ينفورماتسيا اشكەرەلەۋ: mzjubao@cnr.cn

وزەكتى ماقالالار

شينجياڭداعى زاڭعا قايشى ينفورماتسيا تاراتقان 6 تيپتىك دەلو

来源:央广网     |责编:达吾力别克|     发布日期: 2019-11-07 17:09

اۆتونوميالى رايوندىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى باستاعان تاراۋلار زاڭعا قايشى ينفورماتسيا تاراتقان 6 ءتۇرلى تيپتىك دەلونى تەكسەرىپ ءبىر جاقتى ەتتى

جۋىقتا اۆتونوميالى رايوندىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى جانە اۆتونوميالى رايوندىق قوعام حاۋىپسىزدىگى مەڭگەرمەسى دەلو دەرەكتەرىنە نەگىزدەلىپ، زاڭ بويىنشا 24-توپتاعى الەۋمەتتىك جەلىدە زاڭعا قايشى ينفورماتسيا تاراتقان 6 تيپتىك دەلونى تەكسەرىپ ءبىر جاقتى ەتتى جانە اشىق جاريالادى. تەكسەرۋ ارقىلى دەلوعا قاتىستى ادامدار ينتەرنەت جەلىسىندە ءدىني ۇشقارىلىق، ۇلتتىق بولشەكتەۋشىلىك جانە جالعان ينفورماتسيا سياقتى مازمۇنداردى ۋاعىزدايتىن جازۋ، سۋرەت، دىبىس-كەسكىندى ساقتاپ، تاراتىپ، «جۇڭحۋا حالىق رەسپۋبليكاسىنىڭ قىلمىستىق ىستەر زاڭى»، «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»، «جۇڭحۋا حالىق رەسپۋبليكاسىنىڭ اماندىق باسقارۋعا قايشىلىق جاساعانداردى جازالاۋ زاڭى»، «شينجياڭ ۇيعۇر اۆتونوميالى رايونىنىڭ الەۋمەتتىك جەلىدە جالعان ينفورماتسيا تاراتۋدان ساقتانۋ جانە ونى جازالاۋ ەرەجەسى» سياقتى زاڭ-ەرەجەلەرگە قايشىلىق جاساعاندىعى سەبەپتى قوعام حاۋىپسىزدىگى ورگاندارى قاتىستى ادامداردى زاڭ بويىنشا تەكسەرىپ ءبىر جاقتى ەتتى.

 

1-دەلو: قىزىلسۋ قىرعىز اۆتونوميالى وبلىسىنداعى جەلى پايدالانۋشى ماي X ۇشقارىلىقتى ۋاعىزدايتىن بۇيىمداردى زاڭسىز ساقتاۋ، تاراتۋ دەلوسى

 

2019-جىلى 8-ايدىڭ 2-كۇنى، جەلى پايدالانۋشى ماي X (ەر، ۇيعۇر، 26 جاس، نوپوس قاراستىلىعى: قىزىلسۋ وبلىسى اقتاۋ اۋدانى) ينتەرنەتتەن ءدىني ۇشقارى يدەيانى ۇگىتتەگەن دىبىس-كەسكىندى تۇسىرگەن، تارتقان. انىقتاۋ ارقىلى قاتىستى زاڭ-ەرەجەلەر نەگىزىندە قوعام حاۋىپسىزدىگى ورگاندارى ماي X تى قىلمىستىق ىستەر بويىنشا قاماۋعا الدى.

 

2-دەلو: قاشقار ايماعىنداعى جەلى پايدالانۋشى ما X ۇشقارىلىقتى ۇگىتتەيتىن زاڭسىز دۇنيەلەردى ساقتاۋ، تاراتۋ دەلوسى

 

قاشقار ايماعىنداعى جەلى پايدالانۋشى ما X (ەر، ۇيعۇر، 33 جاس، نوپوس قاراستىلىعى: قاشقار ايماعى قاعىلىق اۋدانى) شەكتەلگەن ارناۋلى ينتەرنەت جەلىسىنەن ءدىني ۇشقارىلىق يدەيانى ۇگىتتەيتىن قىرۋار ەلەكتروندى كىتاپ تۇسىرگەن، تاراتقان. قاتىستى زاڭ-ەرەجەلەر نەگىزىندە، قوعام حاۋىپسىزدىگى مەكەمەسى ما X تى قىلمىستىق ىستەر بويىنشا قاماۋعا الدى.

 

3-دەلو: تارباعاتاي ايماعىنداعى جەلى پايدالانۋشى جيا X، ۋي X تىڭ الەۋمەتتىك جەلىدە ءتان ساۋدالاۋ، زيناقورلىق ىستەۋ دەلوسى

 

2019-جىلى 9-ايدىڭ 3-كۇنى، جەلى پايدالانۋشىنىڭ اشكەرەلەۋىمەن جيا X (ەر، حانزۋ، 27 جاس، نوپوس قاراستىلىعى: تارباعاتاي ايماعى شاعانتوعاي اۋدانى)، ۋي X (ايەل، حانزۋ، 38 جاس، نوپوس قاراستىلىعى: حيلۇڭجياڭ ولكەسى حاربين قالاسى فاڭجىڭ اۋدانى) الەۋمەتتىك جەلى ارقىلى حابارلاسىپ، باعاسىنا كەلىسىپ، ءۇرىمجى قالاسىنداعى تاڭداۋلى قوناق ۇيدە زاڭسىز ءتان ساۋدالاپ، زيناقورلىق ىستەيدى. تەكسەرىپ انىقتاۋ ارقىلى قاتىستى زاڭ-ەرەجەلەر نەگىزىندە قوعام حاۋىپسىزدىگى مەكەمەسى جيا X، ۋي X تى اكىمشىلىك ىستەر بويىنشا قاماۋعا الدى.

 

4-دەلو: تارباعاتاي ايماعىنداعى جەلى پايدالانۋشى سۇي X تىڭ وسەك-اياڭ تاراتۋ دەلوسى

 

2019-جىلى 9-ايدىڭ 8-كۇنى، جەلى پايدالانۋشى سۇي X (ەر، حانزۋ، 28 جاس، نوپوس قاراستىلىعى: تارباعاتاي ايماعى شيحۋ قالاسى) بەلگىلى ۋيچات شوعىرىنا، دوس شەڭبەرىنە وسەك-اياڭ ينفورماتسياسىن تاراتىپ، قوعامنىڭ الەۋمەتتىك ءتارتىبىن بۇلدىرگەن. تەكسەرىپ انىقتاۋ ارقىلى قاتىستى زاڭ-ەرەجە نەگىزىندە قوعام حاۋىپسىزدىگى مەكەمەسى سۇي X تى اكىمشىلىك ىستەر بويىنشا قاماۋعا الدى.

 

5-دەلو: سانجى حۇيزۋ اۆتونوميالى وبلىسىنداعى ينتەرنەت جەلى پايدالانۋشى جاڭ X تىڭ وسەك-اياڭ تاراتۋ دەلوسى

 

2019-جىلى 9-ايدىڭ 11-كۇنى، جەلى پايدالانۋشىنىڭ اشكەرەلەۋىندە جاڭ X (ەر، حانزۋ، 28 جاس، نوپوس قاراستىلىعى: سانجى وبلىسى سانجى قالاسى) ۋيچات شوعىرىندا رايونىمىزدىڭ ورنىقتىلىقتى قورعاۋ ساياساتىنا ساياتىن جالعان وسەك-اياڭ تاراتىپ، وشپەندىلىككە جەلىكتىرىپ، قوعامنىڭ الەۋمەتتىك ءتارتىبىن بۇلدىرگەن. تەكسەرىپ انىقتاۋ ارقىلى قاتىستى زاڭ-ەرەجە نەگىزىندە قوعام حاۋىپسىزدىگى مەكەمەسى جاڭ X تى اكىمشىلىك ىستەر بويىنشا قاماۋعا الدى.

 

6-دەلو: تارباعاتاي ايماعىنداعى جەلى پايدالانۋشى جيا X تىڭ الدامشىلىق دەلوسى

 

2019-جىلى 9-ايدىڭ 16-كۇنى، جەلى پايدالانۋشىنىڭ اشكەرەلەۋىندە جيا X (ايەل، قازاق، 22 جاس، نوپوس قاراستىلىعى: تارباعاتاي ايماعى شاعانتوعاي اۋدانى) الەۋمەتتىك جەلى ارقىلى ورتاق ءتىل كۋالىگىن بىتىرەمىن دەپ جەكە-جەكە 5 جەلى پايدالانۋشىنىڭ اقشاسىن الداپ العان، دەلوعا ساياتىن جالپى اقشا 10 مىڭ 100 يۋان. تەكسەرىپ انىقتاۋ ارقىلى قاتىستى زاڭ-ءتۇزىم نەگىزىندە ەمشەكتە بالاسى بار بولعاندىعى سەبەپتى، قوعام حاۋىپسىزدىگى مەكەمەسى زاڭ بويىنشا جيا X تى سوتتاعاننان كەيىن كەپىلدىككە بوساتتى.

 

ينتەرنەت حاۋىپسىزدىگى جانە ينفورماتسيالاندىرۋ تاراۋلارى، قوعام حاۋىپسىزدىگى ورگاندارى مىنانى ەسكەرتەدى: عالامتور كەڭىستىگى زاڭنان تىسقارى ەمەس، ينتەرنەت ارقىلى زورلىقتى كۇش لاڭكەستىگىنە، ۇلتتىق بولشەكتەۋشىلىككە، ءدىني ۇشقارىلىققا، سونداي-اق ۇلتتار ىنتىماعىن، مەملەكەتتىڭ تۇتاستىعىن بۇلدىرەتىن جازۋ، سۋرەت، دىبىس-كەسكىندەرىن ۇگىتتەسە، ساقتاسا، تاراتسا؛ پروفەسسور قوپارعىش جابدىقتاردى، قارۋ-جاراقتى، الىستان مەڭگەرۋ اسپاپتارىن جاساۋ، ىستەتۋ ءادىسىن ۇيرەتسە، سونداي-اق جالعان ينفورماتسيالاردى تاراتىپ، قورلاۋ، قورقىتۋ، جالعان فاكت جاساپ، باسقالاردى قارالاۋ سياقتى مازمۇندار قامتىلعان جازۋ، سۋرەت، دىبىس-كەسكىن جاساسا، زاڭ بويىنشا جاۋاپكەرشىلىگى قۋزاستىرىلادى. جوعارىدا ايتىلعان جازۋلار، سۋرەتتەر، دىبىس-كەسكىندەر بار بولسا، ونى دەرەۋ ءوشىرىپ تاستاڭىز، كوزىن قۇرتىڭىز، جەكە ادام وشىرۋگە، جويۋعا امالسىز بولعان جاعدايدا سول جەردەگى قوعام حاۋىپسىزدىگى ورگانىنىڭ سەلبەسىپ ءبىر جاقتى ەتۋىنە تاپسىرىپ بەرىڭىز. بارشا الەۋمەتتىك جەلى پايدالانۋشىلار قاتىستى زاڭ-ەرەجەلەرگە بويسۇنىپ، الەۋمەتتىك جەلىدە مادەنيەتتى بولىپ، زاڭ بويىنشا جەلى پايدالانىپ، اقاۋسىز، ءتارتىپتى ينتەرنەت ورتاسىن بىرگە قورعاۋى كەرەك.

 

بارشا جەلى پايدالانۋشىلارىنىڭ ينتەرنەت جەلىسىندەگى زاڭسىز ينفورماتسيانى اشكەرەلەۋىن قارسى الامىز، اشكەرەلەپ ەڭبەك سىڭىرگەندەرگە ەڭبەك جازىلادى جانە سيلىق بەرىلەدى.

 

اشكەرەلەۋ ءادىسى

 

جەلى جالعانىمى: www.xjwljb.com

بايلانىس تەلەفونى: 2384777-0991   

حات ساندىق: xjwljb@xjts.cn

بلوك: @新疆网络举报

ۋيچات تەكشەسى: 新疆网络举报

مالىمدەۋ تەلەفونى: 110

كەلتە حات ارقىلى مالىمدەۋ: 12110

中央广播电视总台 央广网 版权所有