ءوز حابارىمىز. تاجىكستاننىڭ ءار سالاسى ءتوراعا شي جينپيڭنىڭ تاجىكستاندا مەملەكەتتىك ساپاردا بولۋىنا ايرىقشا نازار اۋداردى، وسى رەتكى ساپاردىڭ تاجىكستان مەن جۇڭگونىڭ ەكى جاقتى قاتىناسىنىڭ ۇزدىكسىز دامۋىن ىلگەرىلەتىپ، ەكى ەل حالقىن باقىتقا كەنەلتەتىندىگىنە سەنەتىندىكتەرىن ايتتى.

 شاڭحاي سەلبەستىك ۇيىمىنىڭ بۇرىنعى باس حاتشىسى، تاجىكستاننىڭ بۇرىنعى سىرتقى ىستەر مينيسترى راشيد اليموۆ بىلاي دەدى: تاجىكستان مەن جۇڭگونىڭ قاتىناسى كورشى ەلدەر دوستىعىنىڭ ۇلگىسىن ورناتتى. ءتوراعا شي جينپيڭنىڭ وسى رەتكى تاجىكستانداعى ساپارى، ءسوز جوق، جاڭا ءداۋىر اشاتىن بولادى. ەكى ەل باسشىلارىنىڭ ستراتەگيالىق بولاشاعى كەلەسى 2 دە 3 جىلدىق جوسپارمەن شەكتەلمەيدى، قايتا اناعۇرلىم ۇزاق بولاشاقتى تياناق ەتەدى. تاجىكستان-جۇڭگو قاتىناسى دۇنيە جۇزىنە ۇلگى كورسەتتى، كورشى ەلدەر اراسىنداعى ءوزارا سەلبەستىكتىڭ-بىرگە دامۋدىڭ ۇلگىسىنە اينالدى.

 

 تاجىكستاننىڭ قاتىناس مينيسترى يبروحيم بىلاي دەدى: «ءبىر بەلدەۋ، ءبىر جولدى» بىرگە قۇرۋ دارىپتەمەسى تاجىكستاننىڭ قاتىناس نەگىزدىك قۇرىلعى قۇرىلىسىن پارمەندى جەبەۋدە. ءبىزدىڭ زۇڭتۇڭىمىز ءتوراعا شي جينپيڭ العا قويعان «ءبىر بەلدەۋ، ءبىر جولدى» بىرگە قۇرۋ دارىپتەمەسىن قولدايدى. وسى دارىپتەمە جۇلگەسىندە تاجىكستان قىرۋار قىزمەتتەردى ورىستەتۋدە، مىسالى، كوپ فورمالى ۇلاسپالى تاسىمال ءدالىزىن سالۋ-دامىتۋ، سونىمەن بىرگە جۇڭگو كاسىپورىندارىنىڭ تاجىكستانعا قارجى قوسۋى دا بىزگە كوپتەگەن وراي جاراتىپ بەردى. 

 

 تاجىكستانداعى رەسەي-تاجىك داشۋەسىنىڭ پروفەسسورى راحمون ۋليماسوۆ بىلاي دەدى: ءتوراعا شي جينپيڭنىڭ وسى رەتكى ساپارى ەكى ەل قاتىناسىنىڭ تىڭ پاراعىن اشادى. تاياۋ جىلداردان بەرى ەكى ەل قاتىناسى قارىشتاپ دامىدى، ءتوراعا شي جينپيڭ ءبىزدىڭ زۇڭتۇڭىمىزدىڭ سيلى قوناعى بولىپ قانا قالماستان، وسىنداي ءبىر ءىرى ەل باسشىسى تاجىكستانعا ساپارلاي كەلدى، بۇل تاجىكستان-جۇڭگو قاتىناسىنىڭ تىڭ دەڭگەيگە كوتەرىلگەنىنە ۋاكىلدىك ەتەدى.

 

 تاجىكستان عىلىم اكادەمياسى ەكونوميكا جانە حالىق سانىن زەرتتەۋ ورنىنىڭ باستىعى راشيمۋزودا ءتوراعا شي جينپيڭنىڭ وسى رەتكى ساپارىنىڭ ەكى ەلدىڭ اناعۇرلىم كوپ جاڭا سەلبەستىگىن جەبەۋىن ءۇمىت ەتەتىندىگىن ايتتى. ول بىلاي دەدى: جۇڭگو مەن تاجىكستاننىڭ ەكونوميكا-ساۋدا سەلبەستىگى ارىدان باستاۋ الادى، بۇل باستىسى ەكى ەل حالقى اراسىنداعى اعالى-ىنىلىلەردەي دوستىقتىڭ ارقاسى. جۇڭگو تاجىكستاننىڭ ەڭ نەگىزگى ساۋدا سەرىكتەرىنىڭ ءبىرى، ەكى ەلدىڭ ساۋدا سوماسى ءالى دە ۇزدىكسىز ارتۋدا. 

 

اۋدارعان: امانتاي مۇسايىپ ۇلى