ناچار ئۇچۇرلارنى پاش قىلىش: mzjubao@cnr.cn

وزەكتى ماقالالار

سەگىز ىسكە سەنىممەن، تاباندى بول توزىممەن

来源:央广网     |责编:阿依娜|     发布日期: 2019-10-09 16:10

 

 



«تابىستى-ادامنىڭ ومىردە قولى جەتكەن جاعدايىمەن ەمەس، تابىسقا جەتۋدەگى جەڭگەن كەدەرگىلەرىمەن ولشەۋ لازىم»، «تاباندىلىق كەز كەلگەن كەدەرگىنى جەڭەدى»، «ازعا شاماسى كەلمەگەننىڭ كوپكە دە شاماسى كەلمەيدى»، «اقىرىن ٴارى اسىقپاي جۇرگەن ادامعا ەشقانداي جول ۇزاق ەمەس، شىدامدىلىقپەن جولعا دايىندالعان ادام كوزدەگەن جەرىنە ٴسوزسىز جەتەدى»، «شىداۋدىڭ ٴوزى اششى بولسا دا، جەمىسى ٴتاتتى»، «كۇشكە نەمەسە قۇشتارلىققا قاراعاندا شىدام مەن ۋاقىت كوپ ىستەيدى» دەگەن سياقتى تۇعىرى بيىك تۇلعالار ايتقان تۇجىرىمدارعا جۇگىنسەك، مىنا سەگىز ٴتۇرلى ىسكە تاباندى بولۋ ٴۇشىن سەنىم دە كەرەك،ٴتوزىم دە كەرەك سىندى. قانە، جاقسى ادەتكە جاقىن بولىڭىز، بولاشاققا اقىل ٴبولىڭىز. سانامىزعا سىڭىرسەك ٴومىر ساپارىندا سەپتىگى تيەر سول سەگىز ٴىستى ٴجون كوردىك، اۋدارماعا جول بەردىك. 

 

ءبىرىنشى، قاي-قاشاندا دەربەستىكتى ساقتاي ٴبىل.

كەيبىرەۋلەر ايتادى: ۇيلەنگەننەن كەيىن، ومىرلىك سەرىگىڭمەن بىرگە تۇرعاندا دا سالت كەزىڭدەگى بولىمىسىڭدى ساقتا دەپ. ءار ادام مەيلى قاي كەزدە بولسىن، ءوزىنىڭ قوعامدىق شەڭبەرى، تۇراقتى كىرىسى، دەربەس رۋحاني دۇنيەسى بولۋ كەرەك... 


بۇنداي دەربەستىك قابىلەتتىڭ وتباسىلى ومىردە دە وتە وزگەشە حيكمەتى بولادى. ول سەنى ٴارنەنى ەركىن مەڭگەرىپ، ٴماندى ٴومىر سۇرۋگە سەپتەيدى.

ەكىنشى، باسقالاردىڭ بەرگەن باعاسىنا ەرەكشە نازار اۋدارىپ كەتپە.

مىناداي ءبىر ءسوز بار: ومىردە ءار ادامنىڭ كوزقاراسى ءار قيلى بولادى. سەنى بىلەتىندەرگە ٴتۇسىندىرۋىڭنىڭ قاجەتى شامالى، تۇسىنبەيتىندەرگە قانشا تۇسىندىرسەڭ دە تۇسىنبەيدى. كەي كەزدەرى كوڭىلسىزدەنەمىز، ويتكەنى، وزگەلەردىڭ باعاسىنا بارىنشا ٴمان بەرگەندىكتەن، نازارىمىز ماڭىزسىز نارسەلەرگە كوبىرەك اۋىپ، ارتىقشا شارشايمىز. سوندىقتان، باسقالاردىڭ بەرگەن باعاسىنا تىم باس قاتىرىپ كەتپەي، كوبىنەكي وزىڭە كوڭىل اۋدار.

ءۇشىنشى، بەلگىلى ءبىر ونەرگە اۋەستىگىڭ بولسىن.

مىناداي ءبىر ءسوز ەسىمدە: «ءار ادامعا تۋما قابىلەتىمەن جاسامپازدىق جاساي الاتىن جول قاجەت. اۋەسىڭنىڭ ەڭ سوڭىندا قاي جاققا جەتەلەيتىنىن بىلە بەرمەيسىڭ.» بىلايشا ايتقاندا، اۋەستىك ومىرىڭدە ولشەۋسىز مۇمكىندىكتەرگە يە ەتەدى. جازۋشىلىق، كىتاپ وقۋ، حاتكەرلىك سياقتىلارعا جاتتىعۋعا نەمەسە ءبىر ءتۇرلى وسىمدىكتى زەرتتەۋگە تاباندى بولساڭ، اۋەستىكتىڭ سوڭى سەنى سول سالانىڭ ساڭلاعى ەتىپ شىعارۋى مۇمكىن.

ءتورتىنشى، جاعىمپازدانبا، ەلگە يەك سۇيەمە.

كىشكەنە كەزىمدە وزگەلەر ۇنەمى بىلاي دەيتىن: «باسقالارعا جاقسى كورىنسەڭ، ولار دا ساعان دۇرىس قارايتىن بولادى.» بۇل ارينە قاتە تۇجىرىم ەمەس، الايدا اسا اسىرىپ جىبەرسە، بىرتىندەپ جاعىمپازدار تيبىندەگى مىنەزگە داعدىلاندىرىپ، كەرى اسەر بەرەدى. تىم جالباقتاپ جاعىمسي بەرگەندىكتەن دە قادىرى قاشاتىن شىعار، ال ەلگە يەك سۇيەي بەرسە دەربەستىگىنەن جۇرداي بولادى. توق ەتەرىن تۇيىندەگەندە، ءار ادام ەڭ ابزال تۇرمىس جاعدايىندا، ءاربىر مەرەيلى ٴساتتى ٴمولت جىبەرمەي، قاشاندا دەربەستىگىن ساقتاپ، ءوزىن-ٴوزى بيلەي الۋى كەرەك.

بەسىنشى، دەركەزىندە كەسىم جاساي ٴبىل.

ٴوزىڭدى كىنالاما، ادام ومىرىندە ءار ءتۇرلى ساتسىزدىككە جولىعادى، دەركەزىندە ارزانعا بەرىپ، ارتىن باعۋدى ۇيرەنۋ وتە ماڭىزدى. اقىرىپ كەلگەن اۋىرلىقتان، اقىرىنداپ ارىلعان ابزال دەگەن ٴپاتۋا بار. اقىلدى ادام اققان سۋداي عۇمىر كەشۋدى بىلەدى، الدىندا بوگەۋ بولسا ودان اينالىپ وتەدى؛ جەرگە ءتۇسىپ كۇل پارشاسى شىقسا دا قايتپايتىن قام كەسەكتەي كۇي كەشپە. جوپەلدەمەدە شۇعىل شەشىم جاساۋ-شىنىندا ايتقاندا، وزىنە ءبىر وراي بەرىپ، ءتىپتى دە وركەندى ٴومىر وتكەرۋگە باعدار اۋىستىرۋ.

التىنشى، دەنەڭدى شىنىقتىر، جۇيكەڭدى تىنىقتىر.

مىقتى دەنساۋلىق بولعاندا عانا كوڭىلدى تۇرمىس بولادى. قازىر كوپتەگەن جاستار كەزەكتەن تىس جۇمىس ىستەگەندىكتەن، دەنساۋلىعىندا الدەن السىزدىك بايقالۋدا، كەيبىرى ۇيگە بارعان سوڭ وتىرا قالىپ قولفونىن شۇقىلاپ، ۇلاسپالى فيلمدەردى كورەدى. ءبىراق، مەزەتتىك كوڭىلدەنۋ، ءماندى يگىلىككە كەنەلتپەيتىنىن بىلگەن ٴجون. قازىرگى جان راحاتى ءۇشىن جالقاۋلىققا بوي ۇرۋدىڭ ٴبارى دەنساۋلىققا جاساعان قيانات. سوندىقتان، بوس ۋاقىتتان پايدالانىپ كوبىرەك دەنە ارەكەتىمەن شۇعىلدانساڭ، كوپ ۇزاماي-اق مەيلى دەنساۋلىق نەمەسە رۋحي جاقتان بولسىن، ەداۋىر وزگەرىس بولعانىن سەزىپ سەرگەك جۇرەسىڭ.

جەتىنشى، بوس كەتىرمەي ۋاقىتتى، وتكەن كۇندەر باقىتتى.

ومىردە ءار الۋان ادامدار مەن ٴتۇرلى جاعدايلارعا جولىعاسىڭ. الايدا ولشەۋلى ۋاقىت تىم قىمباتتى، ناشار ادامدارعا نەمەسە كەلەڭسىزدىكتەرگە كەز بولعاندا، استە سوڭىنا ءتۇسىپ الماۋ كەرەك، وندا ءوز ءومىرىڭدى بوسقا وتكىزگەن بولاسىڭ. ونان دا ودان دەركەزىندە اۋلاقتاپ، باسقا ءبىر جولمەن ٴجونىن تاۋىپ، تاماشا ءومىر، تابىستى جۇمىس باستاۋعا ۋاقىت جۇمسا.

سەگىزىنشى، ٴۇمىتىڭدى ەكشەي ٴبىل، بولاشاقتى كوكسەي ٴبىل.

ادامنىڭ ەڭ ۇرەيلەنەتىنى ٴۇمىتى ٴۇزىلۋ، ەڭ باقىتى بولاشاققا بولعان بارلىق ەسىل ارمانى. تەك، كەلەشەكتى كوكسەگەن ادامدا عانا، ءتىپتى دە تاماشا ومىرگە جول اشاتىن قوزعاۋشى كۇش بولادى. جاپ-جاس تۇرىپ ارمان-تىلەگىڭ بولماي، قۇرى دۇرمەككە ىلەسسەڭ، شىنىن قۋعاندا ومىرگە كۇنى بۇرىن كەلىسىم بەرگەنىڭ. ءبىراق كۇندەردىڭ بىرىندە، كەزىندەگى ارماندى كوكسەمەۋدەن، قۇلشىنباۋدان بارىپ كەيىنگى قارابايىرلىقتىڭ كەلىپ شىققانىن بايقايسىڭ. ادامدا ۇكىلى ٴۇمىت جانە سوعان جەتۋگە تىنباي تىرىسۋ بولعاندا عانا تۇرمىسىندا تىڭ تىنىس بولادى.


来源:中央广播电视总台

 


 

播音:巴拉番

编辑:阿依娜

 

ەكىلىكتى باسىپ قوسىلىڭىز

    中央广播电视总台 央广网 版权所有