ينفورماتسيا اشكەرەلەۋ: mzjubao@cnr.cn

وزەكتى ماقالالار

دوحتىرلار بۇلاي ىستەمە دەيدى

来源:央广网     |责编:达吾力别克|     发布日期: 2019-11-18 10:36

مىنا 10 ءبولىمنىڭ شيپاگەرى بۇل ءىستى ىستەمەۋدى، ۇيتپەگەندە زيانى وتە اۋىر بولاتىندىعىن ەسكەرتەدى

ءارقايسى ءبولىم شيپاگەرى وزىنە قاراستى سالانى بەس ساۋساعىنداي قانىق بىلەدى. ىستەمەۋگە ءتيىستى ىستەر جونىندە ايقىن تانىمى بار بولىپ، ەندەشە شيپاگەرلەر قانداي ىستەردى ىستەمەۋى كەرەكتىگىن ەسكەرتەدى ەكەن، بىرلىكتە نازار سالايىق.  

 

 

سۇيەك شيپاگەرى سافاعا كوپ وتىرماۋ كەرەكتىگىن ەسكەرتەدى

 

 

وتە جۇمساق ارقالى ورىندىقتارعا، ماسەلەن سافاعا وتىرۋ بەل ومىرتقا مەن ومىرتقانىڭ فيزيولوگيالىق قۇرىلىمىن ساقتاۋىنا ءتيىمسىز. سوندىقتان، ۇيدە سافا بولسادا قاتتى ورىندىققا وتىرۋ كەرەك. 

 

 

وسپە اۋرۋلار ءبولىمىنىڭ شيپاگەرى كوگەرگەن تاعامداردى جەمەۋ كەرەكتىگىن ەسكەرتەدى

 

جەر جاڭعاعى، جۇگەرى، سارى بۇرشاق، قاتتى جەمىس سياقتى جەمەكتىكتەر كوگەرسە، ەندىگارى جەمەۋ كەرەك، مۇنىڭ ىشىندە پايدا بولعان سارى اسپەرگيلل توكسينى ادامدى شۇعىل ۋلاندىرىپ، ءتىپتى ءولتىرىپ كەتۋى مۇمكىن، ۇزاق ۋاقىت تۇتىنسا راك اۋرۋىنىڭ پايدا بولۋ قاتەرىن ارتتىرادى. ونىڭ ۇستىنە، سۋمەن جۋۋ مەن پسىرۋ ارقىلى دا ونىڭ قاتەرىن جويۋعا بولمايدى.

 

كەيبىرەۋلەر كوگەرگەن ازىقتىڭ زەڭ باكتەرياسى بار جەرىن كەسىپ تاستاۋ كەرەك، كوگەرمەگەن بولەگىن جەۋ دەنساۋلىققا ىقپال جاسامايدى دەپ قارايدى. ءىس جۇزىندە ازىقتىق كوگەرىپ كەتسە، جالعاستى تۇتىنۋعا بولمايدى. 

 

 

بۇيرەك ىشكى اۋرۋلار شيپاگەرى كىشى دارەتكە قىسىلۋعا بولمايتىندىعىن ەسكەرتەدى

 

 

ادام دارەتكە قىسىلسا قۋىقتىڭ قابىنۋى قاتارلى نەسەپ جولى ينفەكسيالانۋىن كەلتىرىپ شىعارادى، سالماقتى بولعاندا بۇيرەك قىزمەتىنە ىقپال جاساپ، قۋىق راگىنا شالدىعۋ مۇمكىندىگىن ارتتىرادى. سۋدى كوپ ءىشۋ، ساعاتىنا ءبىر رەت كىشى دارەتكە وتىرۋ كەرەك، وسىلاي ىستەگەندە بۇيرەك پەن قۋىقتى اقاۋسىزداندىرۋعا بولادى.

 

 

قان اۋرۋى شيپاگەرى شاش بوياماۋ كەرەكتىگىن ەسكەرتەدى

 

 

 

حابارعا قاراعاندا، 1999 - جىلدان بەرى شاڭحايداعى ءىرى شيپاحانالاردىڭ قان اۋرۋلار ءبولىمى اق كلەتكا، قىزىل قان تۇيىرشىگى، قان پلاستينكاسى بارىنشا ازايعان قان اۋرۋى بار ادامداردى ارت - ارتىنان ەمدەگەن. شيپاحانالاردىڭ ناۋقاستارعا تالداۋ جاساۋ جانە تەكسەرۋ جۇرگىزۋى ارقىلى، بۇل ناۋقاستاردىڭ شاشتارىن رەڭدى بوياۋمەن بويايتىندار ءارى ەكى جىل اينالاسىندا ءشاش بوياۋ تاريحى بار ادامدار ەكەندىگى انىقتالعان. 

 

شاشتى بوياماۋعادا بولادى، شىنىندا بوياۋ قاجەت بولسا جارىم جىلدا ءبىر رەت عانا بوياۋ كەرەك. 

 

 

 

اس قورىتۋ ءبولىمىنىڭ شيپاگەرى قويۋ شاي، قويۋ كوفە ىشۋگە بولمايتىندىعىن ەسكەرتەدى

 

 

كوفە مەن قويۋ شاي اسقازان - قىزىل وڭەشتەن وڭاي كەرى اعىپ شىعادى. اسقازان قىشقىلى شىرىتكىش قاسيەتكە يە، ەگەر ۇنەمى كەرى اعىلاتىن بولسا، وڭەشتى، جۇتقىنشاق - كومەكەيدى تىتىركەندىرەدى، زەرتتەۋلەرگە قاراعاندا، وڭەشتەن كەرى اعۋ وڭەش راگىن تۋدىراتىن باستى سەبەپتەردىڭ ءبىرى ەكەن . قايناعان سۋ ەڭ جاقسى سۋسىندىق سانالادى.

 

 

 

جۇرەك ىشكى اۋرۋلار شيپاگەرى تۇماۋراتقاننان كەيىن كۇشتى ارەكەت جاساۋعا بولمايتىندىعىن ەسكەرتەدى

 

جەڭىل تۇماۋراتقاندا لايىقتى مولشەردە ارەكەت جاساۋعا بولادى، كۇشتى ارەكەت جاساۋعا بولمايدى. تۇماۋراتقاننان كەيىن، ادام دەنەسىنىڭ زات الماسۋ قارقىنى تەزدەيدى، ەگەر تاعى دا ءبىرشاما كۇشتى قيمىلمەن شۇعىلدانسا، ادام دەنەسىنىڭ جىلۋ مولشەرى ارتىپ، زات الماسۋى تەزدەيدى، ەنەرگيانىڭ سارىپ بولۋى ارتىپ كەتەدى . 

 

سونىمەن بىرگە، ادام تۇماۋراتقاننان كەيىن قارسىلىق قۋاتى زور دارەجەدە تومەندەيدى، وسى كەزدە تۇماۋ ۆيرۋسى ادام دەنەسىنە وڭاي كىرەدى، ەگەر جۇرەك بۇلشىق ەتىنە جۇعىمدالسا، جۇرەك - وكپە قاتارلى مۇشەلەردىڭ جۇگىن اۋىرلاتىپ، جۇرەك بۇلشىق ەتىنىڭ جەدەل قابىنۋى، جۇرەك - وكپە قىزمەتىنىڭ جاقسى بولماۋى قاتارلى اۋرۋ بەلگىلەرىن وڭاي تۋدىرادى، ٴتىپتى شۇعىل جۇرەك اۋىرۋىنان قايتىس بولۋدى كەلتىرىپ شىعارادى. كوپ ساندى ادامدار تۇماۋراتقاننان كەيىن قاتتى ارەكەتتەنۋ سەبەبىنەن جۇرەك بۇلشىق ەتى قابىنادى.

 

 

تەرى اۋىرۋلارى ءبولىمىنىڭ شيپاگەرى مۇيىزگەكتى كەسپەۋ، اعارتقىش ونىمدەردى ىستەتپەۋ كەرەكتىگىن ەسكەرتەدى

 

 

مۇيىزگەك زاتتى الىپ تاستاۋدىڭ قاجەتى جوق. تەرىنىڭ وزىندىك قورعانۋ جۇيەسى بولادى. ۇيتپەگەندە تەرىنىڭ قورعانۋ جۇيەسى بۇزىلادى. اعارتقىش ونىمدەردى ىستەتۋدىڭ قاجەتى جوق، بەت جۋاتىن ءسۇت، تەرى قورعاۋ بۇيىمدارىنا  جارقىراۋىق ٴدارى قوساتىندىقتان، اسىرە سەزىمتالدىقتى تۋدىرۋى مۇمكىن.

 

تەرى ءبولىمى شيپاگەرىنىڭ ۇسىنىسى: سىرتقا شىققاندا قارا كوزىلدىرىك تاعىپ، باس كيىم كيۋ نەمەسە شاتىر الۋ، وسىلاي بولعاندا اشتى كۇن نۇرىنان ەڭ حاۋىپسىز قورعانۋعا بولادى.

 

 

اۋىز قۋىسى شيپاگەرى  اراق قۇمىراسىنىڭ قاقپاعىن تىسپەن اشپاۋ كەرەكتىگىن ەسكەرتەدى

 

 

استە تىسپەن سىرا قۇمىراسىنىڭ قاقپاعىن اشۋعا، جاڭعاق سياقتى قاتتى نارسەلەردى شاعىپ جەۋگە بولمايدى، كوپتەگەن ادامدار كيىمدەگى ماركانى جىرتۋ، كىشكەنە قۇمىرالارىڭ قاقپاعىن اشۋ تەكتەس ىستەردى ءتىسى ارقىلى ىستەيدى. بۇل قاتتى زاتتار ءتىستى زاقىمدايدى نەمەسە ءتىستىڭ شەتى كەتىلىپ، تىستەر وڭاي زاقىمدالادى.

 

 

 

بالالار ءبولىمىنىڭ شيپاگەرى 3 اي ىشىندە بالاعا كۇرىش بوتقاسىن بەرمەۋ كەرەكتىگىن ەسكەرتەدى 

 

 

تۋىلعانىنا ءۇش ايعا تولماعان بوبەكتەردىڭ كىراحمال فەرمەنتىنىڭ ءبولىنىپ شىعۋى وتە از بولىپ، كۇرىش بوتقاسىن جەسە اس قورتۋى وڭاي ناشارلايدى. 

 

 

ءدارىشى تۇماۋراتقاندا ءدارىنى قايتالاي ىشپەۋ كەرەكتىگىن ەسكەرتەدى 

 

 

تۇرمىستا ۇنەمى كەزىگەتىن ءدارى ءىشۋ سيپاتتى باۋىر قابىنۋى كوبىندە ناۋقاستىڭ ءوزى قايتالاي ءدارى ىستەتۋدەن، قايتا - قايتا اۋىستىرۋدان پايدا بولادى. تۇماۋ دارىلەرىن مىسالعا الساق، كوپ ساندى تۇماۋ دارىلەرىنىڭ قۇرامىندا قىزۋدى قايتارىپ، اۋىرعاندى باساتىن حيميالىق قۇرام اتسەتيل امينوفەنول بولادى. ءبىرۋاقىتتا كوپ ءتۇرلى تۇماۋ دارىلەرىن ىشسە، ونىڭ جالپى دوزاسى ارتاتىندىقتان باۋىر زاقىمدالىپ، باۋىر ۇلپالارى قابىنادى.

 

ءدارىنى ىستەتۋدەن بۇرىن، تۇسىندىرمەسىن مۇقيات وقىپ، ءدارىنىڭ جالپى بەتتىك قولدانىلاتىن اتى مەن تاۋار اتىن انىقتاپ الۋ كەرەك. تەك جاپپاي قولدانىلاتىن اتى ۇقساس بولسا بولعانى، ۇقساس ءبىر تۇردەگى ءدارى - دارمەككە جاتادى دا ءبىر ۋاقىتتا ىشۋگە بولمايدى، ويتپەگەندە زاردابى اۋىر بولادى.

 

    中央广播电视总台 央广网 版权所有

    دوحتىرلار بۇلاي ىستەمە دەيدى

    ءارقايسى ءبولىم شيپاگەرى وزىنە قاراستى سالانى بەس ساۋساعىنداي قانىق بىلەدى. ىستەمەۋگە ءتيىستى ىستەر جونىندە ايقىن تانىمى بار بولىپ، ەندەشە شيپاگەرلەر قانداي ىستەردى ىستەمەۋى كەرەكتىگىن ەسكەرتەدى ەكەن، بىرلىكتە نازار سالايىق.