مول ءونىم مەزگىلى: ماناستىڭ ءجۇزىمى پىستى
来源:جۇڭگو قازاق راديو تورابى |责编:达吾力别克 | 发布日期: 2024-10-07 11:37
ءوز حابارىمىز. شينجياڭ سانجى حۇيزۋ اۆتونوميالى وبلىسى ماناس اۋدانى تيانشان تاۋىنىڭ سولتۇستىك باۋرايىنىڭ ورتا بولەگىنە، قۇربانتۇڭعىت ءشولىنىڭ وڭتۇستىك جيەگىنە ورنالاسقان. ماناس اۋدانى ليۋحۋدي قالاشىعى ياڭجياداۋ قىستاعىنداعى ەگىنشى ساڭ رۇي بيىل جۇزىمنەن جالعاستى مول ءونىم الدى.
كۇز لەبى ەسەدى، شينجياڭ ماناس اۋدانى ليۋحۋدي قالاشىعى ياڭجياداۋ قىستاعىنداعى مىڭ مۋلىق شينيۇي ءجۇزىم ەگىمشىلىك باعىندا جەمىستىڭ حوش ءيىسى اڭقيدى. مول ءونىم شاتتىعىنا بولەنگەن باعبان ساڭ رۇي بىلاي دەدى:
180 مۋ جەرگە ەگىلگەن شينيۇي جۇزىمىنەن ءار كۇنى 500 دەن استام جاشىگىن جونەلتەمىز، سالماعى مەجەمەن 10 توننا اينالاسىندا بولادى. بيىل ءونىم مولشەرىمىز 260 تونناعا، تازا پايدا 800 مىڭ يۋانعا جەتەدى.
ساڭ رۇي ياڭجياداۋ قىستاعىنىڭ ءتول تۋماسى، بۇرىن اۋىل كليماتى قۇبىلمالى بولىپ، قۋاڭشىلىق اپاتى جيى ءجۇز بەرىپ، قۇمدى بوران كوپ سوعاتىن. ساڭ رۇي استىق ەگۋگە مۇلدە قولايسىز وسى جەردە ءجۇزىم جەمىسىن ەگۋگە سۋ، توپىراق، كۇن نۇرى، كليمات شارت جاعدايى جاعىنان سونشالىقتى ۇيلەسىمدى بولىپ، مول ءونىم بەرەتىندىگىن ويلاپ تا كورمەگەن ەدى.
ءجۇزىم سۇرىپتالىپ، دارەجەگە ايىرىلىپ، اۋىرلىعى ولشەنىپ، قوراپتالعاننان كەيىن، ساتىپ الۋشى ساۋداگەرگە جەتكىزىلەدى. ۇرىمجىدەن كەلگەن ساۋداگەر شۇي كىلياڭ بىلاي دەدى: ءبىز ءار جولى ءۇرىمجى تولايىم ساتۋ بازارىندا بۇل جۇزىمدى جارىم ساعات ىشىندە تالاسا-تارماسا ساتىپ الامىز، 5-6 جىل بويى ءجۇزىم تيجاراتىمەن اينالىسىپ كەلەمىن، ءار جىلعى ساتىلۋ مولشەرى شامامەن 50-60 تونناعا دەيىن بارادى.
2010-جىلى 37 جاستاعى ساڭ رۇي قازىرگى ايەلىمەن تانىسقاننان كەيىن، قالاداعى الەۋمەتتىك قاتىناس شوفەرى قىزمەتىن تاستاپ، اۋىلىنا قايتىپ كاسىپ كوزىن اشتى. 2016-جىلى قىستاق پارتيا ياچەيكاسىنىڭ ۇندەۋىندە ساڭ رۇي ۇيىندەگى 180 مۋ جەرگە تۇگەلدەي شين يۇي شياڭفي ءجۇزىمىن ەكتى. سول كەزدە، ماقتا ەگىمشىلىگىمەن اينالىساتىن ساڭ رۇيدىڭ كىرىسى دە از ەمەس ەدى؛ ءجۇزىم ەگۋ جولىن تاڭداۋداعى سەبەبى، ساڭرۇي وزگەرىسكە ۇمتىلىپ، تىڭنان كىرىس كوزىن اشۋعا بەكىدى.
ساڭ رۇي بىلاي دەدى: قۇمدى ءشولدىڭ جيەگىنە ءجۇزىم ەگىلگەننەن كەيىن، بۇرىن 7 دە 8 بال سوعاتىن بوران باسەڭدەپ، ورتا جاعدايى كورنەكتى جاقساردى.
ساڭ رۇيدىڭ ەككەن «شينيۇي شياڭفي» اتتى ءجۇزىم سورتى قۋاڭشىلىققا ءتوزىمدى، ءوسىمتال كەلەتىن شينجياڭنىڭ ەرەكشە سورتى ءارى قۇمايتتانۋدىڭ الدىن الاتىن جاسىل قالتقى بولىپ تابىلادى. ماقتا ەگىمشىلىگىمەن سالىستىرعاندا، ءجۇزىم ەگۋدىڭ دە وزىندىك ماشاقاتى بار ەكەن، قارجى قوسۋ، باسقارۋ، ساقتاۋ، تاسىمالداۋ جاعىندا تالاپ زور، قيىنشىلىق كوپ.
ساڭ رۇي بىلاي دەدى: قارجى، تەحنيكا ەرەكشە تاپشى بولعان جاعدايدا، ۇكىمەت اسا زور كومەك كورسەتتى، ۇكىمەت كەپىل بولىپ، بانكەدەن قارىز اقشا الىپ بەردى، ءجۇزىم ەگۋ ماماندارىن ۇسىنىس ەتىپ، بىزگە ءجۇزىمنىڭ ءار مەزگىلدەگى ەگىمشىلىك ۇلگىسى مەن باسقارۋ تەحنيكاسىن ۇيرەتتى.
جىل وتە كەلە ساڭ رۇي تەحنيكا تەتىگىن مەڭگەرۋگە بار كۇش سالدى، ورتا جۇڭگو اۋىل شارۋاشىلىق داشۋەسىنەن ارناۋلى ءبىلىم الدى. ساڭ رۇي بىلاي دەدى: ماشينالانۋ مولشەرى قازىر %90 تەن اسادى. ءار مۋ جەردىڭ وزىندىك قۇنى 800-1000 يۋان اينالاسىندا تومەندەدى.
بيىل ليۋحۋدي قالاشىعىنداعى 2000 مۋ جەردەگى جۇزىمنەن مول ءونىم الىنىپ، ءونىم مولشەرى 2500 تونناعا جەتتى. ساڭرۇيعا ىلەسىپ، ياڭجياداۋ قىستاعىندا كوپتەگەن ەگىنشىلەر ءجۇزىم ەگۋ شارۋاشىلىعىنا ويىستى، جۇزىمدەرى شاڭحاي، بەيجيڭ، ناننيڭ قالالارىندا كۇسەت ساتىلدى، ءتىپتى تايلاند، سينگاپور سياقتى جەرلەرگە ەكسپورت ەتىلدى. ساڭ رۇي ءوزىنىڭ ءجۇزىم ونىمدەرىنىڭ ءتىپتى دە كوپ جەرلەرگە ساتىلاتىندىعىنا كامىل سەنەدى.
اۋدارعان: شالقار قازەز ۇلى