ءوز حابارىمىز. قوعام حاۋىپسىزدىگى مينيسترلىگى تاياۋدا مەملەكەتتىك دامۋ جانە رەفورمالاۋ كوميتەتىمەن، ونەركاسىپ جانە ينفورماتسيالاندىرۋ مينيسترلىگىمەن، جۇڭگو حالىق بانكەسىمەن بىرگە «تەلەگراف، توراپ الدامكوستىگى جانە وعان قاتىستى زاڭعا قايشى قىلمىستاردى بىرلەسىپ جازالاپ ساقتاندىرۋ ءادىسىن» باسىپ تاراتتى، بۇل ءادىس 12-ايدىڭ 1-كۇنىنەن باستاپ رەسمي اتقارىلادى.

 

18 تارماقتان قۇرالعان بۇل ءادىس جازالاپ ساقتاندىرۋ پرينسيپى، جازالاپ ساقتاندىرۋ وبيەكتىسى، جازالاپ ساقتانۋ شاراسى، دارەجەگە ءبولىپ جازالاپ ساقتاندىرۋ، جازالاۋ ءتارتىبى، ارىز-شاعىمدى تەكسەرۋ سياقتى 6 جاقتاعى مازمۇندى قامتيدى. جۇڭگو حالىق بانكەسى اقشا تولەۋ، ەسەپ جابۋ مەڭگەرمەسىنىڭ ورىنباسار باستىعى ياڭ چيڭ تانىستىرىپ بىلاي دەدى: جازالاپ ساقتاندىرۋ وبيەكتىسىنىڭ اتىنداعى بانكە ەسەبى، سيفرلى اقشا قاپشىعىنان اقشا شىعارۋ يقۋاتى شەكتەلەدى؛ جازالاپ ساقتاندىرۋ وبيەكتىسىنىڭ اتىنداعى تولەۋ ەسەبى كاسىبى شەكتەلەدى؛ جازالاپ ساقتاندىرۋ وبيەكتىسىنە جاڭادان اقشا تولەۋ ەسەبىن اشۋ، شىن اتى-جونىمەن سيفرلى اقشا قاپشىعىن اشۋ ۋاقىتشا توقتاتىلادى.

 

«جازالاپ ساقتاندىرۋ ادىسىندە» جازالاپ ساقتاندىرۋ وبيەكتىسىنىڭ تەلەگرافتىق قىزمەت وتەۋدەن پايدالانۋى جانە ينتەرنەتتەن پايدالانۋى جونىندە ايقىن تالاپتار قويىلدى. ونەركاسىپ جانە ينفورماتسيالاندىرۋ مينيسترلىگى توراپ حاۋىپسىزدىگىن باسقارۋ مەكەمەسىنىڭ ورىنباسار باستىعى ليۋ گوچاۋ ءتۇسىندىرىپ بىلاي دەدى: جازالاپ ساقتاندىرۋ وبيەكتىسىنىڭ اتىنداعى بۇرىنعى كاسىپ تۇرلەرىن قولدانۋعا شەكتەۋ قويىلادى، سونىمەن بىرگە جازالاپ ساقتاندىرۋ وبيەكتىسىنە جاڭادان كاسىپ ءتۇرىن بىتىرۋگە بولمايدى. مۇندا ءبىر جاعىنان، جازالاپ ساقتاندىرۋ وبيەكتىلەرىنىڭ زاڭعا قايشىلىق ىستەۋ وزىندىك قۇنى جوعارىلاتىلسا، ەندى ءبىر جاعىنان، «ءبىر جەردە زاڭعا قايشىلىق جاساسا، كوپ جەردە شەكتەمەگە ۇشىراۋ» سىندى باياندى باقىلاۋ جۇيەسىن ورناتۋ ىلگەرىلەتىلەدى.

 

اۋدارعان: شالقار قازەز ۇلى