ينفورماتسيا اشكەرەلەۋ: mzjubao@cnr.cn

وزەكتى ماقالالار

شەشەسى ءوز ۇلىن «مەنىڭ بالام ەمەس» دەپ نەگە بىجالاقتادى

来源:央广网     |责编:达吾力别克|     发布日期: 2019-12-14 18:59

اناسى ۇلىن «مەنىڭ بالام» ەمەس دەدى، ول الدامشىلارعا جولىقتىم دەپ ويلادى، انىعىندا جاعداي ول تۇسپالداعانداي ەمەس بوپ شىقتى...

نانجيڭ قالاسىندا 90-جىلدىڭ  تۇلەگى بولعان ءبىر جاس جىگىت اراق ءىشىپ ماس بولىپ، الىپ قايتۋعا كەلگەن كىرە كولىگىندە ۇيىقتاپ قالادى.

 

كىرە كولىگىندە ايران-اسىر قۇسقاننان كەيىن ول ەس-تۇسسىز قالادى، وعان كومەكتەسپەكشى بولعان كىرە كولىك شوفەرى جاس جىگىتتىڭ شەشەسىنە حابارلاسقاندا، جىگىتتىڭ شەشەسى ول مەنىڭ بالام ەمەس دەپ، شوفەردىڭ « الدامشى » بولۋىنان كادىكتەنەدى.

 

باقىتقا جاراي جاس جىگىتكە بەيتانىس شوفەر حوۋ شىگىن سەرىك بولىپ ماستىقتان ايىققانشا جانىنان كەتپەيدى. 

بۇل جاس جىگىت 1993-جىلى دۇنيەگە كەلگەن. فاميلياسى باۋ. دۇكەندە ساتۋشى بولىپ ىستەيدى. ول ماس بولىپ ەسىنەن اداسقاندا حوۋ ۇستاز وعان بارىنشا كومەكتەسەدى.

 

سول كۇنى تۇستەن كەيىن ساعات 3 تەن اسا حوۋ ۇستاز ءمالىم  KTV دان شياۋباۋدى كىرە كولىگىنە وتىرعىزادى. شياۋباۋ ارتقى ورىندىققا وتىرعاندىقتان، حوۋ ۇستاز ونىڭ ماس بولعانىنان حابارسىز ەدى، ءبىراق اۆتوكولىكتى جۇرگىزە بەرگەندە، شياۋباۋ قايتا-قايتا قۇسىپ كىرە كولىگىنىڭ ءىشىن بىلعايدى. 

 

حوۋ ۇستاز دەرەۋ شياۋباۋعا كىرە كولىك شاقىرتقان دوسىنا تەلەفون جالعايدى، شياۋباۋدىڭ دوسى قاربالاس بولعاندىقتان بارا المايتىنىن ايتادى، حوۋ ۇستاز تاپسىرىس بويىنشا كولىككە وتىرعان شياۋباۋدى نىسانالى ورىنعا جەتكىزگەنىمەن  شياۋباۋ ەس-تۇسسىز سۇلىق جاتىپ الادى. 

 

ءبىرتالاي ۋاقىتتان سوڭ حوۋ ۇستاز شياۋباۋدىڭ قالىڭدىعىنىڭ تەلەفون ءنومىرىن  تاۋىپ حابارلاسقانىمەن، الايدا تەلەفون الىنبايدى. شاراسىزدان حوۋ ۇستاز شياۋباۋدىڭ شەشەسىنە تەلەفون جالعايدى، شياۋباۋدىڭ شەشەسى تەلەفوندا: «ۇلىم بۇرىننان اراق ىشپەيدى، ەسىنەن اداسۋى مۇمكىن ەمەس، سەن الدامشىدان قالايسىڭ؟»-دەپ كۇدىكتەنەدى. 

حوۋ ۇستاز سۋرەت جانە كەسكىن جىبەرگەن سوڭ شياۋباۋدىڭ شەشەسى ءىستىڭ سىرىنا قانىق بولادى. 

 

ءبىراق سىرتتا جۇرگەن شەشەسى ۋاعىندا قايتا المايتىندىقتان، حوۋ ۇستازدان ۇلىن ەمحاناعا اپارىپ اسپا ۋكول قويعىزىپ ماستىقتان ايىقتىرۋىن وتىنەدى.

 

حوۋ ۇستاز كىرە اۆتوموبيلىمەن قالالىق 1 – شيپاحاناعا كەلەدى. شياۋباۋ ەسىن جيماعاندىقتان، ونى دوڭگەلەكتى ورىندىققا وتىرعىزىپ شيپاگەرگە كورسەتىپ ەمدەتەدى. 

 

شيۋباۋ كىرە كولىگىنەن تۇسەردە قۇسىپ، حۋ ۇستازدىڭ ۇستىن بىلعايدى، ءبىراق حوۋ ۇستاز وعان قاراماستان شيپاحانادا قاتارعا تۇرىپ ءدارى-ۋكول الادى. 

 

2-3 قۇمىرا اسپا ۋكول سالىنعان سوڭ شياۋباۋ بىرتىندەپ ەسىن جيادى. 

 

كەشكى ساعات 8 دە شياۋباۋدىڭ ەكى دوسى كەلەدى. حوۋ ۇستاز بولعان جاعدايدى ولارعا اسىقپاي ءتۇسىندىرىپ، شيپاحانادان اتتانادى. 

حوۋ شىگىن

 

وسى وقيعادان كەيىن، حوۋ ۇستاز تۇندەلەتىپ ماشينا جۋۋ الاڭىنا بارىپ، كىرە كولىگىن اسىقپاي جۋعىزادى. ساعات 12 دەن اسىپ ءتۇن جارىمىندا ۇيىنە زورعا قايتادى.

 

حوۋ ۇستازدىڭ قايىرىمدىلىعىنا راقىمەت ايتامىز. حوۋ ۇستازداي ىزگى نيەتتى جاندارعا قۇرمەت بىلدىرەمىز! 

 

ايتپاقشى، قىستىڭ سۋىق كۇنىندە اراق-شاراپتى باستان ارتىق ىشپەڭىز، اماندىققا كوڭىل ءبولىڭىز. 

 

    中央广播电视总台 央广网 版权所有

    شەشەسى ءوز ۇلىن «مەنىڭ بالام ەمەس» دەپ نەگە بىجالاقتادى

    اناسى ۇلىن «مەنىڭ بالام» ەمەس دەدى، ول الدامشىلارعا جولىقتىم دەپ ويلادى، انىعىندا جاعداي ول تۇسپالداعانداي ەمەس بوپ شىقتى...