ءار جاق كۇش قوسى ناق مايداندا قۇتقارۋعا كومەكتەستى
来源:جۇڭگو قازاق راديو تورابى |责编：巴特勒| 发布日期: 2024-07-29 14:38
ءوز حابارىمىز: ورتالىق اۋا رايى ستانسياسى 7-ايدىڭ 29-كۇنى ساعات 6 دا نوسەردەن ساقتانۋدىڭ قىزعىلت سارى ءتۇستى ساقتىق سيگنالىن جالعاستى جاريالادى. "گىمەي" اتتى 3 - ءنومىرلى تايفىڭ داۋىلى مەن سۋىق اعىستىڭ ورتاق اسەرىندە، چاڭجياڭ وزەنى مەن حۋاڭحى وزەنى الابىنداعى ءىشىنارا وزەندەردە الداعى ەكى كۇندە ساقتىق سىزىعىنان اساتىن تاسقىن ءجۇرۋى مۇمكىن، سۇڭلياۋ الابىنداعى ءىشىنارا وزەندەردىڭ سۋى ساقتىق سىزىعىنان اسىپ كەتۋى ىقتيمال. جەر - جەر قۇتقارۋ كۇشتەرىن جەدەل ۇيىمداستىرىپ، تاسقىننان ساقتانۋ، تاسقىنعا قارسى اتتانۋ ، اپاتتان قۇتقارۋ قىزمەتىن بار كۇشپەن ورىستەتتى.
"گىمەي" اتتى تايفىڭ داۋىلىنىڭ اسەرىنەن، حۋناننىڭ وڭتۇستىك بولەگى ، شىعىس بولەگىندە قالىڭ جاڭبىر جاۋىپ، چىنجوۋ، جۋجوۋ، حىڭياڭ، شياڭتان سياقتى جەرلەر اپاتقا ۇشىرادى. 7-ايدىڭ 28-كۇنى كەشكى ساعات 8 مولشەرىندە شياڭتان قالاسى ي-سۋ-حى قالاشىعى گوجياچياۋ اۋىلى شينتاڭ قىستاعىنداعى سى-شين توسپاسى ورىلۋ قاتەرى تۋىلدى ، ولكە، قالا، اۋداندارداعى ءار دارەجەلى ورىندار دەرەۋ كۇش توپتاپ، شۇعىل قۇتقارۋعا كىرىستى. مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابىنىڭ قىزمەت گرۋپپاسى تۇندەلەتىپ حۋنان ولكەسى شياڭتان اۋدانىنداعى سىشين توسپاسى ورىلۋ ناق مايدانىنا باردى. كەشكى ساعات 9 دان 40 مينۋت وتكەندە، توسپانىڭ ورىلعان جەر كولەمى 50 مەتردەن اسىپ، 3100 دەن استام بۇقارا حاۋىپسىز جەرگە جوتكەلدى.
چىنجوۋ زىشيڭ قالاسى بايدۇڭ قالاشىعى جوۋشى قىستاعىنىڭ جولدارىن تاسقىن سۋ باسىپ، سۋ اعىنى قاتتى بولدى، قۇتقارۋشىلار ارقان ارقىلى وزەننەن ءوتىپ، قامالىپ قالعان بۇقارانى حاۋىپسىز جەرگە كوشىرىپ ورنالاستىردى.
اۋدارعان: نازار ءارىپ ۇلى
