ينفورماتسيا اشكەرەلەۋ: mzjubao@cnr.cn

وزەكتى ماقالالار

ون جەتى ۇيعۇر بالانىڭ قورمالى-حانزۋ اكە ۋاڭ يۇڭ

来源:央广网     |责编:阿依娜|     发布日期: 2019-10-19 09:00

 

ۋاڭ يۇڭ قارشادايىنان وڭتۇستىك شينجياڭدا تۋىپ وسكەن جەرلىك ازامات. قازىر ول قاشقار ايماعى قاعىلىق اۋداندىق جۇڭگوشا شيپاگەرلىك شيپاحاناسىنىڭ «ۇعىسۋ، تيىمدىلىك جاساۋ، توعىستىرۋ» قىزمەت باعدارلاماسى بويىنشا قاعىلىق اۋدانى وجىرىق اۋىلى ورتاقاچا قىستاعىندا ءبىرىنشى شۋجي، قىزمەت اترەتىنىڭ باستىعى بولىپ مىندەت اتقارادى. 

ۋاڭ يۇڭنىڭ ورتاقاچا قىستاعىندا 9 جاستاعى لاديلا اتتى وكىل قىزى بار. اكەلى-بالالى اراسىنداعى سۇيىسپەنشىلىكتىڭ ورناۋى وسىدان ءبىر جىل بۇرىنعى مىناداي ءبىر اڭگىمەدەن باستالعان بولاتىن. ورتاقاچا قىستاعىنداعى 9 جاستاعى بويجەتكەن لاديلانىڭ اكە-شەشەسى ٴبىر جىلدىڭ الدىندا نەكەدەن اجىراسقاننان كەيىن، شەشەسى بۇجانات ماحمۇت لاديلانى ەرتىپ، ورتاقاچا قىستاعىنداعى لاديلانىڭ ناعاشى اتا-اپاسىمەن بىرگە تۇرمىس كەشىرەدى. كۇندەردىڭ بىرىندە، لاديالانىڭ ناعاشى اتاسى توسىننان اۆتوكولىك شىرعالاڭىنا ۇشىراپ قالادى. شەشەسى مەن ناعاشى اپاسى دوحتىرحانادا ناعاشى اتاسىنا قارايلاسۋعا تۋرا كەلگەندىكتەن، ءسابي لاديلا وتباسىندا قاراۋسىز قالادى، ءدال سول كۇندەرى، ۋاڭ يۇڭ قىستاقتى ارالاپ ٴجۇرىپ، ەسىك الدىندا جاۋتاڭداعان لاديلانى كورىپ قالادى. جاعدايىن ۇعىسقاننان كەيىن، ۋاڭ يۇڭ لاديلانى قىستاقتاعى قىزمەت اترەتىنىڭ كەڭسەسىنە ەرتىپ كەلەدى، لاديلانىڭ جاقىندارىمەن اقىلداسقاننان كەيىن، ۋاڭ يۇڭ ونىڭ تۇرمىسىنا قارايلاسۋدى ءجون كورەدى. ۋاڭ يۇڭ كۇندەلىكتى قىزمەتىنەن سىرت، لاديلانىڭ تاماعىن دايىنداپ، مەكتەپكە اپارىپ-اكەلۋمەن بىرگە تاپسىرما ورىنداۋىنا كومەكتەسەدى، ۋاقىت وتە كەلە، لاديلا ۋاڭ يۇڭدى جاناشىر رەتىندە تانىپ «ۋاڭ اعاي» دەۋدىڭ ورنىنا «ۋاڭ اكە» دەپ شاقىراتىن بولادى. 

ۇعىسا كەلە، ۋاڭ يۇڭنىڭ ورتاقاچا قىستاعىندا بالام دەپ قارايلاسقان سابيلەردەن تەك لاديلا جالعىز ەمەس ەكەن. قىستاقتا لاديلا سياقتى قارايلاسۋدى قاجەت ەتەتىن بالانىڭ ءبىرشاما كوپ ەكەنىن بىلگەن ۋاڭ يۇڭ قىستاقتاعى تۇرعىنداردىڭ قينشىلىعىن ويلاستىرىپ، 10 قانشا بالانىڭ تۇرمىستارىنا ۇزاق ۋاقىت قارايلاسۋ تىلەگىن بىلدىرەدى. ۋاڭ يۇڭ: وسى قىستاقتا وتباسىندا قينشىلىعى بار لاديلا سياقتى بالالاردىڭ سانى ٴبىر تالايعا جەتەدى. قازىرگە دەيىن، لاديلا سياقتى وكىل بالامنان 17 سى بار. ولارعا مەكتەپتەگى سىرتقى ۋاقىتتا، اسىرەسە سەنبى-جەكسەنبى كۇندەرى كوپ قارايلاسىپ تۇردىم. 

ۋاڭ يۇڭ كىشكەنتايىنان ۇيعۇر باۋىرلاستارىمەن بىرگە ەسەيىپ-ەرجەتكەندىكتەن، وتاننىڭ شەكارا رايونىنداعى ۇلان-بايتاق دالاعا تەرەڭ سۇيىسپەنشىلىك ورناتقان. ۋاڭ يۇڭنىڭ «حانزۋ تىلىمەن قوسا ۇيعۇر ءتىلىن يگەرگەن» ارتىقشىلىعى ونىڭ بۇقارا ورتاسىنا شىن جۇرەكتەن ٴسىڭىپ، ۇلتتار ىنتىماعىن ويداعىداي ورىستەتۋىنە تاماشا نەگىز قالادى. 

ۋاڭ يۇڭنىڭ «ۇعىسۋ، تيىمدىلىك جاساۋ، توعىستىرۋ» بويىنشا نەگىزگى ساتىدا قىزمەت ىستەگەنىنە 4 جىل، قاعىلىق اۋدانى وجىرق اۋىلى ورتاقاچا قىستاعىندا قىزمەت ىستەگەنىنەدە 3 جىلدىڭ ءجۇزى بولدى. قىستاقتا تۇرعان كەزىندە ول ۇلتتار ىنتىماعىن قاي-قاشان دا كوكەيىندە ساقتاپ، ۇلتتار ىنتىماعىن قاي-قاشان دا ناقتىلى ارەكەتتە تياناقتاندىرىپ، ۇلتتار ىنتىماعى مەن قىستاق تۇرعىندارىنىڭ ٴتول مۇددەسىنە ساياتىن يگىلىكتى ناقتى ىستەردى ىستەۋگە بار كۇشىن سالادى. اسىرەسە ۇلت بولاشاعى بولعان جەتكىنشەكتەرگە ءمان بەرۋدى كوڭىلدى ءارى ءماندى ءىس دەپ قاراپ كەلدى. ۋاڭ يۇڭ: مەن ىستەگەن جۇمىستارىمدى ەشقانداي مىندەت دەپ قاراعان ەمەسپىن. مەنىڭشە جەتكىنشەكتەردىڭ ءوسىپ-جەتىلۋىنە كوڭىل ءبولۋ اسا ماعىنالى ءىس. بالالار پەرىشتە ىسپەتتى. ولارعا كىشكەنتايىنان مەملەكەتتىك ورتاق ٴتىل ۇيرەنەتىن، باسقالاردىڭ مادەنيەتىن تۇسىنە الاتىن، ۇلتتار ارا ٴبىر-بىرىنەن ايىرىلا المايتىندىعىن سەزىنەتىن ورتا جاراتىپ بەرسەك،جەتكىنشەكتەردىڭ بولاشاقتا ءبىز سياقتى باسقالارعا مەيىر-شاپاعات، ۇلتتار ىنتىماعىنا كۇش-قۋات باعىشتاۋىنا زور مۇمكىندىك جاراتىلادى،-دەيدى. 

ۇزاق ۋاقىتتىق نەگىزگى ساتى قىزمەت تاجىريبەسى مەن ءوسىپ جەتىلگەن ورتاسى ۋاڭ يۇڭعا ۇلتتار ىنتىماعى-- شينجياڭنىڭ قوعام ورنىقتىلىعى مەن باياندى تىنىشتىعىنىڭ ىرگە تاسى، سونداي-اق بۇكىل شينجياڭداعى ٴار ۇلت كادر-جۇرتشىلىعىنىڭ ىزگى تىلەگى ەكەندىگىن شىنايى دا تەرەڭ سەزىندىرىپ كەلەدى، ول: وسىنداي ۇلتتار ىنتماعى رۋحىن جالعاستىرۋعا بار كۇشىمدى سالامىن،-دەگەن اينىماس نيەتىن دە ناقتىلى ءىس ارەكەتىندە ايگىلەۋدە. 

 

    中央广播电视总台 央广网 版权所有