ينفورماتسيا اشكەرەلەۋ: mzjubao@cnr.cn

وزەكتى ماقالالار

تويدان ابدەن تويعان قىزدىڭ اڭگىمەسى

来源:央广网     |责编:达吾力别克|     发布日期: 2019-12-14 19:03

تويدان ابدەن تويعان قىزدىڭ اڭگىمەسى

تاعى ءبىر ساباقتاستىڭ ۇيلەنۋ تويىنىڭ باعاعى جەتتى.

 

وسى ايداعى 3-توي، وسى جىلداعى 9-توي، كەلەر ايلىق ەڭبەكاقى قولعا تيگەنگە 20 كۇن بار، ءسويتىپ ەسەپ سوققانعا جەلىپ تۇرعان مەن مىناداي ەسەپ جاساپ ۇلگىردىم.

 

جول قاراجاتى:700 يۋان

 

تاماق اقىسى:100 يۋان

 

تويلىق:200 يۋان

 

جالپى: 1000 يۋان

 

ەگەر تاۋ اسىپ، تاس باسىپ سىرت جەردەگى دوسىمنىڭ ۇيلەنۋ تويىنا بارامىن دەسەم، نورمال ەسەپتەگەندە بارىپ-كەلگەنىمە مىڭ يۋاننىڭ ۇستىندە اقشا جۇمسايدى ەكەنمىن. 

 

جاڭا عانا بۇل ماۋسىمداعى ءۇيدىڭ ماي اقىسىن قوجايىنعا تاپسىرىپ بەرگەن ەدىم، نەشە كۇننەن بەرى بۇل ءۇيدىڭ قوجايىنى دوس شەڭبەرىنە ساياحاتتاپ جۇرگەن، ءىشىپ-جەگەن سۋرەتتەرىن شىعارىپ ءوزىن كورسەتكەنىن قويمادى. مەن ءار جولى ونىسىن اشىپ كورمەي-اق  لايك باسىپ قويامىن. ونداعىم مەننەن ازدا بولسا ىڭعايسىزدانسا، مەنىڭ كوڭىلىمە دە قاراسا دەگەن ەسەك دامە عانا. قالاي دەمەڭىز، شىنتۋايتىندا ونىڭ شايقاپ جۇرگەنى مەنىڭ اقشام، ءوز ەڭبەگىمەن تاپقانداي دۇنيەنى ساياحاتتاعاننان قىمسىنايىن دەمەيدى. ءبىراق ءبارى ءبىر مەنى تۇسىنەتىن ول جوق.

 

ءۇي يەسى: مەن جاتقان قوناق ساراي كەرەمەت ەكەن، باعى زاماننىڭ حان سارايلارىنداي!

 

لەبىز: دوستاردىڭ قولداۋ كورسەتىپ، لايك باسىپ جاتقانىنا كوپ راحىمەت.

 

-ە، ءبارىن قويشى، ءۇيدىڭ ماي اقىسىن وسىرمەسە سوعان شۇكىر دەيىن، امان-ەسەن جۇرە بەرسىن، ونىمەن تىرەسىپ نە مارقادام تابامىن،-دەيمىن كەيدە ءوزىمدى جۇباتىپ. 

 

ەندى جاتىپ كەلىپ ويلانامىن، تويعا بارايىن با، بارمايمىن با؟ بانكە شوتىمداعى اقشانى تەكسەرۋ كەرەك. كورگەنىمدى قايتەيىن كۇڭىرەنىپ كەتتىم، سەبەبى، قالدىق اقشانى كورىپ قارنىم اشادى، باسىم قاتادى.

 

مەنىڭ شوتىمداعى اقشا

 

1032.00 يۋان حالىق اقشاسى

 

مەن بايقۇستا اماناتقا اقشا قوياتىن كۇي قايدان بولسىن، ماڭايىمداعى دوستاردىڭ تويى ارت-ارتىنان كەلىپ، دىڭكەلەتىپ جىبەردى، ەڭبەكاقىمنىڭ قاق جارتىسىن بەرىپ، قاسىمدى كەرىپ، توي دەپ توزىپ جۇرگەن ءجۇرىسىم مىناۋ.

 

ۋيچاتتان تويلىق جوتكەۋ ادەتكە اينالعان، ەلدەر جولداعان تويلىقتى ۇندەمەي الۋدىڭ ءوزى كوڭىل جاقىندىق سىقىلدى، سەن بەردىڭ، مەن كوڭىلىڭدى قابىلدادىم دەگەندەي.

 

ءبىر ساباقتاسىم باسىنا شاڭىراق كوتەرىپ، باۋىرىنا قازان اساتىندىعىن ايتىپ مەنى شاقىرىپتى. قۋانىشىنا ورتاق بولىپ بارىپ تويلاپ قايتتىم. اراعا ەكى جىل وتپەي اجىراسىپ، قايتا ۇيلەنەتىن بولىپتى دا جانە شاقىردى، وعان دا باردىق. نەشە كۇننىڭ الدىندا ءۇشىنشى رەت ۇيلەنەتىنىن ايتىپ تاعى شاقىرىپتى. 

 

سول ساباقتاسىم ەسىمە تۇسسە بولدى، وعان باقىت تىلەپ، قۋانۋدىڭ ءوزى ارتىق سياقتى. ونىڭ ۇستىنە تويلىق دەپ قانشاما اقشا قوستىم، ءبارىنىڭ سۇراعى جوق.

 

نەشە جىلدان بەرى ەلدىڭ تويىنا شاشقان اقشامدى ەسەپتەپ كورسەم، ءبىر مۋ جەر ساتىپ الىپ، مانداريىن باقشاسىن اشا الادى ەكەنمىن.

 

ويلاپ كورىپ دوس شەڭبەرىنە «مەن سالتاناتتى، اقشا تولەيتىن، قارىن تويمايتىن، بويداقتاردى ءسوز قىلاتىن باس قوسۋلارعا بارۋعا ۇيلەسپەيدى ەكەنمىن» دەپ جازىپ جىبەرگىم كەلدى.

مەن

 

ۇقتىرۋ: 5 يۋاننان جوعارى اقشا جۇمسايتىن قيمىلدارعا مەنى ىزدەمەڭىز.

لەبىز

 

A: 4.5 يۋان

 

B: مۇندا 4.9 يۋاندىق باس قوسۋعا شاقىرامىن.

 

C: مەن 3 يۋاندىق باس قوسۋعا شاقىرامىن. 

 

ارينە، ايتەۋ بىرەۋلەر بولادى، ەلدىڭ قىزىعىن كورگەننەن وزگە بىتىرەر ۇلكەن ءىسى جوق. سولاردان سۇراعىم كەلەدى، 3 يۋاندىق ۇيلەنۋ تويىڭدى قاشان وتكىزەسىڭ؟ مەن قالماي بارايىن دەر ەدىم.

 

دوس شەڭبەرىنە شىعارۋىن شىعاردىم-اۋ، ءبىراق كوڭىل قاپالىعىمنان ايىقتىرعانى بىلاي تۇرسىن، كەرىسىنشە زىعىردانىمدى قايناتتى، دوسىممەن ۋيچاتتا سويلەسىپ، ءىش قۇستالىعىمدى ايتتىم.

 

 

مەن: ەلدىڭ تويىنا قوسقان اقشاڭ قانشا ەكەن؟

 

دوسىم: كەنەتتەن ونى سۇراپ قايتەيىن دەپ ەدىڭ؟ ونى ويلاسام كوڭىلسىز بولامىن.

 

مەن: بيىل 9 تويعا قاتىناسقان ەكەنمىن، ويلاسام جىلاعىم كەلەدى.

 

دوسىم: ايتپاشى بولدى، مەن جىلاپ وتىرمىن.

 

مەن: ...

 

دوسىم: بۇلاردى ايتىپ قايتەمىز، باسقاشا قۇلشىنبايمىز با؟

 

مەن: باسقاشا قۇلشىنعانىڭ قالاي؟

 

دوسىم: جىگىتتەرمەن تانىسايىق.

ويلاپ تۇرسام، سىرلاسىمنىڭ بۇل ءسوزى دە اقىل ەكەن، كەم دەگەندە اۋرۋىمىزدىڭ ەمى وسى بولعالى تۇر. سوسىن دەرەۋ شەشەمە حابارلاستىم.

 

 

مەن: ماعان لايىقتى جىگىت تانىستىرمايسىز با؟

 

شەشەم: يا، شەشەڭ الدىڭعى كۇنى ءبىر قىزمەتىمەن اڭگىمەلەسىپ وتىرىپ، سەنى ايتقان ەدىم. قىزمەتتەسىم ءبىر جىگىتتى ايتتى، ول دا بەيجيڭدە تۇرادى ەكەن. ساعان تانىستىرسام دەيدى. مەننەن ۋيچاتىڭدى سۇراعان ەدى.

 

مەن: بولادى، بولادى.

 

شەشەم: مەن ويلانىپ كورەيىن دەدىم.

 

مەن: ؟؟؟

 

مەن: ماعان تانىستىراسىز با؟؟؟

 

شەشەم: سولاي.

 

مەن: وندا نەسىن ويلاناسىز.

 

مەن وزىمشە قۋانىپ قالدىم، ال سوندا نەگە قۋانىپ وتىرعانىمدى وزىمدە بىلمەيمىن.

 

«ساۋ بولىڭىز شەشە، بۇگىن كەشكە ۇزاق جولعا ۇشامىز، الاڭداماڭىز، مەن كوڭىلدى دە اقىلدى بالامىن.

 

بۇل رەتكى تانىسۋدىڭ ءساتى تۋار دەسەم، شەشەم سوڭىن اياقسىز قالدىردى.

 

بىرنەشە كۇن وتكەننەن كەيىن، سىرلاسىم ۋيچاتقا حات قالتىرىپتى.

 

دوسىم: مەن جاڭا تانىسۋعا باردىم.

 

مەن: و، مىنە قىزىق، تەز قيمىلداپسىڭ عوي.

 

دوسىم: ...

 

مەن: قانداي ەكەن، سەنىمدى مە؟

 

دوسىم: تاماقتانىپ بولعاننان كەيىن مەنى ۇيگە جەتكىزىپ قويماقشى بولدى. مەن اۋرە بولما، مەترو بەكەتى جاقىن، مەترومەن قايتىپ كەتەمىن دەدىم. ول جەتكىزىپ قويامىن دەپ تۇرىپ العاننان كەيىن، مەن ماقۇل بولدىم. كولىككە شىعىپ، حاۋىپسىزدىك بەلبەۋىن تاعىپ از وتپەي، مەترو بەكەتىنە جەتتىك دەمەسى بار ما.

مەن: حا، حا، حا.

دوسىمنىڭ ايتقاندارى كينو كارتيناسىنداي كوز الدىمنان ءوتىپ جاتتى. مۇنداي قىزىققا شەگىم تۇيىلگەنشە كۇلدىم. «ەكى جاستى قوسقاننىڭ ساۋابى بار» دەگەن پيعىلدا دوسىما جالعاستى بايقاپ كورۋدى ايتتىم. ەكى كۇن وتەر-وتپەستە دوسىم حابارلاسىپتى، جاڭا تانىسقان سول جىگىت ۇيلەنۋ تالابىن قويعان ەكەن.

 

جىگىت: ۇيلەنگىم كەلەدى، ەكەۋىمىز ۇيلەنەيىك شى؟

 

دوسىم: ءبىز تانىسقانىمىز جاڭا عوي.

 

جىگىت: ماعان سەن ۇناپ قالدىڭ. مەن ويلاعانداي جۇباي بولادى دەپ سەنەمىن.

 

دوسىم: الدىمەن ارالاسىپ كورەيىك.

 

جىگىت: جوق، ۇيلەنسەك ءبارى بولادى. 

 

دوسىم: ۇيلەنە المايمىن.

 

جىگىت: ماعان رۋحاني تولەم بەرەسىڭ. 2 مىڭ يۋان.

 

دوسىم: ا؟

 

جىگىت: ساعان تاماق الىپ بەردىم، ۇيىڭە جەتكىزىپ قويدىم، جانە اڭگىمەلەستىم. مەنىڭ ۋاقىتىم مەن كۇشىم سىراپ بولدى؟ ۇيلەنبەسەڭ تولەم بەرەسىڭ!

ولاردىڭ بۇل اڭگىمەسىنە كۇلەرىمدى دە، جىلارىمدى دا بىلمەدىم. دوسىمدى اياپ كەتتىم. «ءتىرى بولساق ءالى تالايىن كورەمىز» دەپ جۇباتقانداي بولدىم.

 

جىگىت: مەنشە ءبىز ۇيلەنەتىن بولساق، مەننەن كوپ جاقسى learn (ءبىلىم) ۇيرەنەتىن بولاسىڭ؟

 

جىگىت: سەبەبى سەنەن بىرنەشە جاس old  پىن عوي.

 

دوسىم: ادەتتەدە ارالاستىرىپ سويلەسەسىڭ بە؟

 

جىگىت: سولاي، تۇرمىستا دا وسىندايمىن.

 

جىگىت: ەرتەڭگى جۇڭگو جاھاندانۋعا go بولادى.

 

جىگىت: English تى ءسوزسىز يگەرۋ كەرەك.

 

دوسىم: كەشىر، مەن اعىلشىنشانى جاقسى وقىماعامىن.

 

دوسىم: جانە اعىلشىنشا سويلەگەندى ۇناتپايمىن.

 

دوسىم: ءبىز سايكەسپەيدى ەكەنبىز.

 

جىگىت: ايتتىم عوي، ەكەۋىمىز بىرگە بولساق، سەن مەنەن كوپ نارسە teach بولاسىڭ. work (ومىردە)، learn (بىلىمدە)، life(سۇيسپەنشىلىكتە) بارىندە مەنەن جاقسى ۇلگى قابىلدايسىڭ. understand (تۇسىنبەگەن) ىستەرىڭدى مەن تۇسىندىرەمىن.

 

جىگىت: بىلمەگەنىن سۇراۋدا good قاسيەت.

 

دوسىم: yes (جارايدى)

 

جىگىت: ءسوز جازعاندا تىنىس بەلگىلەردى قولدانۋ كەرەك. بۇل سەنىڭ شىنايىلىعىڭدى كورسەتەدى.

 

دوسىم: ؟؟؟

 

جىگىت: مىنە وسىلاي، دەگەنمەن بىرەۋ بولسا جەتەدى.

 

دوسىم: ؟

 

جىگىت: سەنىڭ learn نىڭ تەز ەكەن.

 

جىگىت: ءىس جۇزىندە ەگەر world (جەرشارىن) جاقسى يگەرسەڭ، مەن سەنى حاتشىلىعىما قابىلدار ەدىم.

 

دوسىم: ؟

 

جىگىت: نە بولدى؟ ايتار trouble بار ما؟

 

دوسىم: ۇلكەن trouble جوق، كىشكەنتاي question بار.

 

جىگىت: قانە ەستىپ كورەيىك.

 

دوسىم: قالايشا جەرشارىن(world) جاقسى يگەرۋىم كەرەك؟

 

-مەن world دىڭ يەسىمىن با؟

 

-world اسپان، world جەر، دۇنيە كوركەم كورىنەر. 

 

جىگىت: نە دەپ كەتتىڭ؟ مەن مەن ايتقان world حاتشىلار ءسوزسىز  يگەرۋگە ءتيىستى قىزمەت قۇرالى.

 

-كەشىر، قاتە جازىپپىن، مەن word تى ايتامىن.

 

دوسىم: مەن قاربالاسپىن، ەندى ايتۋدىڭ قاجەتى جوق. ءبىز شىنىمەن سايكەسپەيمىز، ەندى حابارلاسۋشى بولما.

 

جىگىت: سەن شىنىمەن سونداي bosy سىڭ با؟

 

-جاي عانا باكىن-شۇكىن قىزمەتشى bosy بولعاندا قايتەدى.

 

-دەرەۋ ماعان تەلەفون قايتار.

 

-دەرەۋ ماعان تەلەفون قايتار.

 

-سەنىڭ باستىعىڭ كىم.

 

-مەن سەنىڭ جوعارى دارەجەلى باستىعىڭمەن تانىسپىن.

 

-ەندى bosy  بولعانىڭدى كورەيىن.

 

ەلدىڭ ءبارى ناعىز سۇيگەنىڭدى جولىقتىرۋ قيىن دەيدى، قيىن بولماي قايتسىن؟ قاراپ تۇرساڭ، بىرەۋلەردىڭ قازىمىرلىعىنان، ىستەگەن ىستەرىن كىم قابىلداي الادى؟ قانداي ۇزىلمەسىن دەپ بولات شىبىقپەن ماتاساڭ دا، سول قازىمىرلىقتان ءۇزىلىپ كەتىپ جاتپاي ما.

 

سىرلاس دوسىمنىڭ كوڭىلى ابدەن قالعان. مەنەن وسىنداي «جىندىلارعا» كەزىگىپ كوردىڭ بە دەپ سۇراعان سوڭ، تەلەفونىمدى الىپ، ءبىر اعامەن اڭگىمەلەسكەنىمدى ايتتىم.

 

جىگىت: قىزمەتكە شىقتىڭ با؟

 

مەن: جولدامىن.

 

جىگىت: تاماق ءىشتىڭ بە؟

 

مەن: ءىشىپ جاتىرمىن.

 

جىگىت: قىزمەتتەن ءتۇستىڭ بە؟

 

مەن: ۇستەمە قىزمەتتە.

كوردىڭ بە، ءبىر قاراساڭ ەشقانداي ماسەلە جوق سياقتى، ال ويلانىپ قاراساڭ راس ءبىر سۇراۋ بار سياقتى. 

 

قوي بولدى، توقسان اۋىز ءسوزدىڭ توبىقتاي ءتۇيىنى:

 

اعايىن، مەنىڭ ومىرىمە سەن بيلىك ايتپاي-اق قوي، قارتتار ۇيىندە كەزدەسەيىك،-دەگىڭ كەلەدى وندايلارعا.

 

بىلايشا ايتقاندا، تانىسۋدىڭ ءوزى قاتەرلى ەكەن، سىرىن بىلمەيتىن اتتىڭ سىرتىنان جۇرمە دەپ بەكەر ايتپاعان عوي.

 

تانىسۋدىڭ جۇرەككە سالعان «جاراسىن» جازۋ ءۇشىن، دوسىم ەكەۋىمىز قالادان شىعىپ ساياحاتتايمىز دەپ شەشتىك. كەرەمەت، كوڭىلدى، ەستە قالارلىق ساياحات بولاتىنىنا سەندىك.

 

بىرنەشە كۇن بويى قايدا ساياحاتتاۋدى ويلاستىق، اقىرى سوڭىندا اۋىلىمىز چاڭچۇنگە بارۋدى ءجون كوردىك.

 

سەبەبى:

 

12-ايدىڭ 13-كۇنى 4-كەزەكتى جيلين قار پەستۆالى، 23-كەزەكتى چاڭچۇن قار-مۇز مەرەكەسىنىڭ اشىلۋ سالتى ءدال ءبىزدىڭ اۋىلدا وتەتىن بولعان.

 

جيلين ولكەسى دۇنيەجۇزىندە قار-مۇزدىڭ التىن ەندىك بەلدەۋىنە ورنالاسقان. وسى ەندىك بويىندا دۇنيەجۇزى بويىنشا ءۇش ۇلكەن قار بازاسى ورنالاسقان:

 

چاڭبايشان تاۋى

 

 الپى تاۋى

 

 روككي تاۋى

 

جيلين ولكەسىنىڭ قىسىندا قار كوپ جاۋادى جانە قىسى ۇزاق بولادى. ادەتتە ءار جىلدىڭ 11-ايىنان باستاپ كەلەسى جىلدىڭ 3-ايىنىڭ اياعىنا دەيىن قىس بولادى. چاڭبايشان تاۋىنىڭ تاۋلى رايوندارىندا قىسى ءتىپتى ۇزاق، ءار جىلى 4-اي، 5-ايلاردا ءاپپاق قار باسىپ جاتادى. سونداي-اق حالىقارالىق جانە ەل ىشىندەگى ۇقىقتى ورگاندار «حالىقارالىق ىستاندارتتىق دارەجەدە قار-مۇز الاڭىن ىشكەرىلەي اشۋعا، جۇڭگوداعى ەڭ جاقسى قار-مۇز سپورتىن دامىتۋعا تاپتىرمايتىن جەر» دەپ باعالاپ وتىر.

 

دۇنيەجۇزىندە كەرەمەت قار بايلىعى بار، دۇنيەجۇزىندەگى قىستىڭ ەڭ كوركەم تابيعاتىنا نەگە بارماسقا دەپ ءبىرىمىز باستاپ، ءبىرىمىز قوستايمىز.

 

بالكىم وسى قار الاڭىندا سىرعاناپ ءجۇرىپ،  سپورتپەن شۇعىلداناتىن  ءبىر جىگىتكە كوزىمىز تۇسەر.

 

     

中央广播电视总台 央广网 版权所有

تويدان ابدەن تويعان قىزدىڭ اڭگىمەسى

وسى ايداعى 3-توي، وسى جىلداعى 9-توي، كەلەر ايلىق ەڭبەكاقى قولعا تيگەنگە 20 كۇن بار، ءسويتىپ ەسەپ سوققانعا جەلىپ تۇرعان مەن مىناداي ەسەپ جاساپ ۇلگىردىم.