ينفورماتسيا اشكەرەلەۋ: mzjubao@cnr.cn

وزەكتى ماقالالار

بۇل شىن با؟ «قىزىل قالتانى» اشساڭ ينفورماتسياڭ ۇرلانا ما

来源:央广网     |责编:达吾力别克|     发布日期: 2019-12-14 18:59

«مەملەكەتتىك ينتەرنەت باقىلاۋ-باسقارۋ مەكەمەسى <قىزىل قالتانى>  اشساڭ ينفورماتسياڭ ۇرلانادى دەپ ەسكەرتتى»  دەي مە؟ بۇل جالعان اقپارات

«دوسىم، كومەگىڭ بولسىن»....ۋيچاتتا دوستارىڭنىڭ وسىنداي «قىزىل قالتانى» سوگىپ جىبەر دەيتىن جالعانىمداردان «جاۋىر» بولايىق دەدىك. «قىزىل قالتا» قىزىپ تۇرعاندا مەملەكەتتىك ينتەرنەت باقىلاۋ-باسقارۋ مەكەمەسىنىڭ ەسكەرتۋى دەلىنگەن: «قىزىل قالتانى اشساڭ جەكەلىك ينفورماتسياڭ ۇرلانادى» دەگەن سۋىق حابار سۋماڭداپ شىعا كەلدى. باسىپ قويعاندار جان-جاعىنا جالتاقتاپ «ەندى قايتتىك» دەستى....

بۇل حاباردىڭ مازمۇنى بىلاي: ەگەر دوستارىڭ كومەكتەسىپ اقشا الا الىپ سەن ءماز بولعانىڭمەن، كومەكتەسكەن دوستارىڭنىڭ جەكەلىك ينفورماتسياسى، بانكە شوت ءنومىرى ت.ب قاتىستى ينفورماتسيا قارسى جاقتاعى شىرعا تارتقاننىڭ قولىنا تۇسەدى، سونىمەن بىرگە قىزىل قالتانى اشۋ، لايىك باسۋ، بەلەت تاستاۋ سياقتىلاردىڭ ءبارى جەكەلىك ينفورماتسيا ۇرلاۋ تاسىلدەرى دەيدى. 

بۇعان قاراتا جەر-جەردەگى ينتەرنەت جەلىسىندەگى ساقشىلار قۇزىرلى سايت بەتتەرىندە بۇل حاباردىڭ جالعان اقپارات ەكەنىن اشىپ ايتىپ، ەشقاشان «مەملەكەتتىك ينتەرنەت باقىلاۋ-باسقارۋ مەكەمەسى» دەگەن مەكەمە جوق ەكەنىن، سونىمەن بىرگە قالىپتى جاعدايداعى «دوستارىڭدى قىزىل قالتانى اشۋعا شاقىرعاندا» ەشقانداي ينفورماتسيا ۇرلانبايتىندىعىن انىق ەسكەرتتى.

 

@ شىنجىن ينتەرنەت جەلى ساقشىسى

 

1. «مەملەكەتتىك ينتەرنەت باقىلاۋ-باسقارۋ مەكەمەسى» دەگەن ورگان مۇلدە جوق، ويدان قۇراستىرىلعان.

 

2. قالىپتى جاعدايدا «دوستارىڭدى قىزىل قالتانى اشۋعا شاقىرعاندا» ەشقانداي ينفورماتسيا ۇرلانبايدى.

ىسجۇزىندە «باعاسىن كەسىسىپ جىبەر»، «قىزىل قالتا اش» تەكتەس قيمىلدار ينتەرنەت جەلى تيجاراتىندا پايدالانىلادى، ساۋداگەر وسىنداي قيمىل ارقىلى جەلى قولدانۋشىلاردى قىزىقتىرىپ، دوس شەڭبەرلەرىندە وسى ينفورماتسيانى بىردەن-بىرگە تاراتۋ ارقىلى وزىنە قوستاۋشى جينايدى جانە قىسقا ۋاقىت ىشىندە كوپتەگەن قولداۋشىعا يە بولىپ، تيجارات ونىمدىلىگىن جوعارىلاتادى. بۇل تۇردەگى تيجارات فورماسى كوپتەگەن ادامداردى جالىقتىرىپ قويدى، دەگەنمەن، كوڭىل-كۇيگە بەرىلىپ وسەك-اياڭ تاراتۋعا بولمايدى.

 

كەيىندەپ، وسى تەكتەس فورمالارعا زاڭسىز ەلەمەنتتەر كوز تىگىپ، الدامشىلىقتىڭ جاڭا ءتۇرىن ويلاپ تاۋىپ، ۋيچاتتىڭ دوس شەڭبەرى مەن ۋيچات شوعىرلارىن اڭدۋعا ءوتتى. زاڭسىز ەلەمەنتتەر «باعا كەسۋ ارقىلى تومەن باعادا ءونىم ۇسىنۋ» دەگەن جالعان قۇلاقتاندىرۋ تاراتىپ، سوڭىنان ايلا-شارعىسىن اسىرىپ، الداپ-ارباپ، ەبىن كەلتىرىپ، ەلدىڭ مۇددەسىنە اشكوزدىكپەن اۋىز سالدى؛ كەيبىر زاڭسىز ەلەمەنتتەر بالىققا قارماق تاستايتىن ينتەرنەت بەتتەرىن اشىپ تاۆار ۇسىنۋ قيمىلى دەگەندى «قارماق» ەتىپ، ءبىر تيىن اقشا تولەمەيتىن، تومەن باعادا جاڭادان بازارعا سالىنعان جاڭا قولفونداردى ساتۋ سياقتى تاۆارلاردى «جەم» ورنىندا قارماققا ءىلىپ، قاتىناسۋشىنى قىزىقتىرىپ، قارماق قاپقاندارىنىڭ جەكەلىك ازاماتتىق كۋالىك ءنومىرى، بانكە كارتوچكا ءنومىرى، تەلەفون ءنومىرى، مەكەن-جايى، انىقتاما ءنومىرى سياقتى ينفورماتسيالاردى يەلەپ، الدام قالتاسىنا تۇسىرەتىن بولدى.

سوندىقتان كوپشىلىككە مىنانى ەسكەرتەمىز: ەگەردە ءسىزدىڭ اتى-ءجونىڭىزدى، مەكەن-جايىڭىزدى، تەلەفون ءنومىرىڭىزدى جانە ازاماتتىق ءنومىرىڭىزدى تاعى باسقا ينفورماتسيالارىڭىزدى قاجەت ەتەتىن «باعا كەسۋ» تيجارات قيمىلىن كورگەندە قىراعى بولىڭىز، استە سەنبەڭىز، سەلقوستىعىڭىز ويلاماعان زيانعا ۇشىراتىپ جۇرمەسىن.

 

    中央广播电视总台 央广网 版权所有

    بۇل شىن با؟ «قىزىل قالتانى» اشساڭ ينفورماتسياڭ ۇرلانا ما

    «مەملەكەتتىك ينتەرنەت باقىلاۋ-باسقارۋ مەكەمەسى <قىزىل قالتانى> اشساڭ ينفورماتسياڭ ۇرلانادى دەپ ەسكەرتتى» دەي مە؟ بۇل جالعان اقپارات