ءوز حابارىمىز. ليۆان ارميا جاعىنىڭ ساققۇلاق قايراتكەرى بىلاي دەدى: يزرايل 9-ايدىڭ 24-كۇنى سوعىس ايروپلانى جانە ۇشقىشسىز ايروپلانپەن ليۆاننىڭ وڭتۇستىك بولەگىندەگى قالا-قالاشىقتار مەن قىستاقتارعا 15 رەت اۋە شابۋىلىن، ليۆاننىڭ شىعىس بولەگىندەگى قالا-قالاشىقتار مەن قىستاقتارعا 11 رەت اۋە شابۋىلىن جۇرگىزدى. ليۆاننىڭ وڭتۇستىگىندەگى اۋە شابۋىلىنا ۇشىراعان ءبىر قىستاقتا كەمىندە 25 ادام ءولىپ، 6 ادام جارالاندى. قازا بولعانداردان 15 جاي بۇقارا مەن 10 سيريالىق بار. ليۆان الەۋمەتتىك دەنساۋلىق ساقتاۋ مينيسترلىگىنىڭ العاشقى ساناعىنا قاراعاندا، يزرايل سول كۇنى بەيرۋتتىڭ وڭتۇستىك قالا ماڭىنا شابۋىل جاساعان، كەمىندە 6 ادام ءولىپ، 15 ادام جارالانعان.

 

يزرايل ارمياسىنىڭ ساققۇلاق قايراتكەرلەرىنىڭ ايتۋىنا قاراعاندا، ليۋان ءتاڭىر پارتياسى باسقارىلمالى بومبى قوسىنىنىڭ جاۋاپتىسى يبىراھيم گۋبايش يزرايل ارمياسىنىڭ 9-ايدىڭ 24-كۇنى ليۆاننىڭ استاناسى بەيرۋتقا قوزعاعان اۋە شابۋىلىندا ولگەن.

 

ليۆان ءتاڭىر پارتياسى جەرلىك ۋاقىت 9-ايدىڭ 24-كۇنى «فادي 3» تۇرپاتتى باسقارىلمالى بومبىمەن يزرايلدىڭ سامسون بازاسىنا شابۋىل جاساعاندىعىن جاريالادى. بۇل ليۆان ءتاڭىر پارتياسىنىڭ وسىنداي باسقارىلمالى بومىبىنى العاشقى رەت ىستەتۋى. سول كۇنى كەشتە ليۆان ءتاڭىر پارتياسى تاعى اتليتتەگى يزرايل ارمياسىنىڭ تەڭىز ارميا بازاسىنا ۇشقىشسىز ايروپلانمەن تۇتقيىل شابۋىل جاساعان. 

 

يراقتىڭ زۇڭليى سۋداني يراق شەكاراسى ىشىندەگى ليۆان ازاماتتارىنا شەكارادان كىرۋ ۆيزاسىن 30 كۇن ۇزارتقاندىعىن، شەكارادان شىعۋدىڭ قاجەتى جوق ەكەندىگىن جاريالادى. سونىمەن بىرگە، يراق جاق يراق شەكارا وتكەلىنە جەتكەن ليۆان ازاماتتارىنا شەكارادان كىرۋ ۆيزاسىن جالعاستى تەگىن تاراتتى. باس ستانسيا ءتىلشىسىنىڭ ۇعىسۋىنا قاراعاندا، ب م ۇ حاۋىپسىزدىك القالار كەڭەسى جەرلىك ۋاقىت 9-ايدىڭ 25-كۇنى ليۆان جاعدايى جونىندە شۇعىل ءماجىلىس اشادى.

 

 اۋدارعان: كۇلان ىرىسباي قىزى