ينفورماتسيا اشكەرەلەۋ: mzjubao@cnr.cn

وزەكتى ماقالالار

تاپسىرىپ ەرەكشە جارنانى، ۇيىمعا العىسىن ارنادى

来源:央广网     |责编:阿依娜|     发布日期: 2019-12-03 08:33

 

تورابىمىز ۇسىنىس ەتكەن ءتىلشى ساعىنبەك رابات ۇلى مەن ەرىكتى ءتىلشى بوكەن قۇمارقان ۇلى التايدان حابارلايدى. بۇكىل ەلىمىزدە جوعارىدان تومەنگە دەيىن 2-كەزەكتى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسى ورىستەتىلىپ جاتقان تۇستا، جۇڭگو كوممۋنيستىك پارتياسى ورتالىق كوميتەتى ۇيىمداستىرۋ بولىمىنەن جولدانعان «قولحات» قابا اۋدانى سارتام اۋىلدىق پارتكوم پارتيا قۇرىلىسى كەڭسەسى قىزمەتكەرلەرىنىڭ قولىنا ءتيدى. قولحاتتا: «مۇرات زايني ۇلى جولداستىڭ ءوز ەركىمەن ءبىر جولدا پارتيا جارناسىنا 7000 يۋان حالىق اقشاسىن تاپسىرعانى ءۇشىن وسى قولحات بەرىلدى. 2019-جىلى 10-ايدىڭ 10-كۇنى» دەپ جازىلىپتى.

بيىل 63 جاسقا كەلگەن مۇرات زايني ۇلى قابا اۋدانى سارتام اۋىلىنىڭ كۇرمىش قىستاعىنداعى ساقا پارتيا مۇشەسى، ول رەسپۋبليكامىز قۇرىلعاندىعىنىڭ 70 جىلدىعى قارساڭىندا، سارتام اۋىلدىق پارتكوم پارتيا قۇرىلىسى كەڭسەسىنە بارىپ، 70 دانا سۋ جاڭا 100 يۋاندىق اقشانى ەرەكشە پارتيا جارناسى رەتىندە تاپسىرۋدى تالاپ ەتتى، كوپشىلىك ونىڭ ۇلەس قوسۋ رۋحى مەن پارتياعا دەگەن تەرەڭ سۇيىسپەنشىلىگىنەن ەرەن اسەرلەندى.

تاياۋدا سارتام اۋىلدىق پارتكوم پارتيا قۇرىلىسى كەڭسەسىنىڭ قىزمەتكەرلەرى مۇكەڭنىڭ وتباسىنا بارىپ، وعان اتالعان قولحاتتى تاپسىرعاندا، مۇكەڭ كادىمگى ءبىر سومكانى الىپ شىقتى، سومكا ىشىندە ونىڭ 30 نەشە جىلدان بەرى اۆتونوميالى رايون، ايماق، اۋدان جانە اۋىل جاعىنان العان داڭق كۋالىكتەرى بار ەكەن، ءتۇرلى كۋالىكتى ۇستەل ۇستىنە تىزگەندە سيماي قالدى، مۇنى كورگەن جاس كادرلاردىڭ مۇكەڭە دەگەن قۇرمەت سەزىمى ارتا ءتۇستى.

ساقا پارتيا مۇشەسى مۇرات بىلاي دەدى: «كومپارتيا مۇشەسى قاي كەزدە، قاي جەردە دە ۇزدىك، ۇلگىلى رول اتقارۋى، وزىنە قاتاڭ تالاپ قويۋى كەرەك. زەينەتكە شىقسام دا، ۇيىمدىق تۇرمىسقا بەلسەنە قاتىناسىپ، پارتيانىڭ ساياساتىن ۇگىتتەپ، حالىق بۇقاراسىن پارتيانىڭ توڭىرەگىنە اناعۇرلىم تىعىز توپتاسۋعا، ىنتىماقتاسۋعا باستايمىن».

ۇعىسۋعا قاراعاندا، مۇرات زايني ۇلى 1989-جىلى 6-ايدا جۇڭگو كوممۋنيستىك پارتياسىنا مۇشە بولعان، پارتياعا كىرگەننەن كەيىن، ول باستان-اقىر وزىنە جوعارى ولشەممەن قاتاڭ تالاپ قويعان. مەيلى قايسى قىزمەت ورنىندا بولسىن، پارتيا ۇيىمىنىڭ ءتۇرلى قيمىلدارىنا بەلسەنە قاتىناسىپ، ۇيىمنىڭ ورنالاستىرۋىنا شارتسىز بويسۇنىپ، ءار ۋاقىت ءار قانداي ىستە ۇلگىلى، باستاماشىلدىق رول اتقاردى. 30 نەشە جىلدىق قىزمەت بارىسىندا، ول ءوزىنىڭ وتانشىلدىق رۋحىن، پارتياعا دەگەن سۇيىسپەنشىلىگىن ءۇنسىز ارناپ كەلدى. پارتيا ۇيىمىنىڭ باۋلۋى مەن بۇقارانىڭ قولداپ-قۋاتتاۋىندا، مۇكەڭنىڭ ىستەگەن ونەگەلى ىستەرى جۇرتتىڭ جاقسى باعاسىنا يە بولدى. 

مۇكەڭ نەگىزگى ساتىدا تامىر تارتىپ، ۇلكەن اترەتتىڭ بۇعالترى، مال شارۋاشىلىق كەڭسەسىنىڭ بۇعالترى، كۇرمىش قىستاعى قىستاق تۇرعىندار كوميتەتىنىڭ مەڭگەرۋشىسى، كۇرمىش قىستاعى پارتيا ياچەيكاسىنىڭ شۋجيى، اۋىل باستىعىنىڭ كومەكشىسى جانە اۋىل باستىعىنىڭ ورىنباسارى بولىپ قىزمەت ىستەدى. وسى بارىستا اۋىلدىق پارتكوم، ۇكىمەت جاعىنان تالاي رەت تاڭداۋلى قىزمەتكەر، پارتيا ياچەيكاسىنىڭ تاڭداۋلى شۋجيى قاتارلى اتاقتاردى ەنشىلەدى. ول بۇكىل ىنتا-پەيىلىمەن حالىق ءۇشىن قىزمەت ىستەۋ اۋەلگى ماقساتىندا باستان-اياق تاباندى بولىپ، قىستاقتاعى پارتيا مۇشەلەرىن باستاپ قيىنشىلىعى بار بۇقاراعا كومەكتەسىپ، وندىرىستەرىن وركەندەتىپ، شارۋاشىلىقتارىن شالقىتۋعا كۇش سالىپ، بۇقارانى كوشپەندى تۇرمىستان وتىرىقتانۋعا ويىستىردى. 1978-جىلى التاي ايماقتىق پارتكوم مەن اكىمشىلىك مەكەمەسى جاعىنان «اۋىل شارۋاشىلىعىن باسقارۋداعى وزات جەكە»؛ 1989-، 1991-، 1992-جىلى قابا اۋداندىق پارتكوم ۇيىمداستىرۋ ءبولىمى جاعىنان 3 رەت «تاڭداۋلى پارتيا مۇشەسى» بولىپ سيلاندى. 1995-جىلى اۆتونوميالى رايوندىق پارتكومنىڭ كەزەكتى پارتيا قۇرىلتايىنا ۋاكىل بولىپ سايلاندى ءارى پارتيا قۇرىلتايىنا قاتىناستى. اۆتونوميالى رايون مۇكەڭە «شينجياڭنىڭ 40 جىلدىق قۇرىلىسىنا كورنەكتى ۇلەس قوسۋشى»، «دوڭگەلەك داۋلەتتى قوعامعا ۇمتىلۋداعى وزات قىستاق پارتيا ياچەيكاسى جانە پارتيا مۇشەلەرىن <العا باستاۋدىڭ> ۇلگىسى» قاتارلى داڭقتى اتاقتاردى بەردى.

2013-جىلى زەينەتكە شىققاننان كەيىن مۇكەڭ كۇرمىش قىستاعىندا اۋىل شارۋاشىلىق وندىرىسىمەن شۇعىلداندى، ول بۇقاراعا قىزمەت وتەۋدى بارىنەن جوعارى قويۋ يدەياسىندا تاباندى بولىپ، قىستاق تۇرعىندارىنا كومەكتەستى، 2011-جىلى قابا مالشىلارى قالىڭ قار اپاتىنا ۇشىرادى، ول اپاتقا ۇشىراعان ەگىنشى-مالشىلاردىڭ قيىن وتكەلدەن وتۋىنە كومەكتەستى. 

1989-جىلى جۇڭگو كوممۋنيستىك پارتياسىنا مۇشە بولىپ قابىلدانعان ءبىرىنشى جىلى مۇكەڭ ءبىر جولدا 1000 يۋان ەرەكشە پارتيا جارناسىن تاپسىرسا، 2019-جىلى جۇڭگو كوممۋنيستىك پارتياسى قۇرىلعاندىعىنىڭ 98 جىلدىعى، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى قارساڭىندا، مۇكەڭ تاعى دا 7000 يۋاندى ەرەكشە پارتيا جارناسى رەتىندە پارتيا ۇيىمىنا تاپسىرىپ، ءوزىنىڭ پارتياعا دەگەن العىسىن، وتانعا دەگەن سۇيىسپەنشىلىگىن ءبىلدىردى.

مۇرات زايني ۇلى: «پارتيا ۇيىمىنا مۇشە بولعان 30 جىلدان بەرى، پارتيا ۇيىمىنىڭ قامقورلىعىن، ايالى الاقانىن شىنايى سەزىندىم ءارى ۇيىمنىڭ تاربيەسىن قابىلدادىم. پارتيا ۇيىمى قوسقان ازعانتاي ۇلەسىم مەن توككەن تەرىمدى جوعارى باعالاپ، ءتيىستى مامىلەسىن جاساپ، داڭق تورىنە شىعاردى. سوندىقتان ەرەكشە پارتيا جارناسىن تاپسىرۋ ارقىلى پارتيانىڭ شەكسىز شاپاعاتىنا العىس ايتۋدى ءجون كوردىم»،- دەدى توتەنشە اسەرلى سەزىممەن.

ساقا پارتيا مۇشەسى مۇكەڭە: بالا-شاعاڭىزدىڭ يگىلىگىن كورىڭىز، دەنىڭىز ساۋ، باسىڭىز امان بولىپ قار ورمانداي حالقىڭىزدىڭ ورتاسىندا جۇرە بەرىڭىز،- دەگەن اق جارما تىلەگىمىزدى ايتا وتىرىپ، ءبىز دە ماقالامىزدىڭ نۇكتەسىن قويدىق. 

سۋرەتتەردى تۇسىرگەن بوكەن قۇمارقان ۇلى

 

 

    中央广播电视总台 央广网 版权所有

    تاپسىرىپ ەرەكشە جارنانى، ۇيىمعا العىسىن ارنادى

    بيىل 63 جاسقا كەلگەن مۇرات زايني ۇلى قابا اۋدانى سارتام اۋىلىنىڭ كۇرمىش قىستاعىنداعى ساقا پارتيا مۇشەسى، ول رەسپۋبليكامىز قۇرىلعاندىعىنىڭ 70 جىلدىعى قارساڭىندا، سارتام اۋىلدىق پارتكوم پارتيا قۇرىلىسى كەڭسەسىنە بارىپ، 70 دانا سۋ جاڭا 100 يۋاندىق اقشانى ەرەكشە پارتيا جارناسى رەتىندە تاپسىرۋدى تالاپ ەتتى، كوپشىلىك ونىڭ ۇلەس قوسۋ رۋحى مەن پارتياعا دەگەن تەرەڭ سۇيىسپەنشىلىگىنەن ەرەن اسەرلەندى.