ءوز حابارىمىز. تاياۋدا ورتالىق ۇيىمداستىرۋ ءبولىمى ورتالىقتىڭ اتىنان باسقارىپ وتىرعان پارتيا جارناسىنان سىچۋان، شانشي ولكەلەرىنە 27 ميلليون يۋان ارناۋلى قارجى ءبولىپ، تاسقىننان ساقتانۋ، اپاتتان قۇتقارۋ قىزمەتىن قولداۋعا جۇمسادى. ورتالىق ۇيىمداستىرۋ ءبولىمى مىنانى باسا دارىپتەدى: وسى پارتيا جارناسىن دەر كەزىندە نەگىزگى ساتىعا بوساتىپ، تاسقىننان ساقتانۋ، اپاتتان قۇتقارۋدىڭ ءبىرىنشى شەبىندە شايقاس جاساپ جاتقان نەگىزگى ساتى پارتيا مۇشەلەرىنەن، كادرلاردان جانە بۇقارادان حال سۇراۋعا، اپات اۋىر بولۋ سەبەبىنەن تۇرمىسىندا قيىنشىلىعى بار پارتيا مۇشەلەرىنەن، بۇقارادان حال سۇراۋعا، اپات سەبەبىنەن زيانعا ۇشىراعان نەگىزگى ساتى پارتيا مۇشەلەرىن تاربيەلەۋ قۇرىلعىلارىن جوندەۋگە جۇمساۋ كەرەك. قاتىستى ولكەلەر ءىس جۇزىندىك جاعدايعا نەگىزدەلىپ، ءوز دارەجەسىندە باسقارىپ وتىرعان پارتيا جارناسىنان سايكەستى قارجىنى تياناقتاندىرىپ، دەر كەزىندە نەگىزگى ساتىعا ءبولىپ بەرىپ، تاسقىننان ساقتانۋ، اپاتتان قۇتقارۋ قىزمەتىنە ات سالىسىپ، ارناۋلى قارجىنى ارناۋلى ورىنعا جۇمساۋلارى كەرەك.