الدىڭعى 8 ايدا گۋاڭدۇڭنىڭ سىرتقى ساۋداسى بىرتىندەپ ارتا باستادى
ٴوز حابارىمىز. جىل باسىنان بەرى گۋاڭدۇڭ ولكەسىنىڭ سىرتقى ساۋداسى قيىنشىلىق پەن سىن – سايىستاردى باستان كەشىردى، الدىڭعى 8 ايدا يمپورت – ەكسپورت كولەمى 5 تريلليون 290 ميلليارد يۋانعا جەتىپ، تاريحتاعى ۇقساس مەزگىلدەگى جاڭا ورە جاراتىلدى.
گۋاڭدۇڭ ولكەسىنىڭ دۇڭگۋان قالاسى داليڭشان قالاشىعىنداعى جاڭا ەنەرگيالى باتەريا وندىرۋمەن شۇعىلداناتىن جوعارى، جاڭا تەحنيكالى كاسىپورىننىڭ جاۋاپتىسى شەتەلدىك قاريدارلارمەن جەلىدە پىكىر الماستىرۋدا. بيىل 1-ايدان 8-ايعا دەيىن كاسىپورىننىڭ افريكاعا ەكسپورت ەتكەن جاڭا ەنەرگيا باتەريا ٴونىمى 172 توپقا جەتىپ، زات قۇنى 390 ميلليون يۋاننان استى.
ساندى مالىمەتتە كورسەتىلۋىنشە، بيىل الدىڭعى 8 ايدا گۋاڭدۇڭنىڭ سىرتقى ساۋدا يمپورت – ەكسپورتى 5 تريلليون 290 ميلليارد يۋان بولىپ، وتكەن جىلدىڭ ۇقساس مەزگىلىندەگىدەن %0.2 ارتقان. حالىقتىق كاسىپورىندار گۋاڭدۇڭنىڭ سىرتقى ساۋدا يمپورت - ەكسپورتىندا سىرتقى ساۋدانى ورنىقتىرۋداعى نەگىزگى تۇلعالىق رولىن ۇزدىكسىز ساۋلەلەندىردى. بيىل الدىڭعى 8 ايدا گۋاڭدۇڭنىڭ حالىقتىق كاسىپورىندارىنىڭ يمپورت ـ ەكسپورتى 7.3 % ارتىپ، ۇقساس مەزگىلدەگى گۋاڭدۇڭنىڭ جالپى يمپورت ـ ەكسپورت مولشەرىن 4.1 پايىز جوعارىلاتتى.
بۇدان سىرت، گۋاڭدۇڭنىڭ جاڭادان گۇلدەنگەن بازارلاردى اشۋ ونىمدىلىگى كورنەكتى بولدى. بيىل الدىڭعى 8 ايدا شىعىس وڭتۇستىك ازيا ەلدەرى وداعى گۋاڭدۇڭداعى ەڭ ٴىرى ساۋدا سەرىگى ورنىن جالعاستى ساقتادى.
اۋدارعان: نازار ٴارىپ ۇلى
