ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى "مەملەكەتتىك ۇلتتار ىنتىماعى العاباسارلىعىنداعى ۇلگىلەردى كورسەتۋ، باعالاۋ قىزمەتىن ويداعىداي ىستەۋ جونىندەگى ۇقتىرۋدى" باسىپ تاراتتى
来源:جۇڭگو قازاق راديو تورابى |责编:巴特勒| 发布日期: 2024-06-19 14:55
ءوز حابارىمىز. ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى تاياۋدا "مەملەكەتتىك ۇلتتار ىنتىماعى العاباسارلىعىنداعى ۇلگىلەردى كورسەتۋ، باعالاۋ قىزمەتىن ويداعىداي ىستەۋ جونىندەگى ۇقتىرۋدى" باسىپ تاراتتى. "ۇقتىرۋدا" مىنالار اتاپ كورسەتىلدى: پارتيا ورتالىق كوميتەتى، مەملەكەتتىك كەڭەس بيىل تۇڭعىش رەت پارتيا ورتالىق كوميتەتى، مەملەكەتتىك كەڭەس اتىنان مەملەكەتتىك ۇلتتار ىنتىماعى العاباسارلىعىنداعى ۇلگىلەردى ماداقتاۋ-سيلاۋ قىزمەتىن ورىستەتۋدى ۇيعاردى.
"ۇقتىرۋدا" كورسەتۋ، باعالاۋ قىزمەتىنىڭ جالپى تۇلعالىق تالابى ايقىندالدى. جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20-قۇرىلتايىنىڭ جانە ورتالىقتىڭ ۇلت قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جاپپاي دايەكتىلەندىرىپ، پارتيانىڭ باعالاۋ، ماداقتاۋ-سيلاۋ قىزمەتىنە بولعان باسشىلىعىنا؛ ساياسي ولشەمگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى ارقاۋ ەتۋ تالابىن كورنەكتىلەندىرىپ، ناقتى ناتيجەنى باعدار ەتۋدى كورنەكتىلەندىرۋ كەرەك.
"ۇقتىرۋدا" كورسەتۋ، باعالاۋ كولەمى مەن شارتى ايقىندالدى. 2019-جىلدان بەرى ەلىمىزدىڭ ۇلتتار ىنتىماعى العاباسارلىعى ىستەرىنە كورنەكتى ۇلەس قوسقان ۇلگىلى كوللەكتيۆتەر مەن ۇلگىلى جەكەلەردى تۇگەلدەي كورسەتۋگە بولادى، شارتقا ۇيلەسەتىن قايتىس بولعانداردى دا كورسەتۋگە بولادى. كورسەتىلەتىن وبيەكتىلەر جۇڭحۋا ۇلتى ورتاق تۇلعا تانىمىن بەرىك ورناتۋدىڭ ءتۇرلى مىندەتتەرىن تياناقتاندىرۋدى ىلگەرىلەتۋدە، جۇڭحۋا ۇلتى ورتاق تۇلعا قۇرىلىسىن كۇشەيتۋدە كورنەكتى ناتيجەگە قول جەتكىزگەن بولۋ كەرەك.
اۋدارعان: گۇلنۇر قابىلقاق قىزى