ءوز حابارىمىز. پارتيا 20-كەزەكتى ورتالىق كوميتەتىنىڭ ءۇشىنشى جالپى ءماجىلىسى «ج ك پ ورتالىق كوميتەتىنىڭ رەفورمانى ونان ارى جالپى بەتتىك تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى قاۋلىنى» ماقۇلدادى، بۇل جاڭا تاريحي باستامادا رەفورمانى جالپى بەتتىك تەرەڭدەتۋدى كەڭەيتۋ مەن ىشكەرلەتۋگە جاساعان تاعى ءبىر رەتكى اتتانىسقا كەلتىرۋى، جالپى ورنالاستىرۋى بولدى.

 

جەر-جەردەگى كادرلار مەن بۇقارا مىنالاردى ءبىلدىردى: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋ جاڭا جورىعىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ستراتەگيالىق تاباندىلىقتى ساقتاپ، ىسكەرلىك رۋحتى اسقاقتاتىپ، رەفورمانى ونان ارى جالپى بەتتىك تەرەڭدەتۋ ستراتەگيالىق ورنالاستىرۋىن ناقتى تياناقتاندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ داۋىرلىك تىڭ داستانىن قۇلشىنا جازۋ كەرەك.

 

پارتيا 18-قۇرىلتايىنان بەرى، باس شۋجي شي جينپيڭ تۋ ۇستاپ، باعدار بەلگىلەپ، ءوزى تىكەلەي جوسپارلاپ، ءوزى تىكەلەي ورنالاستىرىپ، كوپتەگەن سالالاردا تاريحي وزگەرىستى، جۇيەلىك قايتا سومداۋدى، جالپى تۇلعالىق قايتا قۇرۋدى ىلگەرىلەتىپ جۇزەگە اسىردى. پارتيا مەن مەملەكەت ىستەرى جاڭا ومىرشەڭدىك كۇشكە يە بولىپ، جۇڭگو ۇلگىسىندەگى وسىزاماندانۋدىڭ نۇرلى بولاشاعى جارىققا شىقتى.

 

كوپشىلىك مىنالاردى ءبىلدىردى: پارتيا 20-كەزەكتى ورتالىق كوميتەتىنىڭ ءۇشىنشى جالپى ءماجىلىسى «رەفورمانى استە توقتاتپاۋ، ەسىك اشۋدى استە توقتاتپاۋ» سىندى ايقىن سيگنال تاراتىپ، رەفورمانى ونان ارى جالپى بەتتىك تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ كەڭ بولاشاعىن اشۋدىڭ داۋىرلىك دابىلىن قاقتى. 

 

چۇڭچيڭ قالاسى شاپيڭبا رايوندىق پارتكومنىڭ شۋجيى تاڭ شياۋپيڭ بىلاي دەدى: پارتيا 20-كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى ونان ارى جالپى بەتتىك تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ۇلى جوباسىن جاساپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ الىستى بولجاعان ستراتەگيالىق كوزقاراسىن تولىق ايگىلەدى. جۇڭگو-ەۆروپا كەزەكشى پويەزىنىڭ باستالعان جەرى جانە باتىس بولىكتەگى قۇرلىق-تەڭىز جاڭا ارناسىنىڭ قاينارى بولعان چۇڭچيڭ قالاسى، باس شۋجي جۇكتەگەن بورىش پەن مىندەتتى شىنايى ارقالاپ، جوعارى ساپالى رەفورما ارقىلى جوعارى دەڭگەيدە ەسىك اشۋعا تاباندى بولادى.

 

جۇڭگو ءدارى-دارمەك داشۋەسىنىڭ باستىعى حاۋ حايپيڭ بىلاي دەدى: پارتيا 20-كەزەكتى ورتالىق كوميتەتىنىڭ ءۇشىنشى جالپى ءماجىلىسى جوعارى مەكتەپتەر جونىنەن العاندا ادامدى جەلپىندىرەدى، ويتكەنى ءبىز عىلىم-تەحنيكادا جاڭالىق اشۋعا بولعان بەرىك سەنىمدى كوردىك. جاڭالىق اشۋ وي جەلىسى بويىنشا، جوعارى مەكتەپتەردىڭ زەرتتەۋى مەملەكەتتىڭ كەلەلى قاجەتىنە اناعۇرلىم بەيىمدەلىپ، ءتىپتى دە كوپ «جۇڭگو دارىلەرىن» زەرتتەپ جاساپ، وندىرەتىن بولامىز.

 

جالپى ءماجىلىس ەكونوميكا، ساياسي، مادەنيەت، قوعام، ەكولوگيالىق وركەنيەت، مەملەكەت حاۋىپسىزدىگى، مەملەكەت قورعانىسى جانە ارميا سياقتى جاقتاردان 300 دەن استام رەفورما شاراسىن ورنالاستىرىپ، رەفورمانى ونان ارى جالپى بەتتىك تەرەڭدەتۋدىڭ مىندەت حاتىن، ۋاقىت كەستەسىن، جول كارتاسىن جۇيەلى جوبالادى.كوپشىلىك بىلاي دەستى: بۇل جاڭا جورىقتا رەفورمانى ونان ارى جالپى بەتتىك تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋگە ءتۇبىرلى ولشەم ازىرلەدى.

 

فۋجيان ولكەلىك پارتكوم رەفورمانى جالپى بەتتىك تەرەڭدەتۋ كوميتەتى كەڭسەسىنىڭ ورىنباسار مەڭگەرۋشىسى لين چاۋياڭ بىلاي دەدى: ەكونوميكالىق ءتۇزىلىس رەفورماسىن جەتەكشى ەتىپ، حالىقتىق شارۋاشىلىق سياقتى ءتۇيىندى سالالارداعى شەشۋشى بۋىندارداعى رەفورمانى ۇزدىكسىز تەرەڭدەتىپ، جوعارى ساپالى دامۋدى كۇش سالا ىلگەرىلەتىپ، ەكى جاعالاۋدىڭ توعىسپالى دامۋىنان ۇلگى كورسەتۋ رايونىن جەدەل قۇرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە فۋجيان كۇشىن ارنايمىز.

 

جيلين ولكەسى تۇڭحۋا قالالىق اۋىل شارۋاشىلىعى جانە اۋىل-قىستاق مەكەمەسىنىڭ ورىنباسار باستعى لي يۇفۋ بىلاي دەدى: ءبىز پارتيا ورتالىق كوميتەتىنىڭ ماڭىزدى شارالارىن، ورنالاستىرۋلارىن ناقتى قىزمەت ورنىندا تياناقتاندىرۋعا كۇش سالامىز، اسىرەسە، قۇنارلى اتىز، وزىق تەحنيكا، تاماشا وراي، تيىمدى ءادىس-امالداردان تولىق پايدالانىپ، زەيىندەسكەن اۋىل شارۋاشىلىق قۇرىلىسىن مىقتى يگەرىپ، ديقانداردىڭ استىق ەگۋ بەلسەندىلىگىن تولىق اتتانىسقا كەلتىرىپ، استىق حاۋىپسىزدىگىنىڭ نەگىزىن جان-جاقتى بەكەمدەپ، جۇڭگولىقتاردىڭ استىق ماسەلەسىن وزدەرى شەشۋىنە مۇمكىندىك جاسايمىز.

 

پارتيا 20-كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ويداعىداي ۇيرەنۋ جانە دايەكتىلەندىرۋ − كەزەكتەگى جانە بۇدان بىلايعى ءبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى.كوپشىلىك مىنالاردى ءبىلدىردى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، رەفورمانى ىلگەرىلەتۋدىڭ يدەيالىق سانالىلىعىن كۇشەيتىپ، شەگە قاعۋ رۋحىمەن رەفورمانى تياناقتاندىرۋدى ويداعىداي يگەرۋ كەرەك.

 

جياڭشي ولكەسى پيڭشياڭ قالاسى شياڭدۇڭ رايونى مادەنيەت راديو-تەلەۆيزيا ساياحات مەكەمەسىنىڭ باستىعى ۋىن يىڭ بىلاي دەدى: ءبىز جالپى ءماجىلىس العا قويعان جەتەكشى يدەيانى، جالپى تۇلعالىق وي جەلىسىن جانە نىسانالىق مىندەتتەردى ارقاۋ ەتىپ، مادەنيەت پەن ساياحاتتى، كورىنىس رايونى مەن قىستاق تۇرعىندارىن، كاسىپ فورماسى مەن كاسىپ سالاسىن توعىستىرىپ، اۋىل-قىستاقتى كوركەيتۋگە مادەنيەتتى ۇيىستىرۋ كۇشىن، رۋحاني قوزعاۋشى كۇشىن جانە كاسىپ سالاسىن گۇلدەندىرۋ كۇشىن قوسىپ، بۇقارانى بايىتۋعا كۇش سالۋىمىز كەرەك.

 

حۋبەي ولكەسى ەكولوگيالىق ورتا عىلىمىن زەرتتەۋ ورنى پارتكومىنىڭ شۋجيى ساي جۇنشيۇڭ بىلاي دەدى: ءبىز جالپى ءماجىلىستىڭ رۋحىن ىشكەرىلەي ۇيرەنىپ، ءتۇسىنىپ، چاڭجياڭ وزەنىن جاپپاي قورعاۋدى ۇزدىكسىز ىلگەرىلەتىپ، كورىكتى حۋبەي قۇرىلىسىنىڭ تىڭ تابىستارى ارقىلى ادام مەن تابيعات جاراسىمدى بىرگە ءومىر سۇرەتىن جۇڭگو ۇلگىسىندەگى وسىزاماندانعان حۋبەي امالياتىنىڭ تىڭ داستانىن جازۋعا قۇلشىنامىز.

 

اۋدارعان: نازار ءارىپ ۇلى