ءوز حابارىمىز. مەملەكەت مەرەكەسى دەمالىسىندا جەر-جەردەگى كورىنىس رايوندارىندا ساياحاتشىلار قاۋىرت كوبەيدى، قاتىستى تاراۋلار تاسىلدە جاڭالىق اشىپ، ساياحاتشىلارعا قولايلىلىقتى جوعارىلاتىپ، ساياحاتشىلاردى حاۋىپسىز، ءتارتىپتى ەكسكۋرسيالاۋعا، سەيىل-سەرۋەن قۇرۋعا باستاپ، كۇرەڭ كۇزدىڭ كوركەم كورىنىستەرىن تاماشالاۋلارىنا تيىمدىلىك جاسادى. 

 

 حيلۇڭجياڭنىڭ حيحى وزەنى جۇڭگو-رەسەي شەكاراسىنا ورنالاسقان، مەملەكەت مەرەكەسى دەمالىسىندا شەكارا اتتاعان حيحى وزەنى جاعالاۋىندا ساياحاتشىلار كوبەيدى. دەمالىستىڭ الدىڭعى 4 كۇنىندە حيحى شەكارا وتكەلىندە شەكارا اتتاپ ساياحاتتاعاندار 10 مىڭ ادام-رەتتەن استى، ساياحاتشى ليۋ جى بىلاي دەدى: وسى شاعىن قالانىڭ جاراتىلىستىق ورتاسى وتە جاقسى ەكەندىگىن سەزىندىم، قالا قۇرىلعىلارى دا بىزگە كوپ قولايلىلىق جاراتتى. 

 

 دەمالىس كۇندەرىندە ساياحاتشىلاردىڭ قاۋىرت كوبەيۋىنە سايكەسۋ ءۇشىن، حيحى شەكارا وتكەلىندەگى بىرلەسىپ تەكسەرۋ تاراۋى ءتۇرلى شارالاردى قاتار قولدانىپ، ساياحاتشىلاردىڭ ىركىلىسسىز قاتىناۋىنا كەپىلدىك ەتتى. حيحى كەدەنىنىڭ داحيحى ارالىنداعى ءىس باسقارماسىنىڭ مەڭگەرۋشىسى ليۋ مىڭ بىلاي دەدى: حيحى كەدەنى جابدىق قۇرىلعىلار، باقىلاۋ-باسقارۋ ءتارتىبى، قىزمەت وتەۋدى قامتاماسىزداندىرۋ سياقتى جاقتاردان جان-جاقتىلى دايىندىق جاسادى. جۇرگىنشىلەردىڭ كەدەننەن ءوتۋ بارىسىن ساپالاندىرىپ، ساياحات پەن ساۋدانى ايىرىپ، ۇيىرمە-گرۋپپالاردى الدىمەن تەكسەرىپ وتكىزۋ ۇلگىسىن اتقاردى، زەردەلىلەندىرىلگەن باقىلاۋ-باسقارۋ جابدىقتارىنان پايدالانىپ، تەكسەرۋدە ماسەلە جوق جولاۋشىلاردى دەرەۋ وتكىزدى. 

 

 مەملەكەت مەرەكەسى دەمالىسىندا حۋاڭشان كورىنىس رايونىندا كۇن اشىق بولىپ، كۇنىنە ورتا ەسەپپەن 30 مىڭنان استام ساياحاتشى قادام تاستاپ، وسى جەرگە بارعان ساياحاتشىلار كوپ بولدى. حۋاڭشان ساياحات-قاتىناس ىستەرىن دامىتۋ شەكتى جارنا سەرىكتىگى نان دامىن بولىمشە سەرىكتىگىنىڭ ورىنباسار مەڭگەرۋشىسى جياڭ پىڭچىڭ بىلاي دەدى: مەملەكەت مەرەكەسى دەمالىسىندا سەرىكتىگىمىز 130 كولىك ورنالاستىرىپ، ساعاتىنا 5800 ادام-رەت ساياحاتشى تاسىمالدادى، ساياحاتشىلاردىڭ قاۋىرت مەزگىلىندە، ءبىز 3 دارەجەلى ورنالاستىرۋ-باسقارۋ ۇلگىسى ارقىلى ءارقايسى بەكەتتەردە تاسىمال قۋاتىن الدىن الا ازىرلەدىك. 

 

نانجيڭ جۇڭشان كورىنىس رايونىندا قاتىناس ساقشى تاراۋى كورىنىس رايونىنا باراتىن كوپتەگەن جول اۋىزدارىندا اۆتوكولىكتەردى توپقا ءبولىپ الدىن الا جۇرگىزىپ، ساياحاتشىلاردىڭ ءجۇرىس-تۇرىسىنىڭ حاۋىپسىز، ىركىلىسسىز بولۋىنا كەپىلدىك ەتتى. مەملەكەت مەرەكەسى دەمالىسىندا نانجيڭ جۇڭشان كورىنىس رايونىنداعى ءارقايسى كورىنىس-كورمە ورىندارىنىڭ كۇندىك ساياحاتشى قابىلداۋ مولشەرى 170 مىڭ ادام-رەتتەن استى. كورىنىس رايونىنداعى تاماشالاۋ اۆتوكولىكتەرىنىڭ تاسىمال قۋاتى ءبىر ەسە ارتتىرىلدى ءارى توڭىرەگىندەگى اۆتوموبيل توقتاتىلاتىن 5 الەۋمەتتىك اۋماق سايكەستىرىلىپ، كولىك توقتاتۋ ورنىنان 4 مىڭى ازىرلەندى. نانجيڭ جۇڭشان قابىرستاندىعىن باسقارۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى جاۋ جيە بىلاي دەدى: كورىنىس رايونىنداعى قىزمەتكەرلەر تۇگەلدەي جۇمىس ناق مايدانىنا بارىپ ساياحاتشىلارعا قىزمەت وتەدى. ءار كۇنى 160 ستۋدەنت ەرىكتى ساياحاتشىلارعا قىزمەت وتەدى. 

 

اۋدارعان: امانتاي مۇسايىپ ۇلى