ءوز حابارىمىز. كەزەكتە بۇكىل ەل بويىنشا قىسقى سۋ يگىلىگى قۇرىلىسىنىڭ التىن مەزگىلىنە ءوتتى، جەر-جەر كەلەلى سۋ يگىلىگى ينجەنەرياسى قۇرىلىسىن ىلگەرىلەتىپ، سۋارمالى رايون قۇرىلىسىن جاڭالاۋدى جەدەلدەتىپ، كەلەر جىلعى استىق ءونىمىن ارتتىرۋعا بەرىك نەگىز قالادى.

 

 وڭتۇستىكتىڭ سۋىن سولتۇستىككە جەتكىزۋ ورتا جەلىسىنىڭ كەيىنگى سۋ قاينارى ينجەنەرياسىندا تۇڭعىش جۇمىس باستالعان نىسان−چاڭجياڭ وزەنى سۋىمەن حانجياڭ وزەنىن تولىقتاۋ ينجەنەرياسىنىڭ قۇرىلىسى جاپپاي جەدەل ىلگەرىلەتىلۋدە، كەزەكتە قازىلعان نەگىزگى تۋنەل ۇڭگىرى 3.1 كيلومەتردەن، جەلى بويىنداعى تارماق ۇڭگىرلەر 14.7 كيلومەتردەن استى. 

 

 تاياۋدا حۋاڭحى وزەنىندە سۋ مەن قۇمدى تىزگىندەۋ جۇيەسىنىڭ شەشۋشى تىرەكتى توراپ ينجەنەرياسى−حۋاڭحى گۋشيان سۋ يگىلىگى تورابىنىڭ سۋ باستاۋ ينجەنەرياسىنىڭ قۇرىلىس جۇرگىزۋ بولەگىندە رەسمي جۇمىس باستالدى، بۇل ينجەنەريانىڭ شىت جاڭا قۇرىلىس تۇيىنىنە قادام تاستاعاندىعىنان دەرەك بەرەدى. سۋ يگىلىگى مينيسترلىگىنىڭ ەڭ جاڭا جاريالاعان ساندى مالىمەتىندە كورسەتىلۋىنشە، بيىل 1-ايدان 10-ايعا دەيىن بۇكىل ەل بويىنشا 45 مىڭ 400 سۋ يگىلىگى نىسانى اتقارىلىپ، ۇقساس مەزگىلدەگىدەن %15.1 ارتىپ، قوسىلعان قارجى ءبىر تريلليون يۋاننان اسقان. مۇنىڭ ىشىندە سۋ يگىلىگى مينيسترلىگى مەملەكەتتىك دامۋ جانە رەفورمالاۋ كوميتەتىمەن، قازىنا مينيسترلىگىمەن بىرگە ورتالىقتىڭ 110 ميلليارد يۋاننان استام قارجىسىن ورنالاستىرىپ، 1300 دەن استام سۋارمالى رايون قۇرىلىسىن جاڭالاۋ نىسانىن اتقارۋعا قولداۋ كورسەتتى. وسى ۋاقىتقا دەيىن ورتالىق 99 ميلليارد يۋاننان استام قارجى قوستى.

 

اۋدارعان: گۇلنۇر قابىلقاق قىزى