ءوز حابارىمىز. حالىقتىق اۆياتسيا مەكەمەسىنىڭ جاريالاعان ساندى مالىمەتىندە كورسەتىلۋىنشە، 7-ايدىڭ 1-كۇنىنەن باستاپ 8-ايدىڭ 20 – كۇنىنە دەيىن حالىقتىق اۆياتسيا بيىل جازعى تاسىمالدا جيىنى 117 ميلليون ادام – رەت جولاۋشى تاسىمالداپ، حالىقتىق اۆياتسيانىڭ اينالىمى حاۋىپسىز، ورنىقتى، ءتارتىپتى بولعان.

 

 بيىل 7 ـ ايداعى اۋە تاسىمالىندا جونەلتىلگەن جولاۋشى دا، جوتكەلگەن زاتتاردا بىردەي مولايدى، حالىقتىق اۆياتسيانىڭ 1 ايداعى تاسىمال مولشەرى تاريحتاعى ەڭ جوعارى دەڭگەيگە جەتتى. 8-ايدان بەرى حالىقتىق اۆياتسيانىڭ كۇندىك جولاۋشى تاسىمال مولشەرى ءۇرتىس 2 ميلليون 300 مىڭ ادام ـ رەتتەن اسىپ، 8 ـ ايدىڭ 10 ـ كۇنى 2 ميلليون 451 مىڭ 400 ادام ـ رەتكە جەتىپ، ءبىر كۇندىك جولاۋشى تاسىمال مولشەرى جاعىندا تاريحتاعى ەڭ جوعارى دەڭگەي جاراتىلدى. حالىقتىق اۆياتسيا مەكەمەسى دامۋ ـ جوسپارلاۋ مەڭگەرمەسىنىڭ باستىعى جاڭ چيڭ بىلاي دەدى: ەل ءىشى جاعىندا بەيجيڭ ـ تيانجين ـ حىبەي، چاڭجياڭ اتىراۋى، جۋجياڭ اتىراۋى، چىڭدۋ ـ چۇڭچيڭ سىندى 4 ۇلكەن قالا شوعىرى اراسىنداعى ءداستۇرلى ءوتىمدى اۋە جولىنىڭ تىرەكتى تورابىن قولداۋ رولى كورنەكتى بولدى. بەيجيڭ، شاڭحاي، گۋاڭجوۋ، شىنجىن، چىڭدۋ سىندى 5 قالانىڭ 8 اۋەجايى اراسىنداعى 24 اۋە لەنياسىندا جيىنى 7 ميلليون 246 مىڭ ادام ـ رەت جولاۋشى تاسىمالداندى. تارماق لەنياداعى ساياحات قالالارى: التاي، تۇرپان، ليۋپانشۇي، حولىنعول، قۇمىل، ۋداليانچى سياقتى اۋەجايلاردىڭ جولاۋشى قابىلداۋ - جونەلتۋ مولشەرى وتكەن جىلدىڭ ۇقساس مەزگىلىندەگىدەن %80 تىڭ ۇستىندە ارتتى. 

 

 حالىقارالىق كەزەكشى ايروپلاندار جاعىندا ساياحاتتاۋ، شەتەلگە شىعىپ وقۋ قاجەتى شوعىرلى تۇردە كورنەكتىلەنىپ، حالىقارالىق اۆياتسيانىڭ جولاۋشى تاسىمالى ۇزدىكسىز ارتتى. 

 

اۋدارعان: امانتاي مۇسايىپ ۇلى