ءوز حابارىمىز. 11-ايدىڭ 27-، 28-كۇندەرى سۋىق اعىس شىعىستان وڭتۇستىككە ويىسىپ، ەلىمىزدىڭ باسىم كوپ ساندى رايوندارىندا تەمپەراتۋرا تومەندەيدى، مەجەمەن 11-ايدىڭ 27-، 28-كۇندەرى كۇن قاتتى سۋىتادى. جەر-جەر الدىن الا جوسپارلاپ، بەلسەنە توتەپ بەرىپ، بۇقارانىڭ ءوندىرىس، تۇرمىسىنىڭ ءتارتىپتى، ورنىقتى بولۋىنا كەپىلدىك ەتتى.

 

حيلۇڭجياڭدا جاقىندا كەڭ كولەمدە قار جاۋىپ، تەمپەراتۋرا تومەندەدى، كوپ جەر قالىڭ قار جانە جولدا مۇز قاتۋ جونىندە قىزىل ءتۇستى ساقتىق سيگنالىن جاريالادى. قالىڭ قاردىڭ ىقپالىنان، حيلۇڭجياڭداعى كوپ تارماق جوعارى قارقىندى تاسجولدار جابىلدى. جۇڭگو تەمىر جولى حاربين مەكەمەسى توبى شەكتى سەرىكتىگى جوعارى قۋاتتى ۇرلەپ قار تازالاۋ ماشيناسى، اۋىر تۇرپاتتى رەليستى ماشينا سياقتى جابدىقتاردى توپتاپ، 6000 نان استام ادامدى قار تازالاۋعا جۇمىلدىردى.

 

جيلين ولكەسىنىڭ چاڭچۇن قالاسىندا بيىل قىس كىرگەننەن بەرگى ەڭ كۇشتى جاڭبىر ارالاس قارلى اۋا رايى بولدى، 1700 دەن استام قار تازالايتىن اۆتوموبيل جابدىقتارى ءۇرتىس جۇمىس ىستەدى، 16 مىڭداي ورتا تازالىعى جۇمىسشىسى قار تازالادى. وسى اپتادا تۇڭحۋا قالاسىنىڭ باسىم كوپ بولەگىنىڭ ەڭ تومەنگى تەمپەراتۋراسى 12 دە 14 سەلتسي گرادۋس تومەندەپ، ءىشىنارا جەرلەردە 16 سەلتسي گرادۋستان استام تومەندەيدى.

 

اۋا رايى تاراۋلارىنىڭ مەجەسىنە قاراعاندا، ىشكى مۇڭعىلدىڭ شىعىس بولەگىنەن حيلۇڭجياڭنىڭ ورتا، سولتۇستىك بولەگىنە دەيىنگى جەرلەردە ۇرتىس قالىڭ قار جاۋادى. قار جاۋعاننان كەيىن، 11-ايدىڭ 27-كۇنى تاڭەرتەڭ ىشكى موڭعۇلدىڭ شىعىس سولتۇستىك بولەگى مەن حيلۇڭجياڭنىڭ سولتۇستىك بولەگىندە قاسات قار 30 سانتيمەتردەن اسادى. 11-ايدىڭ 26-كۇنى كەشتە بەيجيڭدە قىلاۋلاپ قار جاۋدى، فىڭتاي، چاڭپيڭ، مىنتوۋگوۋ قاتارلى رايونداردا قار جاۋدى.

 

 قۇرعاق سۋىق اعىستىڭ وڭتۇستىككە ويىسۋىنىڭ ىقپالىنان جياڭشي ولكەسىندە قاقاعان سۋىق بولادى. جياڭشي ولكەسى شاڭراۋ قالاسى شينجوۋ رايوندىق ساۋدا مەكەمەسى پارتگرۋپپاسىنىڭ مۇشەسى لياڭ يۇڭفىڭ بىلاي دەدى: شاڭراۋ قالاسى جىلۋ ەلەكتر جابدىقتارىن قوسىمشا قاراجات بەرۋ كولەمىنە ەنگىزىپ، تۇرعىنداردىڭ جىلۋمەن قامداۋ قاجەتىن قاناعاتتاندىردى. تاياۋدا ءبىز ءىرى ساۋدا سارايلارىنىڭ ەلەكتر جابدىقتارىنا، اسىرەسە، جىلۋ ەلەكتر جابدىقتارى سياقتى قاتىستى ونىمدەرگە قوسىمشا قاراجات بەرۋ جاعىندا تيىمدىلىك جاساۋ تەبىنىن ارتتىردىق، تاۋاردىڭ ءىس جۇزىندىك ساۋدا سوماسىنىڭ %15 نەمەسە %20 ىنە ۇكىمەت قوسىمشا قاراجات بەردى. 

 

اۋدارعان: كۇلان ىرىسباي قىزى