىس مايدانىنا كىرگەندە، بۇكىل زالدان شاپالاق ءۇنى شاتىرلاي كوتەرىلدى. قۇرىلتاي ايبىندى جۇڭحۋا حالىق رەسپۋبليكاسىنىڭ مەملەكەت انىمەن باستالدى.

    ديڭ شۋەشياڭ پارتيا ورتالىق كوميتەتى، مەملەكەتتىك كەڭەس اتىنان «جۇڭگو ۇلگىسىندەگى وسىزامانداندىرۋ ۇردىسىندە مۇگەدەكتەر ٴۇشىن اناعۇرلىم باقىتتى، تاماشا ٴومىردى ورتاق كۇش سالا قۇرايىق» دەگەن تاقىرىپتا ءسوز سويلەپ، قۇرىلتايدىڭ اشىلعاندىعىن قۋانتىشتى قۇتتىقتاپ، بۇكىل ەلدەگى قالىڭ مۇگەدەكتەرگە، مۇگەدەكتەردىڭ تۋىس-تۋعاندارىنا، دوس-جاراندارىنا، مۇگەدەكتەر ىستەرى قىزمەتكەرلەرىنە ىقىلاستى سالەم جولدادى، مۇگەدەكتەر ىستەرىنە كوڭىل بولگەن، قولداۋ كورسەتكەن قوعامنىڭ ءار سالاسىنداعى قايراتكەرلەرگە شىن جۇرەكتەن العىس ايتتى.

    ديڭ شۋەشياڭ ارناۋ سوزىندە مىنالاردى ايتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى 10 جىلدا ەلىمىزدە مۇگەدەكتەر ىستەرىندە قارىشتاپ دامىعان جاڭا جاعداي جاراتىلىپ، «جالپى بەتتىك دوڭگەلەك داۋلەتتى قوعام قۇرۋدا مۇگەدەكتەردىڭ بىردە ـ ٴبىرىن قاعىس قالدىرماۋ» نىساناسى دەر كەزىندە جۇزەگە استى. قالىڭ مۇگەدەكتەر ارماندى قانات ەتىپ، داۋىرمەن جارىسا العا باسىپ، قايسارلىقپەن كۇرەس جۇرگىزۋ ارقىلى تاماشا ارماندى رەالدىققا اينالدىرىپ، ٴىس جۇزىندىك ارەكەتتەرى ارقىلى تالىقپاي تالپىناتىن ۇلى ۇلتتىق رۋح پەن ٴداۋىر رۋحىن جاندى بەينەلەدى.

    ديڭ شۋەشياڭ مىنالاردى باسا دارىپتەدى: پارتيا 20-قۇرىلتايىندا مۇگەدەكتەردى قوعامدىق قامتاماسىزداندىرۋ ٴتۇزىمىن جانە قامقورلىق جاساۋ، قىزمەت وتەۋ جۇيەسىن كەمەلدەندىرۋ، مۇگەدەكتەر ىستەرىنىڭ جالپى بەتتىك دامۋىن جەبەۋ جونىندە ايقىن تالاپتار قويىلدى. شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ مۇگەدەكتەر ىستەرىن دامىتۋ جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ، بەكىتۋلەرىنىڭ رۋحىن جالپى بەتتىك دايەكتى تياناقتاندىرىپ، تەڭ تۇرعىلى، توعىسقان، ورتاق يگىلىكتەنەتىن قۇن بەتالىسىن مىقتى يگەرۋ؛ مۇگەدەكتەر ىستەرىن وسىزامانداندىرۋ تاريحي بورىشىن مىقتى يگەرۋ؛ مۇگەدەكتەردى ورتاق اۋقاتتاندىرۋ نىساناسى مەن مىندەتىن مىقتى يگەرۋ ارقىلى مۇگەدەكتەر ىستەرىنىڭ جالپى بەتتىك دامۋىن جەبەۋ كەرەك. ٴار دارەجەلى پارتكومدار مەن ۇكىمەتتەر مۇگەدەكتەر ىستەرى باسشىلىق ٴتۇزىلىسىن ونان ارى كەمەلدەندىرۋ؛ ٴار دارەجەلى ۇكىمەتتەردىڭ مۇگەدەكتەر قىزمەت كوميتەتتەرى ٴبىر تۇتاس جوسپارلاپ سايكەستىرۋدى كۇشەيتۋ؛ قاتىستى تاراۋلار مەن ورىندار تىعىز سايكەسۋ؛ ٴار دارەجەلى مۇگەدەكتەر بىرلەستىگى مىندەتتى مۇقيات اتقارىپ، جاۋاپكەرشىلىكتى ادا ەتۋ ارقىلى قالىڭ مۇگەدەكتەردىڭ ٴوزىن قۇرمەتتەۋ، وزىنە سەنۋ، ٴوزىن الۋەتتەندىرۋ، ٴوز كۇشىنە سۇيەنۋ رۋحىن ۇزدىكسىز ساۋلەلەندىرىپ، جۇڭگو ۇلگىسىندەگى وسىزامانداندىرۋ بارىسىندا مۇگەدەكتەر ٴۇشىن اناعۇرلىم باقىتتى، تاماشا ٴومىردى ورتاق كۇش سالا قۇرۋعا قۇلشىنۋ كەرەك.

    جۇڭحۋا مەملەكەتتىك ايەلدەر بىرلەستىگى پارتاگرۋپپاسىنىڭ شۋجيى، شۋجيچۋىنىڭ ءبىرىنشى شۋجيى حۋاڭ شياۋ-ۋي جۇڭحۋا مەملەكەتتىك باس جۇمىسشىلار ۇيىمى، جۇڭگو كوممۋنيستىك جاستار وداعى ورتالىق كوميتەتى، جۇڭحۋا مەملەكەتتىك ايەلدەر بىرلەستىگى، جۇڭگو ادەبيەت-كوركەمونەرشىلەر بىرلەستىگى، جۇڭگو جازۋشىلار قوعامى، جۇڭگو عىلىم-تەحنيكا قوعامى، جۇڭحۋا مەملەكەتتىك وتانعا ورالعان حۋاچياۋلار بىرلەستىگى، جۇڭحۋا مەملەكەتتىك تايۋاندىق باۋىرلاستار دوستىق قوعامى اتىنان قۇرىلتايدا قۇتتىقتاۋ ءسوز سويلەدى.

    قۇتتىقتاۋ سوزدە بىلاي دەپ ايتىلدى: بۇقارالىق ۇيىمدار تاڭداۋلى ٴداستۇردى ۇزدىكسىز ساۋلەلەندىرىپ، ٴوز ارتىقشىلىقتارىن تولىق ساۋلەلەندىرىپ، وزدەرى بايلانىس جاسايتىن بۇقارانى اناعۇرلىم نىق سەنىممەن، اناعۇرلىم اسقاق جىگەرمەن پارتياعا ىلەسىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى كوركەيتۋدىڭ داڭعىل جولىمەن ارشىنداي العا تارتىپ، جاڭا داۋىردەگى پارتيانىڭ بۇقارالىق ۇيىمدار قىزمەتىنىڭ تىڭ داستانىن بىرلىكتە جازۋعا جەتەكتەۋ كەرەك.

    جۇڭگو مۇگەدەكتەر بىرلەستىگىنىڭ ءتوراعاسى جاڭ حايدي جۇڭگو مۇگەدەكتەر بىرلەستىگىنىڭ 7-كەزەكتى ءتوراعالار القاسى اتىنان قۇرىلتايدا «شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە مۇگەدەكتەر ىستەرىن جالپى بەتتىك دامىتۋ جولىندا قۇلشىنا كۇرەس جۇرگىزەيىك» دەگەن تاقىرىپتا قىزمەت بايانداما جاسادى.

    ج ك پ ورتالىق كوميتەتى ساياسي بيۋروسىنىڭ ٴىشىنارا مۇشەلەرى، ورتالىق كوميتەت شۋجيچۋىنىڭ ٴىشىنارا شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار قۇرىلتايدىڭ اشىلۋ جينالىسىنا قاتىناستى.

    ورتالىق پەن مەملەكەت ورگاندارىنىڭ قاتىستى تاراۋلارىنداعى، حالىقتىق ۇيىمدارداعى، ارميانىڭ قاتىستى ورىندارىنداعى جانە بەيجيڭ قالاسىنداعى جاۋاپتى جولداستار، دەموكراتيالىق پارتيا-توپتاردىڭ ورتالىق كوميتەتتەرىنىڭ جانە مەملەكەتتىك ونەركاسىپ-ساۋدا بىرلەستىگىنىڭ جاۋاپتىلارى، جۇڭگو مۇگەدەكتەر بىرلەستىگىنىڭ مەملەكەتتىك 8-قۇرىلتايىنىڭ ۋاكىلدەرى قاتارلىلار قۇرىلتايدىڭ اشىلۋ جينالىسىنا قاتىناستى.

اۋدارعان: قاناتبەك جۇماباي ۇلى