ينفورماتسيا اشكەرەلەۋ: mzjubao@cnr.cn

وزەكتى ماقالالار

جۇڭگو ايەلدەر ۆاليبول كومانداسى بيىك بەلەستەردى باعىندىردى

来源:央广网     |责编:达吾力别克|     发布日期: 2019-09-21 17:17

جۇڭگو ايەلدەر ۆاليبول قۇراماسى دۇنيە جۇزىلىك ايەلدەر ۆاليبول كوزەسىنە تالاسۋ جارىسىندا 5 مايدان جالعاستى جەڭىسكە جەتتى

بەس رەتكى شايقاستا جەڭىسكە جەتۋ، ءبىر مايدان جەڭىلمەۋ، جۇڭگو ايەلدەر ۆاليبول كومانداسى دەگەنىمىز مىنە وسى ! 

 

9-ايدىڭ 19-كۇنى كەشتە دۇنيە جۇزىلىك ايەلدەر ۆاليبول كوزەسىنە تالاسۋ جارىسىنىڭ جاپونيانىڭ يوكوحاما جارىس رايونىندا اياقتاعان جۇڭگو ايەلدەر ۆاليبول كومانداسى مەن وتاعاسى جاپونيا كومانداسى اراسىنداعى جارىستا، جۇڭگو ايەلدەر ۆاليبول كومانداسى 0 گە قارسى 3 ۇپايمەن جاپونيا كومانداسىن ويسىراتا جەڭدى.

وسى رەتكى جارىستان كەيىن، جۇڭگو ايەلدەر ۆاليبول كومانداسى 5 مايدان جارىستا تولىق جەڭىسپەن 1 - كەزەڭدىك جارىستى اياقتاتىپ، ءنومىر تاقتاسىندا 1-ورندى يەلەدى.

 

جارىستان كەيىن، باس جاتتىقتىرۋشى لاڭ پيڭ تىلشىلىكتى قابىلداعاندا بىلاي دەدى: بۇگىن جۇڭگو قۇراماسى جاقسى دايىندىق ىستەدى، جاپونيا قۇراماسىنىڭ قورعانىسى جاقسى بولدى، جاپونيالىق كورەرمەندەر دە ءبىر شاما ىنتالى بولدى، سوندىقتان ءبىز قيىنشىلىققا تاپ بولعان كەزدە، ءسوز جوق، كوڭىل كۇيدى ورنىقتىرىپ، جارىسقا ءمان بەرۋ كەرەكتىگىن انىق تانىپ جەتۋىمىز كەرەك. 

 

5 مايدان جالعاستى جەڭىسكە جەتۋ جونىندە لاڭ پيڭ بىلاي دەدى: 1-كەزەڭدىك جارىستا جۇڭگو كومانداسى ءوز ورەسىن نەگىزىنەن ساۋلەلەندىردى، ءبىراق ناعىز سىناق ءالى الدا. 

تاياۋدا، جۇڭگو ايەلدەر ۆاليبول كومانداسى وسى كەزەكتى دۇنيە جۇزىلىك ۆاليبول كوزەسىنە تالاسۋ جارىسىنىڭ العاشقى جەڭىسىنە قول جەتكىزگەن كەزدە، جۇڭگو ايەلدەر ۆاليبول كومانداسىنىڭ نىساناسىن اۋىزعا العاندا، لاڭ پيڭنىڭ ايتقان«مەملەكەت تۋىن شىعارىپ، مەملەكەت ءانىن شىرقاتۋ» دەگەن ءسوزى توراپتاستاردىڭ القاۋىنا بولەندى.

 

جۇڭگو ايەلدەر ۆاليبول كومانداسىنىڭ 5 - رەتكى جەڭىسىنەن حابار تاپقان توراپتاستار شاتتىققا شومدى. 

 

قارسىلاسى قانشا كۇشتى بولسا دا، جۇڭگو ايەلدەر ۆاليبول كومانداسى باستان ـ اياق بار كۇشىن سالدى.

 

توراپتاستار: سەندەر جۇڭگونىڭ ماقتانىشى بولدىڭدار!

ۇعىسۋعا قاراعاندا، وسى رەتكى جارىستا جۇڭگو كوماندىسىنىڭ قارسىلاسى وتاعاسى جاپونيا كومانداسى بولعاندىقتان، جارىستى جاپونيانىڭ جەرگىلىكتى ۋاقىتى كەشتە وتكىزگەن، جاپونيا كومانداسى بولسا جۇڭگو ايەلدەر ۆاليبول قۇراماسىنىڭ يوكوحاما جارىس رايونىنداعى ەڭ كۇشتى قارسىلاسى.

وتاعاسى كوماندا الدىندا، جۇڭگو ايەلدەر ۆاليبول كومانداسى جارىسقا ساقاداي ساي دايىندىقتا بولدى. لاڭ پيڭ دا وسى مايدان جارىسقا كومانداداعى ەڭ مىقتى بولعان جۋ تيڭ، يۋان شينيۋە، گۇڭ شياڭيۇي، جاڭ چاڭنيڭ، ديڭ شيا، يان ني جانە ۋاڭ مىڭجيە قاتارلى دوپشىلاردى شىعاردى. 

جارىستا، جۇڭگو ايەلدەر ۆاليبول كومانداسى جاپونيا كومانداسىنا ەشقانداي وراي بەرمەدى، ەڭ سوڭىندا 25 : 17، 25 : 10 جانە 25 : 17، جالپى ناتيجە 0 گە قارسى 3 ۇپايمەن قارسىلاسىن جەڭدى. جاڭ چاڭنيڭ وسى مايدان جارىستا ەڭ جوعارى 19 ءنومىر، جۋ تيڭ 14 ءنومىر الدى.

 

ەندىگى كەزەڭدە، جۇڭگو ايەلدەر ۆاليبول كومانداسى ساپورو جارىس رايونىنا بارىپ جارىسقا قاتىناسادى، 9-ايدىڭ 22-كۇنىنەن باستاپ ىلگەرىندى - كەيىندى برازيليا، ا ق ش جانە كەنيا كومانداسىمەن جارىس تۇسەدى. قازىر ا ق ش - نىڭ ايەلدەر ۆاليبول كومانداسى دا الدىڭعى كەزەڭدەگى جارىستا 5 مايدان جەڭىسكە جەتىپ، 2 - ورىندى يەلەپ وتىر.

 

جۇڭگو ايەلدەر ۆاليبول كومانداسى وسى كەزەكتى دۇنيە جۇزىلىك ۆاليبول كوزەسىنە تالاسۋ جارىسىنىڭ اعا جۇلدەگەرى بولۋ ءۇشىن ا ق ش - نىڭ ايەلدەر ۆالەيبول قۇراماسىن جەڭۋى كەرەك.

ەكىلىكتى باسىپ قوسىلىڭىز

    中央广播电视总台 央广网 版权所有