ينفورماتسيا اشكەرەلەۋ: mzjubao@cnr.cn

ماڭىزدى حابارلار

ەلىمىزدىڭ باتىس بولەگىندەگى تازا ەنەرگيا بازاسى جەدەل قۇرىلدى

来源:جۇڭگو قازاق راديو تورابى     |责编:巴特勒|     发布日期: 2024-06-17 14:27
ءوز حابارىمىز. جىل باسىنان بەرى، ەلىمىزدىڭ باتىس بولەگىندەگى تازا ەنەرگيا بازاسى جەدەل قۇرىلىپ، گەنەراتور اگراگاتتارىنىڭ كولەمى تىڭ تابىستارعا قول جەتكىزىپ، تازا ەلەكتر ەنەرگياسىمەن قامداۋ قۋاتى ورنىقتى جوعارىلاپ، ەنەرگيانىڭ دامۋ فورماسىنا بۇرىلىس جاساۋ اياق الىسى ۇزدىكسىز تەزدەدى. ءتىلشىنىڭ مەملەكەتتىك ەنەرگيا مەكەمەسىنەن ۇعىسۋىنشا، باتىس بولەكتى نەگىز ەتكەن، ەلىمىزدىڭ  14" ـ بەسجىلدىق" جوسپارىندا العا قويىلعان 9 ءىرى تازا ەنەرگيا بازاسى جەدەل قۇرىلۋدا.
 حۋاڭحى وزەنى الابىندا تەڭىز دەڭگەيىنەن ەڭ بيىك، گەنەراتور اگراگاتتارى ەڭ ۇلكەن سۋ ەلەكتر ينجەنەرياسى ماىرداڭ سۋ ەلەكتر ستانسياسىنىڭ تۇڭعىش گەنەراتور تىزبەگى توراپتاندىرىلىپ توك تاراتتى، حۋاڭحى وزەنىنىڭ جوعارعى اعارىنداعى تازا ەنەرگيا بازاسى قۇرىلىسىندا شەشۋشى قادام تاستالدى.
تيانشان تاۋىنىڭ باۋرايىندا «شاگى حۋاڭ»  ۇلكەن بازاسىنداعى ەنەرگيانى سىرتقا جەتكىزۋ تۇڭعىش ارناسىندا جاڭا ەنەرگيا نىسانى جەدەل سالىنۋدا، گەنەراتور اگراگاتتارىنىڭ كولەمى 6 ميلليون كيلوۆاتتان اساتىن وسى ينجەنەريا سالىنىپ بولعاننان كەيىن جىلىنا 14 ميلليارد 200 ميلليون ۆولت تازا ەلەكتر تاراتادى.
 يالۇڭجياڭ وزەنى الابىنداعى «سۋ كورىنىسمەن ەلەكتىردى ءبىر تۇلعالاندىرۋ» بازاسىندا جالپى توك تاراتۋ مولشەرى ءبىر تريلليون ۆولتتان استى، بۇل ارا دۇنيە جۇزىندەگى ەڭ ۇلكەن تازا ەنەرگيا بازاسىنا اينالدى.
 بيىل باتىس بولەكتەگى كوپتەگەن ولكەلەردىڭ جاڭا ەنەرگيا گەنەراتور اگراگاتتارىنىڭ مولشەرى تىڭ تابىستارعا قول جەتكىزدى. گانسۋ مەن چيڭحايدىڭ جاڭا ەنەرگيالى جالپى گەنەراتور اگراگاتتارىنىڭ سالىستىرماسى % 60 تەن استى. ىشكى موڭعۇل بۇكىل ەل بويىنشا تۇڭعىش جاڭا ەنەرگيا گەنەراتور اگراگاتتارىنىڭ سيىمدىلىعى 100 ميلليون كيلوۆاتتان اسقان ولكەگە اينالدى.
 بيىل ەلىمىز تازا ەلەكتر ەنەرگياسىن ءوڭىر اتتاپ جەتكىزۋ قۋاتىن ۇزدىكسىز جوعارىلاتتى. سولتۇستىك شانشيدەن انحۇيعا دەيىنگى ەرەكشە جوعارى كەرنەۋلى تۇراقتى توك ينجەنەرياسى باستالىپ، نيڭشيادان حۋنانعا، گانسۋدىڭ شىعىسىنان شاندۇڭعا دەيىنگى ەرەكشە جوعارى كەرنەۋلى ينجەنەريا جەدەل سالىنۋدا. قازىر ىسكە قوسىلعان 39 ءتۇرلى ەرەكشە جوعارى كەرنەۋلى تۇراقتى توك ينجەنەرياسىندا باتىس بولەكتەگى ەنەرگيا بازاسىنان توك تاراتقانى 24 كە جەتىپ ، سالىستىرماسى 60 %تەن استى. 1 - توقساندا باتىس سولتۇستىك ءوڭىردىڭ سىرتقا جەتكىزگەن ەلەكتر مولشەرى بۇكىل ەلدىڭ رايون اتتاپ جەتكىزگەن ەلەكتر مولشەرىنىڭ %40كە جۋىعىن يەلەدى. 2024 - جىلى ەلىمىزدىڭ جاڭا ەنەرگيامەن توك شىعارۋ جالپى گەنەراتور اگراگاتتارىنىڭ كولەمى تۇڭعىش رەت كومىر ەلەكترىنەن اسىپ، جالپى گەنەراتور اگراگاتتارىنىڭ سالىستىرماسى % 40 اينالاسىندا جوعارىلايدى. باتىس بولەكتى نەگىز ەتكەن ەنەرگيا بازاسى قۇرىلىسىنىڭ جەدەلدەۋى ەلىمىزدىڭ تازا ەنەرگياسىنىڭ دامۋىن سارقىلماس قوزعاۋشى كۇشپەن قامدايدى. 
 
اۋدارعان: كۇلان ىرىسباي قىزى

中央广播电视总台 央广网 版权所有

ەلىمىزدىڭ باتىس بولەگىندەگى تازا ەنەرگيا بازاسى جەدەل قۇرىلدى

ەلىمىزدىڭ باتىس بولەگىندەگى تازا ەنەرگيا بازاسى جەدەل قۇرىلدى