ءوز حابارىمىز. جۇڭگونىڭ ب م ۇ-داعى تۇراقتى ۋاكىلى فۋ سۇڭ جەرلىك ۋاقىت 7-ايدىڭ 25-كۇنى حاۋىپسىزدىك القالار كەڭەسىندە ۋكرايناعا قارۋ-جاراق بەرۋ ءىسى قاراپ تالقىلانعاندا ءسوز سويلەپ بىلاي دەدى: جۇڭگو جاق رەسەي-ۋكراينا قاقتىعىسىن ساياسي جولمەن شەشۋدى، ەكى جاقتىڭ باعىتتاسا ارەكەت جاساپ بەيبىتشىلىك سۇحباتىن ەرتەرەك باستاۋىن ءۇمىت ەتەدى.

 

فۋ سۇڭ بىلاي دەدى: ۋكراينانىڭ سىرتقى ىستەر مينيسترى كۋلەبا قازىر جۇڭگودا ساپاردا ءجۇر. جۇڭگونىڭ سىرتقى ىستەر مينيسترى ۋاڭ ي ونىمەن كەڭەس وتكىزدى، ەكى جاق ۋكراينا ماسەلەسى جونىندە ىشكەرىلەي پىكىر اۋىستىردى. جۇڭگو جاق مىناعان نازار اۋدارادى: كولەبا ۋكراينا جاقتىڭ جۇڭگو جاقتىڭ پىكىرىنە ءمان بەرەتىندىگىن ءارى جۇڭگو مەن برازيليانىڭ ۋكراينا داعدارىسىن ساياسي جولمەن شەشۋ جونىندەگى «6 ورتاق تانىمىن» مۇقيات زەرتتەيتىندىگىن، ۋكراينا جاقتىڭ رەسەي جاقپەن سۇحپاتتاسۋعا، كەلىسسوز وتكىزۋگە پەيىل ەكەندىگىن ءارى دايىندىق كورەتىندىگىن ايتتى. جۇڭگو جاق ۇزدىكسىز وبيەكتيۆ، ءادىل مايداندا، بەيبىتشىلىك كەلىسسوز جاعىندا تۇرادى، حالىقارالىق قوعامنىڭ اناعۇرلىم كوپ ورتاق تانىم قالىپتاستىرۋىن قولدايدى، ۋكراينا داعدارىسىنىڭ ەرتەرەك ساياسي جولمەن شەشىلۋىن ىلگەرىلەتۋگە قاجىماي-تالماي قۇلشىنىپ، سىندارلى رول اتقارادى.

 

اۋدارعان: قاناتبەك جۇماباي ۇلى